Outros

IV Encontros de Banda Deseñada na Mariña

Spiderman e Batman na Biblioteca do IES Perdouro de BurelaNo IES PERDOURO de Burela (Lugo) deron comezo os IV Encontros de Banda Deseñada na Mariña, unha cita xa ben asentada na dinámica do centro, con ampla repercusión na comarca. Estes encontros, organizados conxuntamente pola Biblioteca do centro e o Equipo de Normalización e Dinamización Lingüística, implica a todo o profesorado e alumnado do centro e conta coa colaboración do concello de Burela. Podemos ver imaxes do acto de inauguración que tivo lugar na biblioteca o día 18 de xaneiro, á hora do recreo, no blog dos encontros BANDA DESEXADA.

En palabras dos organizadores, os encontros pretenden, por un lado, a posta en coñecemento do apaixoante mundo do cómic e, por outro, dinamizar a vida da Biblioteca, xa que o cómic é un bo recurso para fomentar a lectura entre o máis novos. A adquisión de moitas obras novas para os fondos da Comiteca posibilita a consulta e a lectura de calidade, o que fai que o noso alumnado mostre interese por este tipo de obras.
Ademáis das actividades programadas (obradoiros, encontros, exposicións, proxeccións de películas...), a biblioteca do IES Perdouro convoca un concurso de creación de banda deseñada, con tres categorías: ata 13 anos, de 14 a 18 anos e unha categoría aberta. Pódense consultar as BASES no blogue dos encontros. O prazo de presentación de orixinais remata o 20 de marzo de 2012.

"Desmontando prexuizos" ou "dedicado a quen afirma que os nenos non len"...

 


 

"Un ano entre libros" é o título deste vídeo do CEIP CHANO PIÑEIRO (Gondomar, Pontevedra) que vén a resumir e dar conta da intensa actividade dunha biblioteca escolar ao longo do curso... un bo exemplo das dinámicas existentes por todo o territorio galego. Parabéns!!!

+ información no PAPORRUBIO, o blogue da biblioteca do Ceip Chano Piñeiro.

Letras Galegas en maio... e todo o ano.

Por todo o país florecen neste maio actividades culturais diversas, co fin de dar a coñecer a figura á que se lle adica este ano o Día das Letras Galegas, pero tamén a poñer en valor a lingua e as súas posibilidades de comunicación e de expresión artística. As bibliotecas escolares non son alleas á marea poética que atravesa este ano "loisiano" e son moitos os exemplos de actividades que se impulsaron desde estes espazos educativos; tamén moitas as propostas de aula ou de centro que apoiaron cos seus recursos. Velaquí unha pequena mostra:

Recoméndase un percorrido polos blogues das bibliotecas escolares galegas para obter unha idea das actividades programadas e da súa diversidade: PRIMARIA  -  SECUNDARIA

Salvando libros: un proxecto colaborativo

 Unha vez máis, un bo feixe de bibliotecas escolares galegas puxéronse á tarefa de botar adiante un proxecto conxunto. A raíz dunha proposta inicial, a través de correos electrónicos de ida e volta, foise perfilando a idea de SALVAR UN LIBRO a fin de "chamar a atención sobre a importancia de apreciar, coidar e manter o noso patrimonio cultural escrito". Un total de 96 bibliotecas escolares de distintos niveis de ensino sumáronse a este traballo conxunto. Despois dunha fase interna, cada centro educativo elixiu un libro galego para salvar, que son os que se recollen nuns carteis, deseñados polo ilustrador Jaime Eizaguirre Santillán, ex-alumno do IES Sánchez Cantón e que xa ten colaborado en proxectos anteriores, sempre de forma desinteresada. O traballo estivo coordinado polas responsables das bibliotecas de EEI de Vide (As Neves) e do IES Luís Seoane (Pontevedra), coa colaboración tamén da responsable do IES Sánchez Cantón (Pontevedra).

 

Namórame con lecturas! Propostas de febreiro nas bibliotecas escolares galegas

cartel concurso mensaxes de amorSon moitas e moi variadas as propostas que desde os Equipos de Biblioteca, en colaboración ás veces cos equipos de Normalización Lingüística, se lle están facendo á rapazada co gallo do 14 de febreiro, data que (sendo estritamente comercial) ben se pode mudar nunha oportunidade para atraer ao alumnado á lectura e á escritura. Un modo contundente de recoller os seus intereses a, a partir deles, incentivar máis usos de cultura escrita. Algúns exemplos:

As bibliotecas escolares, espazos de creación

 

As bibliotecas escolares poden asumir, como unha das súas funcións, a de estimular a creación literaria (e a expresión artítstica en xeral), entre o alumnado. Así o están facendo os centros educativos de todo o país mediante concursos de poesía, cómic, narración, fotografía, ilustración, artigos xornalísticos ou textos teatrais....

Unha destas bibliotecas é a do IES Fontexería, de Muros (A Coruña) que nestes días fixo entrega dos premios correspondentes á 2ª Recollida de Nanocontos, un certame de creación moi especial e que está a ter gran éxito na comunidade educativa. A través do seu blogue podemos coñecer esta experiencia e acceder aos nanocontos.

Letras Galegas - 2008: máis materiais elaborados polas bibliotecas escolares.

