Bibliotecas escolares

Día Mundial da Radio 2023: Radio e Paz

 

 
 
 
 
No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión."  
 
Este ano, o duodécimo Día Mundial da Radio ten como lema: "Radio e Paz"En contextos de tensións afastadas ou inmediatas, os programas pertinentes e os informativos independentes sentan as bases dunha democracia sostible e unha boa gobernanza, ao reunir probas sobre o que está a ocorrer, informar os cidadáns respecto diso en termos imparciais e baseados en feitos, explicar o que está en xogo e mediar no diálogo entre os diferentes grupos da sociedade.
 
Un lema en sintonia co traballo das 167 bibliotecas escolares adscritas ao programa Radio na biblio nos tempos estraños que nos toca enfrontar,  que convida a seguir combatendo a desinformación e a traballar coa alfabetización mediática e informacional nas nosas comunidades educativas. 
 
Imaxe de CEIBE Radio, a emisora da biblioteca escolar do CEIP A Lama.
 
 

11F: Día Internacional da Muller e a Nena na Ciencia

 
 
 No ano 2015, a ONU estableceu un Día Internacional para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212. A finalidade é lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas.
 
Lembremos que a ciencia e a igualdade de xénero son vitais para alcanzar os ODS,  incluidos na Axenda 2030, nos que moitas das nosas bibliotecas escolares están a traballar.
 
Esta é unha data que cada ano se traballa máis nas bibliotecas cara a paliar a brecha de xénero nos sectores STEAM, visibilizando o traballo das mulleres nestas áreas e coñecendo as dificultades que atopan. Visitas de científicas, seleccións de lecturas, traballos de investigación e experimentación... son algunhas das actividades que ocupan os espazos científicos, creativos, manipulativos e colaborativos das mesmas.
 
Máis información:
 
Actividades nas bibliotecas escolares de Galicia:
 

Resolución da convocatoria do programa Lectura e Familias para o curso 2022/23

 

 
 
 
 
O Portal Educativo vén de publicar a Resolución do 2 de febreiro de 2023, da Dirección Xeral de Ordenación e Innovación Educativa pola que se dá a coñecer a relación de centros que reciben asignación para o funcionamento do programa de Lectura e familias, ao abeiro da convocatoria de 8 de novembro de 2022. Son 50 centros que se incorporan ao programa neste curso 2022/2023 e 44 centros que continuan no programa. 
 
 
Na imaxe, obradoiro do programa Lectura e Familias, ALFIN/AMI a través da robótica no CEIP de Pazos (Ferrol)
 
 

  • PUBLICACIÓN NO PORTAL EDUCATIVO

Xornada Biblioteca Creativa 2022/23

 
 
O 10 de febreiro de 2023 celebrarase na EGAP a Xornada de Biblioteca Creativa que reunirá ás 148 persoas coordinadoras deste programa nas súas bibliotecas. Inaugurará a xornada Arantza Mariskal de Medialab-Tabakalera falando da biblioteca de creación e os laboratorios cidadáns e continuará con obradoiros simultáneos de escornabots, impresión 3D, prototipado, escrita creativa, narrativa transmedia, creación e creación audiovisual. Pecharán coas experiencias de tres centros que falarán da transformación dos espazos, recursos e dinamización de actividades.
 
 



  • #XBC23 

Día da Ilustración 2023

 
Cada 30 de xaneiro, coincidindo co día do nacemento de Castelao, celébrase o Día da Ilustración. Esta é unha iniciativa da Consellería de Cultura, Educación, Formación Profesional e Universidades en colaboración coa   Asociación de Profesionais da Ilustración . Unha data que serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. Este ano a protagonista é María Antonia Dans, pintora "cunha profunda conciencia de xénero". 
 
Unha ocasión para traballar e reivindicar desde as bibliotecas escolares a historia da ilustración galega que non deixa de ser memoria do noso país. Para achegarnos ao valor propio das imaxes  máis aló dun cacompañamento da escrita. Neste ano para reivindicar, tamén, o traballo das mulleres no mundo da ilustración e a arte galega.
 
