Os alumnos de 5º de primaria no primeiro trimestre como traballo de expresión en E.Física, elaboramos monicreques utilizando telas, calcetíns ou luvas brancas e con rotuladores e outros accesorios debuxámolos e decorámolos. En grupos, fixemos pequenas escenificacións baseadas moitas delas no camiño de Santiago e que nós inventamos. Logo de ensaialas e traballalas, representámolas diante dos compañeiros da nosa clase. Varios grupos representámolas ademais perante os nenos e nenas de infantil aos que lles encantou. Resultou unha experiencia agradable aínda que nun principio parecíanos moi difícil.