Facer xogos de soprar, inflar a boca. Inflar globos de distintos tamaños. Soprar sobre canicas, pelotas de ping-pong, matasogras,… collendo o aire polo nariz e soltándoo pola boca.

Soprar de maneira suave e continuada sobre a palma da man, sen inflar as meixelas.

Soprar velas en distintas direccións e lonxitudes.

Tombados colocamos un papel na barriga e tratamos de movelo ao enchela de aire.

Inspiración nasal lenta e profunda, reter o aire e espirar bucalmente (como fai o lobo do conto dos tres porquiños) de forma lenta e continua.

Inspiración nasal lenta e profunda polo orificio nasal dereito , reter o aire e espiración bucal rápida e continua. Facer o mesmo co orificio esquerdo.

Sacar e meter a lingua en distintos tempos. Primeiro lento e logo rápido.

Levantar e baixar a lingua.

Relamberse.

Facer que comemos un xeado.

Dar bicos ao aire.

Morder o labio de arriba e logo o de abaixo.

Limpar os dentes coa lingua.

Pasar a lingua polo padal (de atrás a diante e viceversa).

Facer a lista da compra entre os dous.

Buscar obxectos a través de indicacións.

Xogar ao vexo vexo.

Facer puzzles.

Identificar os nomes dos obxectos da vida cotiá.

Xoguen a situar obxectos en distintos lugares da casa ( encima, debaixo, enriba, abaixo, diante, detrás, o lado, entre,..).Así reforzaran a aprendizaxe das nocións espaciais.

Desenvolva as súas memorias visuais. Coloque obxectos, carta de baralla, debuxos,.. enriba da mesa. Que o neno preste atención: retíreos e pida logo que diga o nome dos obxectos que apareceron antes.

É importante non centrar a atención do neno sobre as súas dificultades á hora de articular e de expresarse de forma oral porque pódese fixar máis o problema.

É bo reforzar a confianza do neno en si mesmo, en que é capaz de facer as cousas.

É importante valorar os logros que vai conseguindo.

A excesiva ansiedade e preocupación polo problema pode inducir o neno a avergoñarse e a inhibirse.

Deben falarlle de forma pausada e correcta sen imitar as súas expresións.

Empreguen unha linguaxe sinxela con frases primeiro cortas para pasar despois a máis extens axeitadas a súa idade pero sen caer nunha linguaxe infantilizada. Fomentar a conversa en calquera momento do día, cunha pronunciación correcta.

Non reiterar demasiado na corrección dos seus erros o falar

Teñan en conta que o ritmo da aprendizaxe para as tarefas é lento.

Non imiten a súa fala. Están reforzando a súa inadecuada articulación e expresión.

Fáganlles preguntas abertas nas que teña que contestar varias palabras non soamente si ou non ou con xestos.

Amplíen o seu vocabulario e expresión. Ensínenlle que é cada cousa, como se chama, para que serve, que partes ten,….

Axúdelles a construír ben as frases: quen, cando, como, porque,….así favoreceran a súa expresión.

Estimulen a súa memoria e a súa linguaxe.

Falen moito con el, contenlles contos, pregúntenlle que fixo na escola,….