Información Matrícula 2015/2016.

Adxúntanse os documentos relacionados coa información para a matrícula do Curso 2015/2016.

Calendario Escolar 2014-2015.

O comezo das clases en Educación Primaria é o día 10 de setembro ás 09:00h.

CONCURSO DE NARRACIÓN E DEBUXO MURALLA DE LUGO

Sempre que hai un concurso que se achega ao traballo que estamos levando a cabo na aula, procuramos participar. Dentro do proxecto "Pegadas de pedra dos devanceiros" no que anda metido o colexio o Concurso de debuxo e redación "Muralla de Lugo" adoitaba ser ideal para traballar unha das pegadas máis fortes dos nosos devanceiros. Así coñecimos máis do monumento romano e nomeáronos defensores da muralla. Non houbo a sorte doutro ano, pero con este relato que preparamos para a ocasión, estamos de finalistas no II Concurso de Relato Curto das Fanpas de Pontevedra.

 

 
E aquí tedes aos "DEFENSORES DA MURALLA".

A PÍNTEGA

Hai tres anos cando empezabamos co Abalar envexabamos outros colexios onde os seus nenos eran quen de traballar as presentacións; daquela semellaba moi lonxano, hoxe no noso centro é o pan de cada día, xa ata aburren como medio. 

Un día indo para a praia descubriron enriba dunha pedra un becho ao que lle sacaron fotos que logo trouxeron ao colexio. Este foi o traballo que ao redor do tal Sr. Don Becho fixeron Aixa e Carmela; ademais da estupenda estatuiña do mesmo que podedes ver no video. Fixerono moi ben, mais elas non saíron moi contentas, coidando que o podían facer mellor. Iso é bo

 

EXCURSIÓN DE FIN DE CURSO DE 6º

Como é tradición os de 6º despídense do colexio, coa saída que facemos todolos anos a Cabeza de Manzaneda. Se premedes sobre a foto acederedes a unha manchea doutras fotos que se sacaron durante eses días

MARÍN CONTA

Entre as finalistas do Concurso Escolar de Narrativa "Marín Conta" organizado polo Ateneo Santa Cecilía co gallo das Letras Galegas estivo a alumna de quinto Aixa Sanjorge

MARCAPÁXINAS LETRAS GALEGAS 2015

Andamos cun intercambio de Marcapáxinas con outro colexio de Marín, remendado un pouco o excelso traballo que todolos anos os compañeiros do Seminario Galán da zona de Arteixo elaboran para uso do resto dos colexios, elaboramos nos estoutros marcapáxinas que na versión orixinal levan un cadro baldeiro para que os nenos escriban uns versos ou un texto do autor e aquí parte do famoso discurso das "Mil primaveras" de Cunqueiro que máis nos gusta

 

 

DÍA DAS LETRAS GALEGAS 2015

Os nenos da profe Mirta a correr como se soen facer as cousas nos colexios ( o de convivir co estrés vainos), fixeron un incribel traballo resucitando a Filgueira e os de 5º axudaron con dous poemiñas dos seis que Filgueira escribiu ao estilo das nosas cantigas. Xunto coa actuación dun mago, en galego siseñor, e a interpretación de dúas cantigas tradicionais dos alumnos de 4º guiados pola profe Inés pasamos o día.

 

Preme enriba da foto, para aceder ao reportaxe fotográfico enteiro do día

O PLANETARIO VÉN AO COLEXIO

Participamos nunha actividade patrocinada pola Concellería de Educación do Concello. As estrelas da man dos rapaces na aula de Psicomotricidade dentro deste Planetario portátil

 

 

SAÍDA DOS DE 4º AOS MUSEOS DA CORUÑA

Outra das nosas tradicionais saídas é a visita aos museos da Coruña (Domus, Casa das Ciencias e Acuario), que realizan os alumnos de 4. A reportaxe fotográfica premendo na foto

VISITA A EXPOSICIÓN HISTORIA DOS MAIOS

Os nosos maiores do Centro Sociocomunitario visitaron a exposición da Historia dos Maios, na que contaron de varios alumnos de 5º como guías

SEMANA MUNDIAL DA SEGURIDADE VIAL

Xunto con outras autoridades coma a xefa provincial de Tráfico, a alcaldesa de Marín, o coronel xefe da Garda Civil, así como o capitán do subsector de Tráfico de Pontevedra os alumnos de 6º tiveron a ocasión de participar en actividades ao redor da Seguridade Vial, así como realizaron a  entrega ás autoridades dunha copia da Declaración dos nenos para a seguridade vial. Con estas acitividades darase arranque á Semana Mundial de la Seguridad Vial 

 

CONCURSO DE MAIOS DE MARIN 2015

Cantamos os maios, como se teñen que cantar co solista debaixo do maio. Logo os rapaces fixeron o que puideron

 

Maio Mariñeiro do Sequelo 2015 from Endl Cep Sequelo Marín on Vimeo.

O MAIO DO SEQUELO

O Maio do Sequelo que prepararon na aula de Música os nenos de 4º a 6º

 

´

MAIOS DO SEQUELO 2015

A foto de todolos gañadores na festa dos Maios, mais os que estaban por detrás e non se ven, porque gañadores son os que fan que esta festa continúe viva ano tras ano. A revista que editamos sobre o mundo dos maios coas dúas coplas.

 

Que sabes da Historia do Libro?

Despois do excelente traballo que realizou o noso alumnado sobre a Historia do libro, aquí tedes tamén en formato dixital as preguntas do concurso "Que sabes da Historia do libro?". Os que xa o entregachedes por escrito non o fagades aquí, porque só se admite unha resposta por alumno/na. Os que aínda non participachedes, podedes facelo pola Web. Ánimo e sorte!

 

 

FESTIVAL DOS MAIOS NO COLEXIO

Como todolos anos polo 1 de Maio, grazas ao esforzo da nosa profe de Música, Merchi, sacamos adiante esta festa dos Maios onde os rapaces que van baixar ao día seguinte coma os que non lle cantan a unha natureza que coma este ano está dormida para que esperte e floreza. Se premes enriba da foto vas ver imaxes de todo o proceso de construción dos nosos maios

FACENDO O MAIO

 

Trouxemos fiuncho, laranxas...

Vaciamos ovos e recollimos flores...

Os compañeiros de 2ºB axudando na confección do noso Maio.

FESTA DOS MAIOS DO CENTRO SOCIOCOMUNITARIO

Se esta mañá nos visitaban os nosos maiores. Esta tarde fomos nos os que os acompañamos na súa festa dos maios do Centro Sociocomunitario da Casa do Mar. Agradecerlles o detalle que tiveron para cos nenos e o ben que nos tratan sempre que alí imos

CHARLA DOS MAIOS DE PONTEVEDRA

A última hora da mañá coma todolos anos, contamos cun persoeiro destacado no mundo dos maios. Hogano foron o turno dos maios de Pontevedra a traves dos anos de experiencia cos que conta o profesor, escritor e xurado no concurso dos Maios de Pontevedra, Xosé Carlos Morgade

Powered by Drupal - Design by artinet