Novembro é o mes adicado á ciencia en galego. Con tal motivo, no colexio dos Tilos desenvolvemos distintas actividades, onde o alumnado tomou contacto con varios procesos na elaboración de diversas experiencias científicas. Estas actividades son moi enriquecedoras para que as nenas e os nenos en idades temperás, esperten a curiosidade polo mundo da ciencia. 

O alumnado de 3º E.P. investigou sobre a elaboración do iogur e do queixo.

Un ano máis no colexio dos Tilos, atendemos ao chamamento das Nacións Unidas para conmemorar o 25-N como Día Internacional contra a violencia de xénero. O alumnado ao longo do mes de novembro, preparou a canción de Guadi Galego chamada "Matriarcas".  O obxectivo da actividade é, que a través da música e da letra desta canción, as nenas e os nenos dende idades temperás, tomen en consideración a importancia de loitar pola igualdade e a liberdade de todas as mulleres do mundo. 

As nenas e os nenos de quinto de educación primaria, compuxeron un rap en favor da loita en contra da violencia de xénero.

No outono en Galicia é tempo de castañas, de magostos e como non de refráns. Co fin de deixar recollidos algúns deles, o alumnado participou na recolleita e  posterior representación gráfica. Velaquí tedes un vídeo co traballo realizado.

Un curso máis, convocamos o concurso "A castaña monstruosa". Cada aula participa elaborando unha castaña decorada, por unha parte coa temática do proxecto e asemade engadindo  a caracterización de monstruosa.

Gañadora de educación infantil: aula 6ºB 

Gañadora de educación primaria: aula de 6ºB

 NORABOA!

O venres 10 de novembro, celebramos o Magosto no colexio con xogos populares e degustando ricas castañas.

Se premedes na seguinte imaxe, poderedes ollar o que ben que o pasaron.

Este curso co proxecto "Espallando Saberes" , queremos afondar nas tradicións e os costumes do noso pobo. A tradición oral foi fonte de grande información para o coñecemento, así que, xa que estamos no outono e temos un amplo abano de refráns, decidimos elaborar un Refraneiro Tileiro. Gravamos un podcast en Tilandra nas ondas. Preparádevos para escoitalo saboreando, unhas ricas castañas.

O 31 de outubro celebramos o Samaín no colexio dos Tilos. O alumnado participou nas distintas actividades planificadas para ese día. 

Velaquí tedes o acontecido! Preme na imaxe.

O alumnado de quinto e sexto de Ed. Primaria leu contos de outono e de medo ao resto dos nenos e nenas do cole. É unha actividade que sempre a desfrutan moito xa que comparten as súas creacións cos máis pequenos.