CALENDARIO ESCOLAR 2023/24

ORDE do 3 de maio de 2023 pola que se aproba o calendario escolar para o curso 2023/24 nos centros docentes sostidos con fondos públicos na Comunidade Autónoma de Galicia.

ACTIVIDADES LECTIVAS DO CURSO ESCOLAR 2023/24

As actividades lectivas nas ensinanzas de educación infantil, de educación primaria, de educación secundaria obrigatoria, de bacharelato e de formación profesional realizaranse desde o día 11 de setembro de 2023 ata o 21 de xuño de 2024, ambos incluídos.

VACACIÓNS ESCOLARES:

Os períodos de vacacións escolares no curso académico 2023/24 serán os seguintes:

  • Nadal: desde o día 22 de decembro de 2023 ata o día 7 de xaneiro de 2024, ambos incluídos.
  • Entroido: os días 12, 13 e 14 de febreiro de 2024.
  • Semana Santa: desde o día 25 de marzo ata o día 1 de abril de 2024, ambos incluídos.

DÍAS NON LECTIVOS

Ademais das festas de ámbito estatal, son días non lectivos os festivos así declarados pola Consellería de Emprego e Igualdade da Xunta de Galicia, en exercicio das competencias que lle atribúe o artigo 45 do Real decreto 2001/1983, do 28 de xullo, sobre regulación da xornada de traballo, xornadas especiais e descansos, na súa redacción dada polo Real decreto 1346/1989, do 3 de novembro, e as festas laborais de carácter local publicadas por resolución da devandita consellería.

  • 12 de outubro de 2023. Festivo nacional
  • 1 de novembro de 2023. Festivo nacional
  • 6 e 8 de decembro de 2023. Festivos nacionais
  • 7 de decembro de 2023. Día do Ensino
  • 9 de maio de 2024. Festivo local (Ascensión)
  • 17 de maio de 2024. Día das Letras Galegas

 

MODIFICACIÓNS AO CALENDARIO ESCOLAR

 Para este curso o centro solicitou como non lectivo o 10 de maio de 2024.

 

XUSTIFICACIÓN DE FALTAS DE ASISTENCIA DO ALUMNADO 2023_24

Considérase falta de asistencia a clase ou ausencia ao centro escolar a non presenza dun alumno ou dunha alumna nunha sesión completa de clase. As faltas de asistencia non debidamente xustificadas serán as que computen para a cualificación do posible absentismo.

Con carácter xeral, teñen a consideración de xustificables as seguintes faltas de asistencia a clase do alumnado:

a) Citacións que impliquen un deber inescusable, sendo xustificable o tempo necesario.

b) Morte ou enfermidade grave dun familiar de primeiro ou segundo grao.

c) Tramitación de documentos oficiais, presentación a exames e probas oficiais ou similares, sendo xustificable o tempo necesario.

d) Indisposicións, podendo ser xustificables ata un máximo de 2 días lectivos.

e) Enfermidade, sendo xustificable o tempo de prescrición médica.

No caso de faltas de asistencia a clase do alumnado non contempladas no apartado anterior, quedará a criterio da dirección do centro educativo a consideración das excepcionais circunstancias que concorran para a súa xustificación ou non. En todo caso, deberá garantirse o dereito á escolarización da alumna ou do alumno.

En todo caso, ante calquera falta de asistencia do alumno/a, os pais, nais, titores/ as ou  gardadores legais, deberán xustificala por escrito nos tres días seguintes, entregando o documento xustificativo ao titor/a por correo electrónico ou a través da axenda.

 

A xustificación das faltas de asistencia a clase do alumnado realizarase ante o profesorado titor e por parte da nai, do pai ou das persoas titoras legais ou gardadoras do alumnado, acompañando, segundo proceda:

  1.  Xustificante médico, no caso de enfermidade propia ou grave dun familiar de primeiro ou segundo grao.

No caso de faltas por indisposicións ou enfermidade:

 Se a ausencia comprende de 1 a 2 días ao mes, consecutivos ou non, presentarase xustificante por escrito dos pais, nais, titores/ as ou  gardadores legais.

 Cando a falta de asistencia ao centro educativo por visita médica ou por enfermidade sexa de máis de 2 días ao mes, a xustificación deberá estar apoiada polo informe médico correspondente.

