CEIP de Frions

Programa educativo para traballar máis de 1.000 vocábulos da lingua galega. Adaptado á nova normativa da Real Academia. Non precisa de plug-ins accesorios. Basta con ter un navegador.

Ortografía da lingua galega

Se che interesan fontes para aprenderlle a ler ós máis pequenos podes obtelas aquí. A fonte "Boo" é feita por min e podedes usala e distribuila libremente (sempre sen ánimo de lucro). O resto das fontes son propiedade dos seus respectivos autores, e non creo que haxa pegas para poder usalas nas aulas, aínda que habería que consultalos no caso de empregalas para unha posible publicación que poidera xerar beneficios económicos. Embaixo de cada enlace amósase unha pequena mostra de cada unha das fontes.

¿Quen dixo que as matemáticas son sosas e aburridas? Aquí podedes descargar unha completa serie de sesións para todo un ano académico de actividades de todo tipo: manipulativas, de enxeño, de lóxica,... deseñadas para un obradoiro de matemáticas dirixido a rapaces do 1º ciclo da ESO. Trátase de achegar diversos contidos matemáticos ós rapaces dun xeito lúdico e entretido. Máis de 60 sesións. Idioma: galego.

Obradoiro de matemáticas

Nesta páxina preséntanse unha serie de fichas para traballa-la ortografía no 1º e 2º ciclos de educación primaria. A maioría son para lingua española, aínda que tamén hai un feixe para lingua galega no enlace que se indica.

Nesta sección podedes descargar unha serie de fichas de traballo que desenvolven distintos aspectos das matemáticas para o 2º ciclo de educación primaria. Entre parénteses indícase o número de fichas dispoñibles en cada arquivo a descargar. Idiomas: galego e español.

Aquí tedes unha serie de sinxelas experiencias para realizar no voso laboratorio, na aula ou en exteriores, con materiais moi fáciles de conseguir. Para traballar en coñecemento do medio ou en ciencias no 1º ciclo da ESO. Idioma: galego.

Experimentos

Aquí podedes descargar materiais varios para aplicar nas vosas sesións de educación física. Desde o 1º ciclo ata a ESO. Idioma: español.

Aquí tedes un par de aplicacións para o programa Clic, en versións Clic 3.0 e JClic. Unha delas traballa os animais invertebrados e está dirixida ó 3º ciclo de primaria ou 1º ciclo de ESO. A segunda é un pequeno conto de Nadal en galego dirixido a educación infantil ou 1º ciclo de primaria.

		ANIMAIS INVERTEBRADOS
Versión Clic 3.0 (galego)	Versión JClic (galego)		Versión Clic 3.0 (español)	Versión JClic (español)
		A ESTRELIÑA DO NADAL
	Versión Clic 3.0 (galego)		Versión JClic (galego)

Pequeno conto interactivo en galego no que logo se traballan unha serie de actividades de comprensión lectora. Elaborado coa aplicación Ardora e dirixido a nenos de 1º ciclo de primaria. Se queres podes executalo en liña desde a nosa sección de xogos. É necesario ter instalado o plug-in de Java. Está feito en dúas resolucións distintas para que poidas escoller segundo as túas necesidades. Dentro dos zip xa hai un arquivo con instruccións para instalalo no disco duro do teu aparello ou, se queres, tamén en rede.

RESOLUCIÓN DE 800 X 600		RESOLUCIÓN DE 1024 X 768
A raposa e as sardiñas		A raposa e as sardiñas

Aquí vos ofrecemos un modelo de secuenciación de actividades con exemplos concretos para que os rapaces poidan aprender a dividir con dúas cifras no cociente dunha forma lóxica. A nós dounos bos resultados.

EN GALEGO		EN ESPAÑOL
Dividir por 2 cifras		Dividir por 2 cifras