Chegou un dos días máis esperado polas nosas nenas e nenos!!! A pesares da choiva, esperaban nerviosxs e impacientes o que ía suceder neste día...

O cole xa estaba ambientado coa temática...

 Pero esperábaos moitas sorpresas... coas luces acesas, demos un paseiño polo Centro...JAJAJAJA...isto era o que esperaba ó noso alumnado:

Chegou o momento!!! Luces apagadas, música terrorífica...carreiras, sustos AHHHHH. Algo de medo si que pasaron, aínda que non queiran recoñecelo...

Unha vez nas aulas comezaron as actividades: para o alumnado máis pequecho de Infantil, estaba preparado un TALLER SENSORIAL. O resto do alumnado foi convocado para un ESCAPE ROOM (Xogos de estratexía e inxenio).

De todos eles gozaron moitoooo. Aquí deixamos unha mostra: 

A continuación, turno para entregar premios de cabazas, todas ben terroríficas e feitiñas...

Pero...hai que elexir. Estes foron as nenas e nenos premiados. Parabéns!!!

Premios tamén para os concursos que convocou a Biblioteca do Centro https://bibliopepinho.blogspot.com/  : casiñas e beberaxes...

Estamos chegando ó final e sabemos que toda festa galega remata cunha boa merenda. Nesta ocasión, aportouna o alumnado de Infantil e da Gándara. Graciñas familias, todo moi rico.

E xa para o remate finalísimo o alumnado de 6º, dirixido pola profe Virginia, ofreceunos este baile. Parabéns!!!

Graciñas a todo o profesorado polo traballo e a implicación que fixo que esta primeira festa do curso fose un exitazo e, en especial, ó equipo de Actividades Extraescolares encargados da súa organización.

Vivimos nun mundo conectado. O noso día a día é cada vez máis dixital e a tecnoloxía forma parte das nosas vidas. Miles de dispositivos conéctase a internet a diario aportando un mundo cheo de posibilidades pero tamén de riscos.

Buscando axudar a familias e alumnado na necesidade de facer un uso responsable da tecnoloxía,aportamos estas páxinas:

NAVEGA CON RUMBO: https://navegaconrumbo.cpeig.gal/

O Colexio Profesional de Enxeñaría en Informática de Galicia (CPEIG), en colaboración coa Consellería de Cultura, Educación e Universidade da Xunta de Galicia, presenta o Plan Navega con Rumbo polo Ciberespazo. Esta é unha iniciativa encamiñada a que o alumnado dos centros escolares de Galicia, navegue con seguridade..."Non fagas en Internet nada do que non farías na túa vida real".

INCIBE: https://www.incibe.es/menores

 Instituto Nacional de Ciberseguridade. Ofrece servizos de ciberseguridade orientados a fomentar o uso seguro das tecnoloxías por parte dos menores, educadores e familias.

PANTALLAS AMIGAS: https://www.pantallasamigas.net/

Ten como misión a promoción do uso seguro e saudable das TIC, incluído Internet, e o fomento do uso dixital responsable na infancia e a adolescencia.

Boas novas para o alumnado e as familias do noso Centro!!!.

A Anpa en coodinación co Centro  organiza un programa de charlas para o noso alumnado.Ademáis organizan tamén dous faladoiros para nais, pais e profesorado, que se celebrarán na biblioteca Bibliopepiño, e para os que contaremos con servizo de conciliación ou “canguro”, para aquelas familias que acodan cos nenos ou nenas.

 https://anpaasangrina.com/concesion-da-subvencion-de-igualdade/

Aquí deixamos o programa: 

 GRACIÑAS POR OFERCERNOS ESTA EXPERIENCIA!!!

Dende o contrato programa EduSaúde, seguimos  recordando ás familias que o benestar físico e emocional do alumnado é decisivo para a consecución dunha aprendizaxe efectiva.

Por iso, desde o Centro, un curso máis, queremos contribuír a este benestar físico e alimentario, polo que debemos impulsar tanto a actividade física como os hábitos alimentarios ligados a unha vida saudable para que poidan ser mantidos ó longo da vida.

Aquí deixamos unhas pequenas recomendacións de merendas saudables que podedes mandar ós vosos fillos e fillas durante todas as semanas para a merenda que fan nos recreos. Pedimos a vosa colaboración no mantemento do calendario establecido.

 Tamén comentarvos, que o Centro participa por segundo ano consecutivo no programa «RECREOS RESIDUOS CERO» que consiste en motivar ó alumnado para que nos seus xantares ou merendas non haxa residuos, ou polo menos, o mínimo posible. Para iso deberán usar envases retornables como friambreiras para sólidos e cantimploras para a auga a fin de eliminar as botellas de plástico e os envases dun só uso como plásticos,papel de aluminio, etc

Animádesvos a seguilas?