 Considerarase falta xustificada por enfermidade prolongada a situación dos menores que se atopan convalecentes en domicilio ou hospitalizados por períodos superiores a un mes, e conste no centro educativo o informe médico correspondente.

 

2. Documento acreditativo, no caso de deberes inescusables, presentación a exames ou morte de familiares de primeiro ou segundo graos.

3. Calquera outro documento acreditativo da circunstancia que xustifique a ausencia.

Seguimento das faltas de asistencia a clase do alumnado e a súa comunicación

 O profesorado titor deberá comunicar ás nais, aos pais ou ás persoas titoras legais ou gardadoras do alumnado todas as faltas de asistencia a clase de cada mes, dentro dos primeiros cinco días naturais do mes seguinte e diferenciando as faltas xustificadas das non xustificadas.

Cando as faltas de asistencia a clase do alumnado presenten dificultades para a súa xustificación ou cando se incremente de forma significativa o número de faltas sen xustificar, o profesorado titor convocará a nai, o pai ou as persoas titoras legais ou gardadoras da alumna ou do alumno a unha reunión, coa finalidade de analizar a situación que se está a producir e tratar de corrixila, evitando que se produza a apertura do expediente de absentismo. Desa reunión levantará acta o profesorado titor.

Cada centro educativo establecerá nas súas normas de organización, funcionamento e convivencia o procedemento para realizar esas comunicacións ou citacións, así como a obrigatoriedade de deixar constancia de tales accións.

Definición de Absentismo

Tal como establece o artigo 22 do decreto 229/2011, do 7 de decembro, absentismo é a ausencia ao centro escolar sen causa debidamente xustificada do alumnado en idade de escolarización obrigatoria. Para ser considerado absentismo, esta ausencia debe supor un mínimo do dez por cento (10 %) do horario lectivo mensual.

 

IMPRESOS OBRIGATORIOS

 

Impreso para a xustificación de faltas

Impreso para a comunicación de ausencias prolongadas e/ou definitivas.

 

IMPORTANTE: A NON ENTREGA DOS IMPRESOS SERÁ MOTIVO DE NON XUSTIFICACIÓN DAS FALTAS

AUTOBÚS ESCOLAR: HORARIOS E PARADAS

Horarios: O horario das paradas sempre é aproximado. Deben estar 10 minutos antes nas paradas.

Os horarios a ter en conta son os de saída da parada inicial, as seguintes poderán sufrir pequenas variacións dependendo do tráfico ou das obras.

Autorizacións: Todo o alumnado transportado debe cubrir a autorización. Entrégase en secretaría ou envíase por correo electrónico ceip.a.maia@edu.xunta.gal

Alumnado de 4º de educación infantil (3 anos): Polos horarios do período de adaptación non farán uso do transporte até o luns 18 de setembro.

Paradas:

 

BUS Nº 1

Saída de Capeáns ás 8:36

Igrexa -  Covas ás 8:38h

Lombao: 8:40

Ventosa:8:41

Aldea Nova: 08:45h.

Porto: 08:50h

 

BUS Nº 2

Saída Paseo Fluvial : 08:43h.

Centro Médico: 8:48h

 

BUS Nº 3

Saída de Cortes: 08:30h.

Tarroeira:08:37h. Condomiña: 08:38h

Praza da Maía: 08:45h

 

BUS Nº 4

Pedregal: 08:45h. Chavián (Panadería Xallas): 08:50h

 

BUS Nº 5

Praza da Maía:08:40h

Panadería Xallas: 08:45h

 

BUS Nº 6

Centro Médico: 08:45h

Praza de Maía:8:50 h.

 

BUS Nº 7

Avenida Rosalía Castro, 34 (Supermercado): 8:40h

A  Madalena: 8:44h.

  

 

 Horario de regreso: Os autobuses saen do centro entre as 14:05h. e as 14:20h.

NORMATIVA SOBRE ACOMPAÑANTES NO TRANSPORTE

Todos os autobuses levan Acompañante Escolar. 

MANUAL DE SEGURIDADE VIARIA E BOAS PRÁCTICAS PARA PERSOAS USUARIAS DO TRANSPORTE DE ESCOLARES 

 

PROTOCOLO DE HÁBITOS SEGUROS 

AVISO IMPORTANTE TRANSPORTE ESCOLAR: AUTORIZACIÓNS

 

Poden consultar a parada asignada a través de Abalar Móbil, si non teñen parada é que non lles foi asignada.