Tamén, unha oportunidade para poñer en valor o traballo de Siro autor do cartel deste ano, unhapoderosa imaxe da que seguro teremos moitas e variadas lecturas da historia da nosa literatura.
 
Nesta data, desde a Asesoría de bibliotecas escolares queremos poñer en valor o  traballo dos ilustradores e ilustradoras  ao longo de 15 anos de creación e de colaboración na edición dos carteis anuais para as bibliotecas escolares galegas, que iniciáramos en 2008 , e, de paso, celebrarmos estas fermosas imaxes a prol da lectura que fomos quen, entre todos, de poñer nos muros dos centros educativos. Imaxes que xurden dun coidado proceso de creación a partir do lema proposto. Imaxes que son testemuña gráfica da evolución das bibliotecas escolares galegas.
 
Ilustradores/as e creadores/as dos carteis anuais:  
 

Resolución definitiva da convocatoria de Clubs de lectura para o curso 2022/23

 

Portal Educativo vén de publicar a resolución definitiva da Dirección Xeral de Ordenación e Innovación Educativa pola que se dá a coñecer a relación de centros que reciben asignación para o funcionamento de clubs de lectura, segundo convocatoria de 26 de setembro de 2022, a través da cal se incentiva esta actividade de fomento da lectura en centros de titularidade da Consellería de Cultura, Educación, Formación Profesional e Universidades que acollen ensinanzas de educación primaria, secundaria, bacharelato, formación profesional ou ensinanzas de réxime especial para o curso 2022/23. 

  • PUBLICACIÓN NO PORTAL EDUCATIVO

Resolución definitiva dos centros ás iniciativas de Voluntariado para o curso 2022/23

 

 
 
Portal Educativo vén de publicar a resolución definitiva dos centros que se adscriben a dúas das accións incluídas no programa Bibliotecas Escolares Solidarias, segundo a convocatoria deste programa do  30 de novembro de 2022.
 
VOLUNTARIADO DE LECTURA-A (alumnado de 5º e 6º de primaria): 75 centros inscritos. 
 
VOLUNTARIADO NA BIBLIOTECA ESCOLAR (alumnado de  secundaria e outras ensinanazas): 115 centros adheridos.
 
Esta é unha iniciativa da Consellería de Cultura, Educación, Formación Profesional e Universidades  (Dirección Xeral de Ordenación e Innovación Educativa) en colaboración coa Consellería de Política Social, a través da Dirección Xeral de Xuventude, Participación e Voluntariado.
 

Resolución definitiva do Programa Biblioteca Creativa para o curso 2022/23

 

 
 
 
Portal Educativo publica a Resolución definitiva da Dirección Xeral de Ordenación e Innovación Educativa coa relación dos 25 centros que se incorporan ao Programa Biblioteca Creativa no presente curso 2022/23, así como a relación de centros de continuidade e as asignacións económicas correspondentes.
 

  • PUBLICACIÓN NO PORTAL EDUCATIVO

Lecturas nas que resgardarse

 

 

 

 

Un libro é unha especie de choza que podemos levar connosco, que abrimos, onde nos coamos, onde podemos volver...

 

Michéle Petit. LER O MUNDO. Kalandraka, 2018

 

Imaxe da biblioteca Maga Tomasa do CEIP Alfonso D. Rodríguez Castelao (Navia-Vigo) 

 

Achéganse os días de lecer que coinciden cos primeiros días do inverno, co tempo frío e a pouca luz no exterior. Son ocasión fantástica para ocupar parte do tempo na lectura, sós ou en compañía de amigos ou familiares.

As bibliotecas escolares comezan a difundir as súas recomendacións de lectura (tamén de cine, música, xogos, apps, fontes dixitais de interese...). Diferentes en propostas, en contido, en deseño... todas elas responden ao interese dos equipos de biblioteca por facilitar  unha escolla axeitada á hora de agasallar . Buscan, tamén, que as lectoras e os lectores desenvolvan autonomía á hora de seleccionar as súas propias lecturas, aprendendo a mirar nos libros máis aló da súa capa e das estratexias do mercado, aprendendo a escoller con criterio.

