Procedemento de distribución de máscaras entre o alumnado Educación Primaria. 2020-2021
O 13 de novembro publicouse no DOG a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E). Os destinatarios da distribución de máscaras serían:
1. O alumnado de PRIMARIA beneficiario da axuda de material escolar no curso 2020-2021, polo que non é necesario presentar solicitude.
2. O alumnado de PRIMARIA que NON fose beneficiario da axuda de material escolar no curso 2020-2021 que cumpra algunha das seguintes condicións:
- Que pertenza a unha familia cunha renda per cápita igual ou inferior a 6.000 € (Renda 2018).
- Que estea matriculado en educación especial.
- Que estea suxeito a tutela ou garda da Xunta de Galicia.
- Que teña un grao de discapacidade igual ou superior ao 65%.
Pódese presentar solicitude na secretaría do centro de forma unicamente presencial ata o 27 de novembro, en horario de 10:00 a 13:00 horas, concertando cita no teléfono 881930370.
Adiamento das eleccións ao Consello Escolar
En resolución do 30 de setembro de 2020 establecíase o calendario para a celebración de eleccións de membros dos consellos escolares de centros docentes sostidos con fondos públicos. No DOG de hoxe, 28 de outubro, anúnciase a resolución do 22 de outubre de 2020 pola que se adían as eleccións debido á situación COVID. Pódese ver a información no enlace.
DÍA INTERNACIONAL DA BIBLIOTECA
Este sábado, 24 de outubro, celébrase o Día Internacional da Biblioteca. Desde a Biblioteca Pública Municipal de Narón, propóñennos participar nunha serie de actividades na Praza de Galicia desde as 11 da mañá. É necesaria a inscrición previa. Animádevos a participar!
E para ir facendo boca convídannos ás persoas maiores de 16 anos, o mércores 21, a un obradoiro práctico con Pedro Brandariz, titulado Como contar contos?
HORARIO DE ENTRADA DE EDUCACIÓN INFANTIL A PARTIR DO MES DE OUTUBRO
O alumnado de infantil entrará ás clases en outubro a partir das 09:05. 4ºEI na porta do patio de infantil de 3 anos. 5ºEI e 6ºEI facendo fila na zona da entrada principal. O alumnado de infantil debe de estar acompañado dun único adulto por neno/a e non entrarán no recinto ata que toque a sirena ás 09:00. A continuación colocaránse nos espazos asignados á espera de entrar coas titoras.
VOLTA ÁS AULAS
1. Incorporación gradual do alumnado
1.1. O día 10 de setembro, xoves, incorporarase o alumnado de 4º e 5º de educación infantil e mais 1º, 2º e 3º curso de educación primarial.
1.2. O día 11 de setembro, venres, incorporarase o alumnado de 6º de educación infantl e 4º, 5º e 6º curso de educación primaria.
2. Horario de entrada e saída
Entradas:
Abriranse as portas de entrada ao recinto ás 08:40. As familias do alumnado de primaria non poderán acceder ao recinto.
- O alumnado de primaria pode ir entrando ao patio e subindo ás aulas desde as 08:45.
- Os cursos de 1º e 2ºEP entrarán pola porta situada á beira do comedor e subirá polas escaleira próximas á biblioteca.
- O resto de cursos de primaria entrarán pola porta principal do edificio e subirán polas escaleiras coa seguinte distribución: 4º e 6ºEP, pola escaleiras principais; 3º e 5º pola escaleiras próximas ás aulas de tres anos.
- O alumnado de infantil entrará ás clases en outubro a partir das 09:05. 4ºEI na porta do patio de infantil de 3 anos. 5ºEI, facendo filas na zona dereita da entrada principal. 6ºEI facendo fila na zona esquerda da entrada principal. O alumnado de infantil debe de estar acompañado dun único adulto por neno/a e non entrarán no recinto ata que toque a sirena ás 09:00. A continuación colocaránse nos espazos asignados á espera de entrar coas titoras. En setembro seguiremos os horarios seguintes:
- 4ºEI (3 anos): de acordo á adaptación de principio de curso.
- 5ºEI (4 anos): entrada, 09:30; saída, 13:40.
- 6ºEI (5 anos): entrada, 09:15; saída, 13:45.
Saídas
- Abriranse as portas do recinto ás 13:35 horas.
- As familias de infantil poderán acceder ao recinto e colocaranse no espazo de entrada habilitado para cada aula. Unha vez entregados sairán unicamente pola porta principal, Rúa Cardenal Cisneros.
- As familias de primaria recollerán ao alumnado nas portas exteriores coa seguinte distribución: 1º e 2º, Rúa Lugo; 3º e 4º, Rúa Ourense; 5º e 6º, Rúa Cardenal Cisneros. O profesorado acompañará ao alumnado ata a súa saída.
Horario de saída:
• Educación Infantil:
- 4º (3 anos), ás 13:45 horas (agás o período de adptación en setembro).
- 5º (4 anos), ás 13:40 horas.
- 6º (5 anos), ás 13:45 horas.
• Educación Primaria:
- 1º e 2º, ás 13:50 horas.
- 3º e 4º, ás 13:55 horas.
- 5º e 6º, ás 14:00 horas.
3. ADAPTACIÓN DE PROTOCOLOS COVID-19
3.1. PLAN DE ADAPTACIÓN Á SITUACIÓN COVID 19 NO CURSO 2020-2021 NO CEIP A SOLAINA.
3.3. Declaración responsable.
3.4. Enquisa de autoavaliación [Non é preciso remitila ao colexio, é un referente para facer a autoavaliación diaria de sintomatoloxía].
4. COMEDOR
O servizo estará dispoñible desde o xoves. As comunicacións de asistencia ou ausencia faránse exclusivamente por vía telefónica (881930370). Establécese unha distribución en tres quendas: 13:30 a 14:15, alumnado de Educación Infantil; 14:30 á 15:00, alumnado de 1º, 2º e 3º EP; 15:15 a 16:00, alumnado de 4º, 5º e 6º EP. En función do número de alumnado de cada quenda, poderá axustarse ao longo do ano. A saída da primeira quenda será ás 14:20, a segunda quenda ás 15:05 e a terceira quenda ás 15:55. Non se vai ter en conta a obrigatoriedade de uso mensual para a permanencia na listaxe.
5. CAMIÑOS SEGUROS
- Continuamos cos Camiños seguros na etapa de Primaria, incluído o chequeo da pulseira. Na etapa de Infantil intentaremos nos vindeiros días acomodar a campaña con propostas en estudo. O alumnado de Infantil non vai pasar a pulseira para evita o colapso das entradas.
- Información do Equipo de Seguridade Viaria do Concello.
RELACIÓN DE LIBROS DE TEXTO E MATERIAL PARA O CURSO 2020-2021
Material 4ºEP [revisado a 24/08/2020].
Os libros de texto de préstamo entregaránse ás familias no mes de setembro. Anunciaremos o calendario nos primeiros días dese mes.
Lembramos que este ano cámbianse os libros de 3º e 5º, polo que non dispoñemos das existencias doutros anos.
Enlace á información da convocatoria fondo de libros e axudas para libros e material escolar.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »