try another color:
try another fontsize: 60% 70% 80% 90%
CEIP de Rebordáns
Educación para o futuro, presente no rural de hoxe.

DÍA DA ÁRBORE

Hoxe é o día da árbore, un día moi importante para o noso centro xa que a nosa Tepomisión é precisamente "o coidado dos nosos montes".

Levamos semanas traballando a figura de Wangari, unha mulller referente para nós, xa que grazas a ela, o seu pobo natal, en Kenia, volve a ter árbores onde antes soamente había deforestación.

No cole fixemos a nosa pequena aportación cultivando sementes.

Preparad@s, list@s...e sexto a "robotear"

As nenas e nenos de sexto vanse meter de cheo no mundo da robótica. Probarán dous modelos: o Mbot e o MiiBot. Despois de construilo terán que programalo. O traballo levará varias sesións e vos iremos contando paso a paso. Polo momento...aula de Steam preparada para comezar mañá.

CONTINUARÁ...

SEMANA DA PRENSA

Chega a Semana da Prensa!

Tepo e Tepa montaron un quiosco con todo tipo de xornais.

Tamén trouxeron revistas de diferentes temáticas.

Coñecendo outras formas de acceder á información... Guiño

 
 
 
 
 
 
 
 
 
 
 
 

1º E 2º PRESENTAN... O DÍA INTERNACIONAL DA MULLER E DA NENA NA CIENCIA.

Dende a Tepoteca temos o pracer de presentarlles o estupendo traballo dos nenos e nenas de primeiro e segundo para conmemorar a data do 11F, Día Internacional da Muller e da Nena na ciencia.

Dádelle ao playnon volo podedes perder!

 

 
 
 
 

REBORRADIO INFORMA!

Unha semana máis, chega o programa máis agardado...

REBORRADIO!

Esta semana, o alumnado de 3º de primaria foi o encargado de dar as últimas novidades do centro, 

Emma, Sara, Pablo, Alex, Ainara, Lía e Samuel comentaron as novidades do centro, o entroido, contaron chistes ... Un programa ben completo! 

Non volo perdades!

Podedes escoitar a emisión dende aquí ou premendo na imaxe.

A NOSA ROSALÍA

O pasado 23 de febreiro foi o Día de Rosalía de Castro, pois nesa data, Rosalía estaría de aniversario!

Para conmemorar e festexar o seu día, no cole realizamos diferentes actividades. Fixemos un mural conmemorativo, baseado na proposta da Asociación de Escritoras e Escritores en Lingua Galega, que decoramos con flores co rostro de Rosalía, investigamos sobre a súa vida e sobre as súas obras, escoitamos algún dos seus poemas e mesmo aprendemos algúns versos de "Adiós ríos".

Os maiores do cole escribiron poemas pensando en como escribiría Rosalía hoxe en día, en que temas da actualidade afondaría.

Por último, pero non menos importante, os cativos do cole fixemon un pequeno recital. Mirade que ben lles saíu!

 
 

MIGALLAS - LECTURA E FAMILIAS

Familias!

O vindeiro 16 de abril, ás 16:00 h, grazas ao programa Lectura e Familias, poderemos desfrutar do espectáculo "O libro máxico" de Migallas na Tepoteca.

Combinarase narración oral, música e teatro para animar ás familias, rapazas e rapaces a gozar da lectura.

Non volo podedes perder!

Inscripcións abertas no whatsapp do cole:

698 120 381.

 
 
 
 
 

PRAZO DE ADMISIÓN ALUMNADO

Do 1 ao 20 de marzo: Presentación de solicitudes.

HORARIO SECRETARÍA

LUNS

MARTES

MÉRCORES

XOVES

VENRES

13:30-14:15

12:40-13:30

13:30-14:15

13:30-14:15

13:30-14:15

Poderán presentar a solicitude de forma telemática a través da aplicación informática admisionalumnado, na dirección electrónica:

https://www.edu.xunta.es/admisionalumnado

Solicitudes--> Admisión --> Crear”.

Se esta é a opción elexida, deberán traer ao colexio a solicitude co código xerado pola aplicación unha vez cuberta.

Tamén poderán solicitar o impreso no centro e unha vez cuberto entregalo no mesmo.

ESTREAMOS AULA STEAM!

Ola!

Por fin a aula STEAM está en marcha! Ciencia, tecnoloxía, arte, enxeñería, matemáticas...

O primeiro en probala foi o alumnado de Proxecto competencial de 4º de Primaria, que anda a argallar unha obra de teatro.

O profesorado de Rebordáns, no seu afán de mellorar a súa labor docente, quixo dar uso á aula STEAM na primeira xornada de formación sobre Protección de datos nos centros educativos.

Nos teñades dúbida que esta aula vai dar moito xogo!

Seguiremos informando.

ENTROIDO 24

Distribuir contido