Son propostas feitas desde a especialización dos integrantes dos equipos de biblioteca. Reflicten a variedade de oferta que a industria editorial galega e foránea pon a disposición das persoas lectoras. Son, pois, un instrumento para o fomento da lectura especialmente cando inclúen unha pequena recensión que orienta sobre o contido de cada un dos títulos seleccionados. Orientacións que inclúen a recomendación da compra no comercio de proximidade.

 

As bibliotecas escolares de Galicia recomendan espazos seguros nos que coarse:

 

 

 

Materiais da Xornada de Bibliotecas Escolares de Galicia 2022-2023

Xornada de bibliotecas escolares de Galicia 

Están xa dispoñibles en RedeBE para todo o profesorado interesado os materiais da Xornada de Bibliotecas Escolares de Galicia 2022-2023, celebrada en Compostela o pasado 12 de novembro e que reuniu, presencialmente, a preto de 800 persoas, entre participantes, relatores e asesoras de formación do profesorado. 

Novos artigos na sección de Bibliotecas Escolares da revista EDUGA. Número 84 (decembro de 2022)

 

 

A Consellería de Cultura, Educación, Formación Profesional e Universidades vén de facer público un novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número de decembro de 2022 publícanse un total de oito artigos, nas tres sub-seccións: Biblioteca escolar (textos que falan sobre aspectos esenciais e básicos), Boas prácticas (artigos de reflexión sobre accións e desenvolvemento de proxectos de especial relevancia e interese),e Hora de Ler (achegas que poñen en valor iniciativas a prol da lectura e da escritura nas bibliotecas escolares). 

 

Lecturas recomendables e nutritivas para estes vindeiros días, nos que quizais podamos atopar algo máis de tempo para achegarnos a estes oito textos que poden inspirar novas reflexións e iniciativas para o futuro das nosas bibliotecas.

 

   

Non esperamos o futuro, vivimos no presente: o camiño a unha biblioteca LIA.3

 

De como transformar unha sala de lectura nunha biblioteca do presente

 

Por onde empezamos? Foi o que nos preguntamos cando entramos por primeira vez na biblioteca do instituto. Unha biblioteca como tantas, con servizo de préstamo para quen o solicitase previamente, exemplares das lecturas obrigatorias e mesas grandes para que se puidesen facer os deberes ou estudar algo antes dun exame. (...)

Biblioteca escolar: vertebrando aprendizaxes


Proxectos documentais integrados e tarefas integradas

 

A biblioteca escolar posiciónase, desde hai tempo, como porto desde o que saír para vivir un mar de experiencias documentais, vivenciais, inclusivas e solidarias ao servizo do currículo e da comunidade. Experiencias persoais e sociais, unha singradura activa e interactiva que posibilita a aprendizaxe ao longo da vida, desenvolvendo as competencias: sendo, facendo, sabendo e convivindo.

 

A biblioteca a través das ondas


 

Como a radio nos axuda a levar a biblioteca escolar fóra da escola

A biblioteca do CEIP Seara, desde todas as vertentes que a forman, ten entre os seus obxectivos a creación de contidos por parte do noso alumnado, pero non queremos que estes contidos queden pechados dentro das aulas, senón que buscamos influír de xeito positivo na contorna.

A biblioteca creativa: Fortalecendo competencias

 

Os recursos da biblioteca creativa son unha excelente ferramenta coa que traballar o currículo, xa que promove a expresión oral, o razoamento lóxico, o xogo, a aprendizaxe manipulativa, a investigación e o pensamento computacional, en prol de acadar unha aprendizaxe competencial. Seguindo unha metodoloxía activa e fomentando o traballo cooperativo ofréceselle a engrenaxe perfecta para integrar estas actividades no deseño e planificación das tarefas e proxectos do centro.

