Excursión OR.PA.GU.

Hoxe, martes 5 de maio, tivemos unha excursión moi especial. Fomos velo Porto Pesqueiro de Vigo, o Berbés, convidados pola Organización de Palangreiros Guardeses (OR.PA.GU.).

Primeiro viñeron ao colexio e explicáronnos o que iamos a facer. Logo regaláronnos unha mochila coa merenda e unha lebretiña para poder facer todas as anotacións que quixeramos. E de seguido subimos ao autobús rumbo a Vigo. Ao chegar puxemos chalecos de seguranza e dividímonos en varios grupos que, en diferente orde, fomos visitar os viveiros de marisco e un barco palangreiro (o Marivi Uno). Todo o persoal foi moi amable e nos explicaron as cousas con moita paciencia. Ademais responderon a tódalas nosas preguntas!

Polo camiño atopamos aos cetreiros, os encargados das aves de presa, e foron tan amables de explicarnos en que consiste o seu traballo e lanzaron a voar a unha das águias. Foi moi interesante.

Coma sempre, premede na imaxe para ir a galería de fotos.

E preme nos enlaces para acceder aos artigos de prensa: Atlántico diario e Infominho.

Moitas grazas ORPAGU por convidarnos!