SERVIZO DE COMEDOR

O horario de comedor comeza ás 13:00 horas, coa comida do alumnado, o cal ao rematar é atendido por o persoal colaborador ata a hora de entrada á sesión da tarde.

Pode facer uso deste servizo todo o alumnado do centro.

O servizo de comedor escolar réxese segundo o programa de “Menús saudables” organizado pola Consellería de Educación e Ordenación Universitaria” e a Universidade de Santiago de Compostela, recollendo os seguintes obxectivos:

1. Desenvolver e fomentar hábitos alimentarios saudables dende a escola, educar nutricionalmente, ensinar un comportamento social e ser centro de desenvolvemento de habilidades e de convivencia.

2. Cubrir unha parte importante das necesidades nutricionais dos nenos, proporcionando menús escolares saudables. As outras comidas do día deben achegar o resto das cantidades axeitadas de enerxía e de macro e micronutrientes, que permitan un bo estado de saúde e un crecemento óptimo durante a idade preescolar, escolar e adolescente.

3. Proporcionar unha alimentación variada para garantir a inxestión suficiente e adecuada de nutrientes e enriquecer a capacidade de adaptación do neno/a aos diferentes alimentos, sabores e texturas.

4. Educar á familia a través dos hábitos dietéticos adecuados dos nenos/as e involucrala no programa do comedor escolar.

5. Favorecer a integración do profesorado no proceso de educación nutricional na escola.

No caso de que algún alumno/a teña intolerancia ou alerxia a algunha comida ou compoñente, deberao comunicar á dirección do centro antes de facer uso do servizo de comedor.