 

Outes Sostible. Cidadáns do presente para o futuro

A tecnoloxía ao servizo de novas realidades

 

O artigo expón o proceso levado a cabo no marco do proxecto documental integrado Outes Sostible. Cidadáns do presente para o futuro no curso 2021/22. O proxecto fai unha análise das posibles melloras que como cidadanía comprometida podemos abordar na nosa contorna, ao tempo que se achega o alumnado ao coñecemento dos Obxectivos de Desenvolvemento Sostible 2030 da ONU que foron empregados como eixe de análise.

Quen somos? De onde vimos? Cara a onde imos?

O PDI Tecendo identidade(s) da biblioteca do IES Arcebispo Xelmírez I

 

«Quen somos? De onde vimos? A onde imos? Estamos sós na galaxia ou acompañados?». A letra de Siniestro Total ben podería ser a banda sonora do PDI Tecendo identidade(s), que puxo en marcha a biblioteca do IES Xelmírez I durante o curso 2022/23 buscando espertar no alumnado o interese pola súa identidade, tanto desde o punto de vista individual como cultural e social.

 

Os clubs de lectura como oportunidade para afondar no plurilingüismo

O CEIP Plurilingüe O Pombal aproveitou a oportunidade para traballar as linguas impartidas no centro creando clubs plurilingües


O presente artigo pretende analizar as vantaxes derivadas da participación nos clubs de lectura. Xorde após ser seleccionado o noso centro na convocatoria de clubs de lectura, aproveitando a oportunidade que a Consellería ofreceu ao abrir a participación no programa aos centros de infantil e primaria, moitos dos cales xa contaban con eles, mais non eran recoñecidos oficialmente nin tiñan unha dotación orzamentaria propia. Cúmprese así co establecido no Plan LIA 2021-2025 e coas reivindicacións de moito profesorado desta etapa

Ler entre reixas

 

Neste artigo relátase a experiencia da EPAPU Nelson Mandela, integrada no Centro Penal da Lama, co club de lectura que se leva a cabo cos internos e internas. Aquí poderedes coñecer o funcionamento, así como o que buscamos conseguir poñendo en marcha esta iniciativa neste contexto.

 

 

Resolución provisional dos centros adheridos ás iniciativas de Voluntariado para o curso 2022/23

 
 
 
O Portal Educativo vén de publicar a resolución provisional dos centros que se adscriben a dúas das accións incluídas no programa Bibliotecas Escolares Solidarias, segundo a convocatoria deste programa do  30 de novembro de 2022.
 
VOLUNTARIADO DE LECTURA-A (alumnado de 5º e 6º de primaria): 74centros inscritos. 
 
VOLUNTARIADO NA BIBLIOTECA ESCOLAR (alumnado de ensino secundario): 112 centros adheridos.
 
Esta é unha iniciativa da Consellería de Cultura, Educación, Formación Profesional e Universidades  (Dirección Xeral de Ordenación e Innovación Educativa) en colaboración coa Consellería de Política Social, a través da Dirección Xeral de Xuventude, Participación e Voluntariado.
 
 
 
 

Resolución provisional da convocatoria do programa Lectura e Familias para o curso 2022/23

 
 
Portal Educativo vén de publicar a Resolución provisonal da Dirección Xeral de Ordenación e Innovación Educativa, de 7 de decembro de 2022, coa relación dos 50 centros que se incorporan ao programa Lectura e Familias neste curso 2022/2023, así como os 44 centros que solicitaron a continuidade.
 
Ábrese un prazo de cinco días naturais para a presentación de alegacións ou renuncias no seu caso.
 
Na imaxe, encontro de Charo Pita coas familias do CEIP Quintela de Moaña
 

Convocatoria do programa Bibliotecas Escolares Solidarias para o curso 2022/2023

 
 
Portal Educativo vén de publicar hoxe a Resolución de 30 de novembro de 2022, da Dirección Xeral de Ordenación e Innovación Educativa, pola que se convoca o programa "Bibliotecas Escolares Solidarias" para o curso 2022/2023. Esta iniciativa lévase a cabo coa colaboración da Dirección Xeral de Xuevntude, Participación e Voluntariado, da Consellería de Política Social.
 
