Unha vez rematado o prazo de reserva de praza, e aprobado no consello escolar, esta é a lista do nenos e nenas admitidos para o curso 2012-13:

4º Educación Infantil 

4º Educación Primaria 

5º Educación Primaria

As familias destes nenos deberán pasar pola secretaría do colexio entre o 20 e o 30 de xuño, co fin de formalizar a matrícula. Deberán traer: 4 fotos de carné, fotocopia da cartilla de vacinacións, e fotocopia da tarxeta do seguro.

NOTA: O alumnado que ten reserva de praza tamén pode solicitar as becas para libros (só educación infantil) e para comedor (infantil e primaria) que concede o Concello de Vigo. O prazo de solicitude vai do 2 ao 16 de maio.

O departamento de orientación do colexio inicia unha serie de charlas dirixidas ás familias do alumnado de educación infantil. Tratarán de temas educativos de interese para pais e nais: a disciplina positiva, premios e castigos, problemas na escola, agresividade, acoso, etc.

As charlas desenvolveranse os martes de 4 a 5 da tarde, e as familias recibirán un aviso do tema de cada unha delas.

1ª charla: CLAVES PARA EDUCAR MELLOR. Martes 17 de abril

2ª charla: OS NENOS DESOBEDIENTES. Martes 24 de abril

3ª charla: AS RELACIÓNS ENTRE IRMÁNS. Mércores 2 de maio.

Non vos esquezades de ver na nosa galería algunhas das fotos do Entroido.

A partir do día 1, e durante todo o mes de marzo, está aberto o prazo para a reserva de praza para o vindeiro curso, pero SÓ PARA ALUMNADO NOVO.

Documentación necesaria:

· Libro de familia onde figure o neno/a

· Impreso de solicitude (pódese recoller no colexio ou descargar de AQUÍ. Se o neno se traslada doutro centro, o impreso é ESTE.

XORNADA DE PORTAS ABERTAS

Os dias 5 e 6 de marzo recibiremos ás familias novas para ensinarlles o centro e darlles toda a información que precisen. O horario será o seguinte:

Mañá: de 10 a 13 horas.

Tarde: de 4 a 6

O resto do mes, o horario de secretaría para a matrícula será o habitual: de 9 a 10 e de 13 a 14 horas

O alumnado e profesorado do IES Politécnico ven de colaborar no colexio cunha campaña sobre a seguridade e a hixiene nos nenos de 5º e 6º, confeccionando e colocando carteis e dando unha charla ao alumnado.

O pasado 30 de Xaneiro os nenos e nenas do CEIP Coutada Beade celebramos o Día da Paz facendo fermosos traballos que están expostos no centro.

Para ver máis fotos preme na pomba

Cos nosos mellores desexos, a tódolos membros da comunidade educativa.

(Postal seleccionada polos delegados de curso de primaria, entre os traballos realizados e expostos polos corredores do centro)

O alumnado de 6º está a recibir formación sobre as normas e os límites, como parte do noso programa de prevención de adiccións. Agora ofrecemos ás familias a posibilidade de participar nos OBRADOIROS DE FORMACIÓN que subvenciona o Concello de Vigo e desenvolven os educadores do Equipo de PRevención da asociación Érguete.

As datas son:  martes 22 e 29 de novembro e 13 de decembro, ás 17:00 horas.