Este obradoiro “VIVIR EN SALUD” foi ofertado e organizado pola FUNDACIÓN MAFRE, coa colaboración da Academia Española de Nutrición e Dietética, o Cosello Xeral da Educación Física e Deportiva (Consello COLEF) e a facultade de Psicoloxía da Universidade Complutense de Madrid. Nel o alumnado, a través de diferentes pèrsonaxes e propostas,  traballou sobre a importancia do bienestar emocional, a alimentación saudable e a actividade física, nas nosas vidas.

Alumnado admitido por curso:

- 4ºE. Infantil:todo o alumnado que presentou solicitude está admitido.

- 5ºE. Infantil:todo o alumnado que presentou solicitude está admitido.

- 6ºE. Infantil:todo o alumnado que presentou solicitude está admitido.

- 1º E. Primaria:todo o alumnado que presentou solicitude está admitido.

- 3ºE. Primaria:todo o alumnado que presentou solicitude está admitido.

- 6ºE. Primaria:o alumno admitido tras o proceso de baremación é G.M.C.

 O prazo de formalización da matrícula será, se non hai cambios, do 20 ao 30 de xuño e xa vos indicaremos a documentación que tedes que traer ao centro, nesas datas.

Estade atentos á información que iremos publicando na nosa web. 

Está aberto o prazo desde o día 21 de maio ata o 22 de xuño de 2022 (inclusive).

 Poderase solicitar:

• Fondo solidario de libros de texto: alumnado matriculado de 3º a 6º de Educación Primaria e ESO. 

• Axudas para adquirir libros de texto: alumnado matriculado en 1º e 2º de Educación Primaria.

• Axudas para adquirir material escolar: alumnado matriculado de 1º a 6º Educación Primaria e ESO.

Poderase presentar presencialmente na secretaría do centro ou telemáticamente a través da aplicación Fondolibros empregando calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365.

Documentación necesaria:

- Anexo I e anexo II.

- Fotocopia do libro de familia ( deben figurar todos os membros computables).

- Sentenza xudicial e/o convenio regulador ( se é o caso).

- Certificado acreditativo do grao de discapacidade ( se é o caso).

Cando o alumnado, no momento de presentar a solicitude, aínda non estea admitido en ningún centro docente para o curso 2022/2023, deberá presentala no centro en que estivese matriculado no curso 2021/2022.

 Recoméndase que a persoa solicitante sexa a persoa que vaia recoller o vale de axuda de libros, material escolar ou os libros do fondo solidario. De non ser así para a recollida, haberá que traer unha autorización por escrito da persoa solicitante con fotocopia do DNI da persoa solicitante e da autorizada.

Pódese descargar aquí o Anexo I e Anexo II 

 Máis información:

• ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H).  (Enlace aquí)

• Manuel de usuario para os cidadáns: enlace.

Convocadas axudas para alumnado con necesidade específica de apoio educativo para o curso 2022/2023

 Dirixido a alumnado con necesidade específica derivada de:

- Discapacidade

- Trastorno grave de conduta ou da comunicación e da linguaxe

- Trastorno de espectro autista

- Altas capacidades

As solicitudes deben ser cubertas electrónicamente, asinadas, e entregadas no centro educativo. Na páxina web do Departamento de orientación atoparán toda a información necesaria para a tramitación destas axudas.

ENLACE AO DEPARTAMENTO DE ORIENTACIÓN

PRAZO DE PRESENTACIÓN: 19 de MAIO - 30 de SETEMBRO de 2022

Dende FOANPAS e promovido pola nosa ANPA, Miudiño S. Coop. Galega, que leva anos percorrendo Galicia axudando e guiando ás comunidades educativas na transformación dos seus espazos escolares, estivo no noso cole xa que toda a comunidade, educativa estamos interesados en darlle unha volta aos nosos patios. 

Con esta sesión, comezamos con unha serie de formacións encamiñadas ás novas pedagoxías e a acadar comunidades educativas inclusivas e cohexionadas.
Esta primeira formación foi encamiñada a vivir e pensar os patios das escolas como lugares de aprendizaxe e disfrute. Vimos que a necesidade urxente de intervir nos patios, como podemos facelo e cal é o camiño con maior probabilidade de éxito, ademais de resolver as dúbidas e preocupacións que con máis frecuencia aparecen. 
A idea é o comezo, e aparecen as gañas, a ilusión, as tormentas de ideas e as dúbidas e os conflitos. Agora temos que empezar a reflexionar sobre: ¿Que queremos?¿Ata onde podemos? ¿Como organizamos espazos? ¿que poñemos?. CONTINUARÁ.

O venres 13 de Maio celebramos o día das Letras Galegas. 

Este ano dedicouse o poeta ourensán Florencio Delgado Gurriarán. Coñecemos a súa biografía xogando todo o centro o rosco do "Pasapalabra".

Celebramos o esperado mercadiño de libros usados, cun grande éxito de participación e de aportacións. Nesta edición, grazas a todo o recadado coa venda de libros e a doazón do centro, conseguimos ao redor de 650€ que serán ingresados na fundación ACNUR para a axuda aos refuxiados do conflito de Ucrania.

Ademais fixemos distintas actividades que vos mostramos neste vídeo.