 
 
 
O seguinte cadro resume o contido do programa e as datas claves para cada unha das modalidades:

  Modalidades

 

  Obxecto

 

   Ámbito de aplicación
  1 Concesión do Selo “Biblioteca Escolar Solidaria”  Recoñecer bibliotecas que traballan de forma salientable a compensación
de desigualdades e fomentan o voluntariado cultural entre os integrantes
da comunidade escolar.

 

  •  Destinado ás bibliotecas dos centros de Educación Infantil, Educación Primaria, Educación Secundaria, Bacharelato, ciclos formativos ou ensinanzas de réxime especial.
  •  Presentación de memorias por parte dos centros interesados dende o 28 de marzo ata 28 de abril de 2023.
  • Selección dun máximo de 15 selos para a concesión do selo.
  • As candidaturas deberán responder aos obxectivos da Axenda 2030 da ONU de Desenvolvemento Sustentable.

 

 

 2 Voluntariado na biblioteca escolar (Secundaria)  Recoñecemento de horas de voluntariado na biblioteca escolar para o
alumnado colaborador, mediante a emisión de diplomas de acción
voluntaria correspondentes.

 

  •  Destinado a alumnado de Educación Secundaria, Bacharelato, ciclos formativos ou ensinanzas de réxime especial . 
  •  Inscrición con data límite 16/12/2022
  • Con data límite de 28 de abril de 2023 remitirase unha relación definitiva do alumnado colaborador. 
  • Estas actividades poderán orientarse en liña cos obxectivos da Axenda 2030 da ONU para o Desenvolvemento Sustentable. 

 

  3  Voluntariado de lectura-A (Primaria)  Estimular o voluntariado cultural relacionado coa biblioteca e a lectura.

 

 

  •  Destinado a alumnado de 5º e 6º de Educación Primaria.
  • Inscrición con data límite 16/12/2022 
  •  Presentación de memorias por parte dos centros interesados dende o 28 de marzo ata 28 de abril de 2023.
  • Seleccionaranse un máximo de 10 experiencias. 

 

 

 

Resolución definitiva do Programa Radio na biblio. Curso 2022/23

 

 
 
 
 O Portal Educativo vén de publicar a Resolución definitiva da Dirección Xeral de Ordenación e Innovación Educativa coa relación dos 30 centros que se integran no programa Radio na Biblio no presente curso 2022/23, así como a relación de centros de continuidade (137). En total forman parte deste programa 167 bibliotecas escolares, distribuídas por todo o territorio. galego.
 
 
 
 
 

Escribir NON desde a biblioteca escolar

 
 
As vidas que perdemos
 
Na vida que perdemos
fomos deixando as mudas de pel polo camiño
no vértice do corazón
no pulso da vida
na exclamación da urxencia. 
 
Pilar Maseda. VV. AA. Manifesto 25N. Trinta voces pola eliminación da violencia contra a muller. Alvarellos e Asociación Cultural Caldaloba, 2021 
 
As bibliotecas escolares son espazos privilexiados para traballar valores democráticos, de igualdade e cidadanía, espazos únicos para a aprendizaxe da convivencia.
 
O 25 de novembro é unha data do calendario civil que as bibliotecas escolares integraron nas súas programacións porque cómpre unha chamada de atención fronte a actitudes larvadas  de violencia contra as nenas e as mulleres (con presenza nas relacións sociais, na publicidade ou en moitos produtos audiovisuais), que fixan valores contrarios á igualdade.
 
Un curso máis, seguimos necesitando accións para denunciar a violencia sistémica contra  as mulleres e as violencias cotiás exercidas contra nenas, mozas e mulleres de toda idade e condición en distintos espazos e ámbitos, tanto privados como públicos. Desde a ONU alertan de que aunque todas las mujeres, en todas partes del mundo, pueden sufrir violencia de género, algunas mujeres y niñas son particularmente vulnerables, ejemplo de ellas son las niñas y las mujeres más mayores, las mujeres que se identifican como lesbianas, bisexuales, transgénero o intersex, las migrantes y refugiadas, las de pueblos indígenas o minorías étnicas, o mujeres y niñas  que viven con el VIH y discapacidades, y aquellas en crisis humanitarias.
 

