ACTA DO XURADO - RELACIÓN DE PREMIADOS
No Centro Cultural e Recreativo de Vilalba, segundo convocatoria realizada polo CEIP “Antonio Insua Bermúdez” coa colaboración da Asociación de Minusválidos Benjamín Paz e do Centro Cultural e Recreativo de Vilalba, ás 19.30 horas do día 20 de maio de 2014 reúnense os membros que compoñen o Xurado do XVI Certame Benjamín Paz, integrado por: • Don Félix Villares Mouteira, Presidente. • Don Xulio Xiz Ramil. • Don Afonso Blanco Torrado. • Don Xosé Antonio Pombo Mosquera. • Don Xosé M. Felpeto Enríquez, Secretario. Despois do oportuno estudo dos traballos presentados ao Certame e das pertinentes deliberacións, este Xurado acordaron: OUTORGAR OS SEGUINTES PREMIOS: Modalidade: POESÍA • 1º Ciclo de Educación Primaria Premio para o traballo “Ter un irmanciño” resultou ser a súa autora Ilina María Dranca Dranca do CEIP Antonio Insua Bermúdez • 2º Ciclo de Educación Primaria Premio para o traballo “Río Miño” resultou ser a súa autora Icía Saavedra Cortiñas do CEIP Antonio Insua Bermúdez • 3º Ciclo de Educación Primaria Premio para o traballo “Nena perdida” resultou ser a súa autora Eva Sanmartín Vázquez do CEIP Antonio Insua Bermúdez Modalidade: NARRATIVA • 1º Ciclo de Educación Primaria Premio para o traballo “O lapis falador” resultou ser a súa autora María Seoane González do CEIP Manuel Mato Vizoso • 2º Ciclo de Educación Primaria Premio para o traballo “O país dos desexos” resultou ser a súa autora Aurora Romero Trastoy do CEIP Antonio Insua Bermúdez • 3º Ciclo de Educación Primaria Premio para o traballo “O meu primeiro día no Instituto” resultou ser a súa autora Ariana Núñez Seoane do CEIP Antonio Insua Bermúdez Modalidade: DEBUXO-PREMIO DAVID DÍAZ VÁZQUEZ • Infantil 3 anos Premio para Matías Morandeira Fraga do CEIP Antonio Insua Bermúdez • Infantil 4 anos Premio para Uxía Ledo Cordal do CEIP Monseivane • Infantil 5 anos Premio para Mario Castro Abollo do CEIP Antonio Insua Bermúdez E para que así conste esténdese a presente acta, que asinan os membros do Xurado, en Vilalba, ás 20:30 horas do día 20 de maio de 2014.
BASES DO XVI CERTAME BENJAMÍN PAZ PRIMEIRA.- Poderá concorrer ao Certame todo o alumnado de Educación Infantil e de Primaria pertencente a centros educativos da Terra Chá.
SEGUNDA.- Establécense tres modalidades: POESÍA e NARRATIVA, para Educación Primaria, e DEBUXO, para Educación Infantil.
TERCEIRA.- Os traballos de Poesía e Narrativa (PRIMARIA), de temática libre, estarán escritos en lingua galega conforme á normativa vixente. Os textos haberán de ser inéditos e totalmente orixinais. Cada participante pode presentar o número de traballos que estime conveniente en ámbalas dúas modalidades. Poderán presentarse a máquina ou manuscritos, en papel DIN A-4, por unha soa cara. Enviarase SOAMENTE O ORIXINAL, figurando na parte traseira do folio os DATOS PERSOAIS, O CICLO, O COLEXIO E A MODALIDADE á que concorre. (NON GRAMPAR)
CUARTA.- Os Debuxos (INFANTIL) presentaranse en cartolina formato DIN A-4. Poderá empregarse calqueira técnica e a temática será libre. Os DATOS PERSOAIS, O NIVEL e O COLEXIO figurarán na parte posterior da cartolina.
QUINTA.- Os traballos serán dirixidos a:
XVI CERTAME BENJAMÍN PAZ CEIP “Antonio Insua Bermúdez”, Rúa Cuart de Poblet, s/n, 27800 Vilalba
SEXTA.- O prazo de admisión de traballos rematará ás 17 HORAS DO DÍA 25 DE ABRIL DE 2014.
SÉTIMA.- O Certame estará dotado cos seguintes premios:
MODALIDADE POESÍA E NARRATIVA (Primaria) 1º Ciclo de Ed. Primaria: 60 €, diploma e flor natural. 2º Ciclo de Ed. Primaria: 75 €, diploma e flor natural. 3º Ciclo de Ed. Primaria: 90 €, diploma e flor natural.
MODALIDADE DEBUXO-PREMIO DAVID DÍAZ VÁZQUEZ (Infantil) Infantil 3 anos: Lote de material, diploma e flor natural. Infantil 4 anos: Lote de material, diploma e flor natural. Infantil 5 anos: Lote de material, diploma e flor natural.
OITAVA.- O Xurado, se o estima oportuno, poderá declarar os premios desertos, distribuír a cuantía dos mesmos ou aumentalos con accésits. En calquera caso a súa decisión será inapelable e polo feito de concorrer ao Certame así deberá aceptarse.
NOVENA.- O Xurado estará formado por persoas de recoñecida competencia nas materias ás que se refiren as presentes Bases. A súa composición ha ser dada a coñecer xunto coa emisión do resultado.
DÉCIMA.- O dictame do Xurado darase a coñecer a través dos distintos medios de comunicación. A entrega de premios efectuarase nun acto previsto para o mes de maio e do que se dará conta oportunamente. |
|||