Benvido á páxina do centro


 

Un colexio con historia

DÍA DO LIBRO

Este ano o centro de interese das actividades para a conmemoración do día do libro foi o IV Centenario da morte de Cervantes e Shakespeare.

Comezamos o día 21 con animacións á lectura para todos os cursos. Dende Infantil a 4º asistiron a un conto sobre os castelos centro de interese traballado este ano na biblioteca; e os de 5º e 6º tiveron " O romance de Don Gaiferos".

O día 22 fixeron lecturas do Quixote e de Romeo and Juliet e actividades nas aulas sobre os autores conmemorados.

Para ver imaxes dos mesmos preme aquí.

 

RELACIÓN PROVISIONAL DE ALUMNOS/AS ADMITIDOS CURSO 2016/17

NOVA NUMERACIÓN DE TELEFONÍA E FAX

Nova numeración  de teléfono e fax:

  • 881930071
  • 881930070
  • 881930073 (fax)

ENTROIDO

Este ano celebramos a festa do Entroido o venres 5 de febreiro. Neste curso o centro está inmerso no desenrolo dun proxecto anual proposto pola Biblioteca titulado “De aventura polos castelos” e por iso o disfrace escollido foi de cabaleiro medieval.

Adobiouse o centro con murais e debuxos relacionados coa festa do Entroido.

Fixemos carautas e antefaces relacionados co tema que pintaron e adornaron con distintos materiais.

Actividades variadas para colorear, unir… relacionadas coa temática do Entroido e dos cabaleiros.

Cada curso deseñou o seu propio estandarte, que se presentou na festa.

Os alumnos/as de 6º, como é tradición, fixeron o meco para queimar ao rematar.

Se queres ver algunha imaxe máis deste día preme aquí.

 

 

 

Día da Paz

A actividade principal desta conmemoración tivo lugar no noso colexio o pasado 29 de xaneiro, aínda que ao longo da semana preparamos actividades para ir dando ao colexio ambiente con murais, símbolos da paz, pombas, mensaxes, cancións, poemas, etc.

            Este ano, as distintas actividades programadas xiraron en torno ao Arco Da Vella coma un dos símbolos da paz. O lema elixido para este ano foi “Pintemos un mundo de cores”. Queremos fomentar nos nosos alumnos e alumnas valores como a solidariedade, a igualdade e a tolerancia.

Se queres ollar algunha imaxe deste día preme aquí.

 

 

UN NADAL REAL

Celebramos o Nadal con actividades propias destas datas, cun centro de interese que este curso está ligado ao proxecto da biblioteca e que leva por título "Un Nadal Real".

Cada curso preparou unha actividade para o festival; e así mesmo contamos coa participación do alumnado de Aspanaes.

Se queres ver imaxes do mesmo preme aquí.

 

COLPBOL

Estes días tivemos unhas xornadas de Colpbol entre os colexios das Pontes.

Trátase dun deporte moi participativo e enriquecedor onde os nenos/as non poden golpear a pelota mais dunha vez ata que o faga outro xogador/a do mesmo ou de diferente equipo. Isto non pasa noutros deportes convencionais que si poden resultar con accións mais individuais coma fútbol, baloncesto, balonmán....

Podes ver neste enlace algunhas imaxes destes encontros premendo aquí.

CAMPO A TRAVÉS

O pasado 11 de novembro tivo lugar na Fraga a proba de "Campo a través", na que participamos todos os centros de primaria dentro do Programa Xogade. Colaborou ademais o Concello e a asociación de Anpas Abrente.


Foi unha gran xornada pois o tempo acompañounos e os nenos/as desfrutaron moito.


O noso colexio obtivo tanto a nivel individual como grupal grandes resultados en todas as categorías, gañando dúas das seis probas nas que participamos.


Se queres ver imaxes deste encontro preme aquí.



SAMAGOSTEEN

 Chegou o outono e a nosa escola quere ser transmisora dos costumes, da cultura e das tradicións da nosa terra. Por iso, nestes días, estivemos traballando sobre froitos e festas desta época.

O pasado venres 6 celebramos o  magosto no colexio para, de forma lúdica e participatipa, ir acadando unha relación e valoración da nosa cultura.

Se queres ollar algunhas imaxes desta día preme aquí.

Distribuir contido