O #25N non é unha celebración, é unha data a borrar do noso calendario e imaxinario, pero até entón queda moito por facer, moitos muros por derrubar, non podemos, nin debemos, permitir un paso atrás. 
 
Imaxe da biblioteca Safo do IES Espiñeira de Boiro.
 
Escribamos, xuntas e xuntos, un novo relato desde as nosas bibliotecas escolares: 
 

Resolución provisional do programa Biblioteca Creativa para o curso 2022/2023

 

 
 
 
 O Portal Educativo publica a Resolución provisional da Dirección Xeral de Ordenación e Innovación Educativa, de 21 de novembro de 2022, coa relación dos 25 novos centros que se integran no programa Biblioteca Creativa no presente curso 2022/23, así como as asignacións que recibirán os  centros que presentaron a súa solicitude de continuidade neste proxecto. 
 
Ábrese un prazo de cinco días naturais para a presentación de alegacións ou renuncias no seu caso. 
 
 
 
 

Resolución provisional da convocatoria de Clubs de lectura para o curso 2022/2023

 
 
Portal Educativo vén de publicar a resolución provisional da Dirección Xeral de Ordenación e Innovación Educativa, de 21 de novembro de 2022, pola que se dá a coñecer a relación de centros que reciben asignación para o funcionamento de clubs de lectura, segundo convocatoria de 26 de setembro de 2022, a través da cal se incentiva esta actividade de fomento da lectura en centros de titularidade da Consellería de Cultura, Educación, Formación Profesional e Universidades que acollen ensinanzas de educación primaria, secundaria, bacharelato, formación profesional ou ensinanzas de réxime especial para o curso 2022/23.
 
Ábrese un prazo de cinco días naturais para a presentación de alegacións ou renuncias no seu caso.
 
 
 

Traballos seleccionados no VIII Concurso de Traballo por Proxectos coordinados ou co apoio da biblioteca escolar

 
 
 Está xa publicada no Portal Educativo a resolución do VIII CONCURSO DE TRABALLO POR PROXECTOS realizados durante o curso 2021/2022 baixo a coordinación (ou coa participación) da biblioteca escolar.
 
Seleccionáronse 20 traballos de entre os 55  presentados desde diferentes centros. Algunhas sub-modalidades ficaron desertas pero distribuíronse os premios dispoñibles seleccionando máis centros de modalidades con moita participación e alto nivel de calidade.
Este concurso busca estimular, mediante o recoñecemento de boas prácticas, o deseño e desenvolvemento de proxectos de carácter interdisciplinario ou de proxectos de investigación, baixo a coordinación da biblioteca ou co apoio desta, na liña da metodoloxía de aprendizaxe baseada en proxectos (ABP). Estos proxectos están propiciando profundos cambios nas dinámicas de traballo dos centros, nos usos dos espazos educativos, na distribución de horarios e grupos, no aproveitamento dos recursos, promovendo unha cultura participativa e colaborativa, emancipadora do alumnado. Parabenizamos ás comunidades educativas que botan a andar estas experiencias, e ao profesorado que as impulsa, deseña, guía, enriquece coa súa profesionalidade e experiencia, e ademáis as difunde e comparte para beneficio común. Existen tamén excelentes exemplos de prácticas de investigación nas modalidades de grupo/nivel ou ciclo/departamento, que poden servir de orientación para outros proxectos. Da mesma forma, os proxectos de investigación intercentros son unha práctica que cómpre estender e que pode dar lugar a experiencias educativas moi enriquecedoras.  
 