Desde a biblioteca do CEIP San Franciso Xavier, de A Coruña, remítennos para a súa difusión unha presentación ben interesante para o alumnado de primaria con actividades atractivas arredor dos poemas de Álvarez Blázquez. Agradecemos a Julia Tarrío, responsable desta biblioteca escolar, que o poña a disposición do resto do profesorado galego.

Letras galegas 2008. Xosé María Álvarez Blázquez

Nota: Para obter a maior rendabilidade a esta proposta cómpre lembrar que na parte inferior de cada diapositiva, en formato presentación, existen ferramentas de escritura.

Literatura na rúa!!

 
 

  Para celebrar o Día do Libro o alumnado de Literatura Galega do século XX (2º BAC) deixou a aula e saíu ás rúas de Pontevedra agora con pouco tránstito e acolledoras. Cada alumno/a foi lendo un texto de homenaxe a autores que contan cunha estatua, busto ou placa nas rúas pontevedresas. Castelao, Bóveda, Valle Inclán, Paz Andrade... deixáronse acompañar uns momentos polos mozos e mozas do IES Sánchez Cantón. (Charo Sánchez-Gabriel, responsable da biblioteca)

As bibliotecas escolares son lugares abertos, espazos de liberdade.... derruban fronteiras e bótanse á rúa, porque a lectura é vida. Velái aos rapaces e rapazas do IES Sánchez Cantón, no Día Internacional do Libro, levando a literatura polas rúas e prazas de Pontevedra, "animando" até as estatuas...

E uns días antes, mozos e mozas do IES Alexandre Bóveda de Vigo fixeron a ruta literaria de Rosalía de Castro, tal e como contan no seu blogue:  http://biblioboveda.blogspot.com/2008/04/ruta-literaria-de-rosala.html

Día Internacional do Libro nas bibliotecas escolares

Moitas son as actividades que ao longo deste mes se veñen celebrando, coma no resto do ano, nas bibliotecas escolares galegas. Algunhas destas propostas son as seguintes:

O Libro do Mes: un concurso para animar a ler

Benigno Nerga, profesor responsable do IES Alexándre Bóveda, de Vigo, segue elaborando novas "baterías de preguntas" para o concurso O LIBRO DO MES, de grande éxito neste instituto e que está a darlles moi bos resultados coa rapazada. Comparte con todos e todas este arquivo que revisa outros anteriores e recolle propostas, en conxunto, sobre os seguintes títulos:

  1. Os escaravellor svoan á tardiña. María Gripe
  2. El Señor de los Ladrones. Cornelia Funke
  3. A sombra cazadora. Suso de Toro
  4. Verano en vaqueiros. Ann Brashares
  5. A Expedión do Pacífico. Marilar Aleixandre
  6. Charlie e a fábrica de chocolate. Roald Dahl
  7. Perigo vexetal. Ramón Caride
  8. La Tuneladora. Fernando Lalana
  9. O can dos Baskerville. Arthur C. Doyle
  10. La última legíón. V.M. Manfredi
  11. Un mundo feliz. Aldous Huxley
  12. Ollos de auga. Domingo Villar
  13. Eidolon. Jane Johnson
  14. Noite de voraces sombras. Agustín Fernández Paz
  15. O neno do pixama a raias. John Boyne

Despois de ler... actividades Jclic sobre Matilda e outros

Desde a biblioteca do IES As Mariñas, de Betanzos, Marga Tarrío achéganos unhas actividades en Jclic, a partir da lectura de dous libros:

  1. MATILDA, de Roald Dahl
  2. EL CAZADOR DE ESTRELLAS, de Ricardo Gómez

As mochilas xa están a viaxar

As mochilas viaxeiras están xa en marcha, con distintas fórmulas segundo as idades do alumnado e a finalidade que os equipos de biblioteca pretenden con esta actividade.  Achégannos materiais elaborados por algunhas bibliotecas escolares arredor desta iniciativa:

Por fin empezaron o seu percorrido as mochilas viaxeiras. Polo de agora circularán entre as familias do segundo ciclo (3º e 4º de EP).

Un homiño de plastilina na bibioteca


Dende o IES Manuel Chamoso Lamas de O Carballiño (Ourense) chéganos O HOMIÑO DE PLASTILINA, unha curta de animación, froito dunha experiencia ben interesante: A biblioteca escolar convoca un concurso de guións que ten como premio, xustamente, a realización do guión gañador.  O traballo seleccionado pasa a ser unha realidade grazas ao traballo colaborativo do alumno, Samuel Ortiz, autor do guión e un profesor do centro. Segundo nos dín, a curta que agora podemos ver é o resultado dun traballo de todo o ano, lento e minucioso, realizado fóra do horario lectivo.. Parabéns aos seus autores!!

IES Pintor Colmeiro - Silleda

Materiais para o tratamento da violencia de xénero:

  • Os dereitos da muller: guía para conversa sobre o libro NAKUSHA, LA NO DESEADA. Guía para o tratamento dunha canción: Yo en tu ventana.
  •  Presentación Actrices contra a violencia de xénero.

IES Sánchez Cantón - Pontevedra

 

A biblioteca do IES Sánchez Cantón preparó un cartel multilingüe para dar a benvida aos seus lectores e ás súas lectoras.

IES de Fene

Materiais para incentivar a lectura de poesía.

IES de Arzúa

Materiais sobre violencia de xénero.

IES Alexandre Bóveda - Vigo

Desde a Biblioteca do IES Alexandre Bóveda achégannos cuestionarios que "pasan" no concurso de fomento da lectura, LIBRO DO MES