Para poder usar o servizo de transporte escolar con todas as garantías É IMPRESCINDIBLE QUE ENTREGUEN A AUTORIZACIÓN correspondente na secretaría do centro ANTES DO INICIO DO CURSO. As acompañantes non permitirán o acceso ao autobús si non teñen notificación do centro  de que a autorización foi entregada.

 

 

A autorización é para todos os usuarios, independentemente de si fan o servizo de entrada, de saída ou de entrada e saída. TODOS DEBEN ENTREGALA.

 

 Debe estar  perfectamente cumprimentada con todos os datos e asinada, senón non é válida.

 

 

O centro está aberto en horario de 9:00h a 14:00h o poden facela chegar por correo electrónico ao centro: ceip.a.maia@edu.xunta.gal

 

AUTORIZACIÓN DE RESPONSABLES PARA RECOLLER NA PARADA para alumnado de educación infantil e 1º, 2º, 3º, 4º de educación primaria

 

AUTORIZACIÓN DE RESPONSABLES PARA RECOLLER NA PARADA para alumnado de 5º e 6º de educación primaria

 

 

Concerto e Taller musical

Dende o Departamento de Música achegamos un PDF co seguinte contido:

 

Actividades musicais organizadas polo Departamento de Música co gallo das Letras Galegas 2023.

Concerto con material de refugallo a cargo de Xavi Lozano para EI e 2º de Primaria.

Taller de instrumentos Tradicionais a cargo de Pablo Seoane para 5º de Primaria.

LIBROS DE TEXTO PARA O CURSO 2023/24

De acordo co compromiso de centro -recollido no Proxecto Educativo-  adoptado desde o 2019 de non empregar libros en educación infantil e de reducir nos primeiros cursos da educación primaria, faise pública a lista de libros para o curso 2023/24.

 

Educación Infantil: Non hai libros

 Educación primaria:

Poden consultar o listado de libros para 1º, 2º, 3º e 4º de  educación primaria para o  curso 2023/24 aquí

 

5º e 6º de primaria son cursos EDIXGAL, dispoñen dun entorno virtual de aprendizaxe. Non hai libros en formato papel.

 

Os listados de material para os distintos cursos, tanto de infantil como de primaria serán proporcionados unha vez comece o curso, directamente polas titoras ou titores.

INFORMACIÓN IMPORTANTE SOBRE TRANSPORTE ESCOLAR

As persoas interesadas no servizo de transporte escolar DEBEN FACER A SOLICITUDE (prazo do 15 ao 30 de xuño)  a través deste enlace http://www.edu.xunta.gal/centros/ceipamaia/?q=node/1160

Considerarase persoa usuaria con dereito a transporte escolar gratuíto o alumnado cuxo domicilio se encontre fóra do núcleo urbano no que radique o centro escolar e, en calquera caso, a unha distancia deste superior a 2 km, calculada utilizando o itinerario máis directo, sen desvíos e rodeos innecesarios. Para poder ser usuario/a con dereito ao servizo o alumnado deberá estar escolarizado no centro que lle corresponda, segundo a situación do seu domicilio e a distribución das áreas de influencia establecida ou contar cun ditame de escolarización forzosa emitido pola Administración Educativa. Neste senso, excepcionalmente, pode considerarse como domicilio do alumnado o daqueles familiares cos que o/a estudante efectivamente conviva.

Nestes supostos excepcionais non é suficiente a xustificación do domicilio mediante unha certificación do padrón municipal, sendo requisito imprescindible para a súa consideración a xustificación dunha convivencia real mediante certificación específica expedida para tal efecto polo concello, a partir de informes da Policía Local ou da Garda Civil, agás no caso de menores en situación de acollemento, no que as familias de acollida presentarán unha fotocopia da resolución ditada pola Xefatura Territorial da Consellería de Política Social.

Do mesmo xeito, para manter a condición de usuaria/o con dereito, é necesario que se faga un uso continuado do transporte escolar, entendido este como o uso repetitivo del en días fixos da totalidade das semanas do curso 2023-2024.

Distribuir contido