 
Na imaxe proptotipo do proxecto "Outes Sostible. Cidadás do presente para o futuro." do CEIP P. de Outes

 Modalidade  Centros seleccionados  Concello  Provincia  Proxecto
 1. Proxectos Documentais Integrados, coordinados desde a biblioteca escolar  CEIP Emilia Pardo Bazán  A Coruña  A Coruña  Mergúllate!
 CEIP Canosa-Rus  Coristanco  A Coruña  Ilusionarte
 CEIP dos Muíños  Muxía  A Coruña  E ti que pintas?
 CEIP P. de Outes  Outes  A Coruña  OUTES SOSTIBLE. Cidadás do presente para o futuro
 IES Arcebispo Xelmirez I   Santiago de Compostela  A Coruña  Tecendo Identidades
 CEIP de Cervo  Cervo   Lugo  Mens sana in corpore sano
 CEIP P. de Carballedo  Cerdedo/Cotobade  Pontevedra  O ano de Galicia
 CEIP P. Meaño-As Covas  Meaño  Pontevedra  Dende Meaño
 CEIP Virxe do Rocío  Vigo  Pontevedra  Alén do Resío
  2.a. Proxectos de investigación grupo/nivel  IES Brión  Brión  A Coruña  Coñécelas? 10 escritoras imprescindibles
 EEI San Roque  Viveiro  Lugo  Emocionámonos
 CEIP A Lama  A Lama  Pontevedra  Algunhas árbores, moitos paxaros
    2.b. Proxectos de investigación ciclo/departamento  IES Celanova Celso Emilio Ferreiro  Celanova  Pontevedra  Música no Mosteiro
 CEIP San Tomé  Cambados  Pontevedra  Pasiño a pasiño, faise o camiño
  2.c. Proxectos realizados na materia de 1º/2º da ESO "I.T.I."ou noutras materias equivalentes en ESO ou primaria  CEIP Milladoiro  Malpica de Bergantiños  A Coruña  NÓS: patrimonio in-MATERIAL!
 IES Xoán Montes  Lugo  Lugo  FORMU-LAND-22
 IES Pino Manso  O Porriño  Pontevedra  De viaxe polo entroido tradicional galego
  3. Proxectos de investigación intercentros  CEIP de Galán  Arteixo  A Coruña  Martiño e Testa: unha viaxe espaecial
 CRA de Culleredo  Culleredo  A Coruña      Martiño e Testa: unha viaxe espaecial
 4. Proxectos realizados con metodoloxía científica  IES Perdouro  Burela  Lugo  Construbot_Comeza a partida!

Convocatoria do programa Lectura e Familias para o curso 2022/2023

O Portal Educativo vén de publicar a Resolución da Dirección Xeral de Ordenación e Innovación Educativa  pola que se fai pública a convocatoria do programa LECTURA E FAMILIAS para o curso 2022/2023. A convocatoria forma parte das iniciativas para promover a lectura e un uso responsable da información entre os distintos sectores da comunidade escolar nos centros de titularidade da Consellería de Cultura, Educación, Formación Profesional e Universidades integrados no Plan de mellora de bibliotecas escolares que imparten ensinanzas de infantil, primaria, educación especial, secundaria, bacharelato, formación profesional ou ensinanzas de réxime especial.
O obxectivo é estimular o deseño e desenvolvemento de iniciativas que favorezan a participación das familias en actividades da biblioteca escolar, destinadas ao conxunto da comunidade educativa ou especificamente pensadas para a formación e a participación destas familias en experiencias de lectura e, tamén, de traballo coa información e medios de comunicación, coa finalidade de que poidan, á súa vez, intervir con mellores recursos e eficacia na formación dos seus fillos e fillas como persoas lectoras e cidadás usuarias de información.
Seleccionarase un máximo de 50 centros de nova incorporación e os 48 centros integrados xa no programa poderán solicitar a continuidade no mesmo, que recibirán orzamento que se destinará á adquisición de materiais necesarios para o desenvolvemento das actividades previstas así como para a realización de obradoiros de formación, ciclos de conferencias ou outras experiencias deseñadas e vinculadas ao obxecto desta convocatoria. 
O prazo límite para a presentación de solicitudes será o 5 de decembro de 2022.
 
