Descubrindo o Norte 2016

O CEIP Escultor Acuña, o Carballal-Cabral e o IES Álvaro Cunqueiro construiron un ano máis o proxecto interdisciplinar "Descubrindo o Norte" onde, a partir do deporte de orientación constrúese o coñecemento nos diferentes ámbitos para desenvolver as Competencias.

Carlos Spuch Calvar, pola súa parte abríu aos ollos do noso alumnado, o marabilloso mundo da neurociencia nunha amena conferencia interactiva.

O catedrático Pío González Fernández, do departamento de Física Aplicada da Universidade de Vigo achegou o apaixonante mundo da ciencia ao noso alumnado con obradoiros de física.  Da man dos seus  compañeiros de equipo de  investigación Julia Serra presentounos os avances conseguidos no campo dos biomateriais, campo que lideran en España.

Federico Mallo Ferrer mantivo unha divertida, intensa e interesantísima charla sobre os principais aspectos da alimentación e a nutrición.

A Oficina de Medio Ambiente desvelou os segredos do ecosistema do Campus e a biodiversidade que podemos atopar na súa contorna.

Finalmente, despois dunha pausa para comer, o Servizo de deportes da Universidade de Vigo colaborou connosco para desenvolver unha carreira de orientación, na que estivo invitada a comunidade escolar, preámbulo das competicións deportivas escolares.

Nas seguintes iconas atópanse os enlaces das galerías fotográficas.

       

Carlos Spuch Neurociencia

 Orientación

no Colexio

 XornadaMonte Galiñeiro

 Xornada

Campus

Campionato Provincial Campionato Autonómico

Día Nacional Das Linguas De Signos Españolas

O 14 de xuño é o día Nacional das Linguas de Signos Españolas. Desde o CEIP Escultor Acuña queremos celebralo.

Para iso gravamos este vídeo, contando a realidade da Lingua de Signos no noso cole.

imaxe ls
Enlace ao video

 

EXCURSIÓN 6º PRIMARIA

CRÓNICA, MÉRCORES 15

O día espertou gris e con chubascos ocasionais. Despois do almorzo baixamos a dar un paseo pola praia e coñecer restos arqueolóxicos coma o Adro Grande e outras zonas como a plataforma de bateas de mexilóns e vieiras. Logo xa no camping xogamos á pelota sinceira, expresando as nosas emocións e sentimentos destes días. Tras facer a equipaxe e comer iremos cara O Grove para embarcarnos no catamarán. Iremos informando da hora prevista de chegada, que podera estar entre as 18 ou 19 horas.

MARTES 14

Hoxe día galaico: "Como chove miudiño, como miudiño chove". Máis cando sae o sol , Vilanova de Arousa é unha festa.

Onte á noite tiveron un" xogo do medo": Meigas, trasnos, trasgos e ánimas do inframudo pasearon polo adro da igrexa -século XVIII- para asustar ao noso alumnado e ao de Camariñas -a terra onde o traballo das mulleres se convirte en arte- . Non o conseguiron. Temos un alumnado afouto e valente, que so cre na racionalidade (houbo excepcións, pero viñeron ao rego axiña despois dun breve periodo de reflexión co profesorado)

Agora están disfrutando de novas actividades colectivas coas nenas e nenos do outro colexio, agardando que o sol se faga presidente da república do ceo e poidamos ir todas e todos á praia de Area Grande.

En breve mandaremos fotos.

Saúdos

 

LUNS 13

Crónica da mañá. Chegada sen problemas. Rapaces e rapazas xa instalados. Agora na piscina. 21 graos. Nubrado pero clima agradable.

Fotos

Seguiremos informando.

EXCURSIÓN FINAL DE ETAPA -6º DE PRIMARIA-

Os próximos 13, 14 e 15 de xuño teremos a excursión de final de 6º curso. Deixamos aqui unha presentación con toda a información básica.  Facede "clic" en "1 adxunto" para a súa descarga. Saúdos.

 

O Atletismo: Protagonista no CEIP Escultor Acuña

O Atletismo é o deporte que se fundamenta nas calidades naturais do home que son correr, lanzar e saltar. A súa orixe sitúase na antiga Grecia e chegou a ser considerado como o rei dos deportes.

A maioría dos deportes coñecidos precisan polo menos un dos fundamentos do atletismo: corremos, lanzamos ou saltamos cando practicamos deportes. A todo isto habería que engadir todos os valores intrínsecos do deporte que conformana o carácter e madurez das persoas a través do desenvolvmento de conductas sociomotrices.

O alumnado de 5º do CEIP Escultor Acuña participou na final da competición atlética  escolar celebrada a semana pasada no Centro Galego de Tecnificación Deportiva en Pontevedra e  acadou o 2º posto. Parabéns.

atletismo
Atletismo 5º A
Distribuir contido