Encontros PLAMBE 2019/2020

 

Os vindeiros 12 e 13 de marzo celébranse en Compostela os Encontros do Plan de mellora de bibliotecas escolares correspondentes ao curso 2019/2020, con intervención de persoas expertas en diversos ámbitos relacionados coas bibliotecas, a literatura, a comunicación, a mediación lectora, a alfabetización mediática e informacional, a tecnoloxía educativa e a produción audiovisual. Ademais, presentaranse un total de 23 experiencias de centros de moi diverso contido (funcionamento da biblioteca escolar, voluntariado, biblioteca inclusiva, bibloteca creativa, Radio na biblio, traballo por proxectos, bibliotecas LÍA.2 e outros). Neste ano de "viveiro de cidadanía", a biblioteca estará moi presente como espazo facilitador do encontro, o diálogo, a lectura crítica, a reflexión, o acceso ao coñecemento, a investigación, a experimentación, a creación e adquisición de competencias útiles para unha participación activa na sociedade. 

Este será un encontro moi especial, xa que celebramos os 15 anos de vida do PLAMBE, nos que as bibliotecas escolares galegas foron mudando  ata converterse nos motores de cambio dos centros.