 

Novembro, Mes da Ciencia en Galego nas Bibliotecas - 2022

 
 
 
"A ciencia está chea de momentos épicos coma este. Coñecelos e transmitilos é un deber no que todos, non soamente os que somos científicos, debemos participar. Amigos: temos unha historia da ciencia tan rica como descoñecida. Cando leades unha historia coma esta, facédea vosa e transmitídea, porque cada vez que a contedes estaredes sementando a curiosidade pola ciencia e contribuiredes a facer medrar no noso pobo unha cultura científica moi necesaria, que nos permitirá avanzar como sociedade e nos fará máis libres." José Tubío
 
Desde a Consellería de Cultura, Educación, Formación Profesional e Universidades, en colaboración coa Secretaría Xeral de Política Lingüística, vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de MANIFESTO, de José Tubío, profesor, investigador principal e divulgador na USC. Desde 2016 dirixe eogrupo de investigación Xenomas e enfermidade do CiMUS. En maio de 2022 recibíu o Premio Internacional de Investigación Oncológica Científica y Técnica Ramiro Carregal na modalidade de talentos emerxentes pola "súa contribución en varios dos descubrimentos máis importantes no campo da xenómica do cancro". 
 
O manifesto para este ano 2022, baixo o título "O deber de coñecer e transmitir a nosa historia científica" abrirá moitas rutas de traballo e investigación coas que poder berrar "Terra á vista" desde as nosas bibliotecas escolares.
 
 
Desde a Asesoría de bibliotecas escolares realizouse unha recompilación de recursos dixitais , relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogs de ciencia dos centros educativos, experiencias de bibliotecas escolares, etc. 
 
  
 
 
 
Actividades nas bibliotecas escolares de Galicia: 
 

Resolución provisonal do programa Radio na Biblio. Curso 2022/23

 
 
O Portal Educativo vén de publicar a Resolución provisional da Dirección Xeral de Ordenación e Innovación Educativa coa relación dos 30 centros que se integran no programa Radio na Biblio no presente curso 2022/23, así como a relación de centros de continuidade (137). En total forman parte deste programa 138 bibliotecas escolares, distribuídas por todo o territorio galego.
 
 

Xornada de Bibliotecas Escolares de Galicia 2022

 
 
O vindeiro sábado 12de novembro celebrarase no Palacio de Congresos de Santiago de Compostela a Xornada de Bibliotecas Escolares de Galicia 2022. Daranse cita equipos de biblioteca, docentes, asesores/as dos centros de formación do profesorado e persoas expertas na temática do lema deste curso "Escribir a biblioteca escolar".
 
Unha xuntanza que falará do poder da escritura e do relato en moi diversos formatos... e do papel facilitador da biblioteca a través dos novas linguaxes e espazos, dos proxectos, do voluntarasdo, do fomento da lectura e da participación das familias...
 
Será, novamente, unha ocasión para o encontro entre o profesorado deste amplo colectivo de docentes que poñen en pé as bibliotecas escolares galegas, o reforzo de vínculos persoais e profesionais e, con toda seguridade, o comezo de novas colaboracións para o presente curso.
 

Convocatoria de Biblioteca creativa para o curso 2022/2023

 
Portal Educativo publica a convocatoria da Dirección Xeral de Ordenaciçón e Innovación Educativa, do proxecto BIBLIOTECA CREATIVA, para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares, para o curso 2022/2023.
 
Poderán participar os centros integrados en anteriores convocatorias do proxecto BIBLIOTECA CREATIVA e seleccionaranse 25 centros de nova incorporación.
 
Non poderán participar os centros que se incorporan ao PLAMBE no curso 2022/2023, curso no que cómpre centrar a súa actividade na consolidación do modelo de biblioteca escolar segundo os obxectivos presentados no seu proxecto.
 
O prazo para presentación de solicitudes é de quince días a partir do día seguinte da data de publicación (17 de novembro).
 

  • Publicación no Portal Educativo