Día da Muller Traballadora

O 8 de marzo aparece no calendario escolar coma un día de conmemoración sinalado pola Consellería de Educación, pero... sabedes que se celebra este día?

O 8 de marzo de 1908 cento vinte e nove mulleres traballadoras da empresa textil "Cotton" de Nueva York declaráronse en folga e ocuparon as fábricas reivindicando unhas mellores condicións de traballo. Para aplacar a revolta lanzáronse dentro da factoría artefactos incendiarios con consecuencias nefastas. Pouco despois, en 1910, declarouse este día como o DÍA INTERNACIONAL DA MULLER TRABALLADORA.

Non fai falta irnos a fai tantos anos para descubrir que o traballo da muller segue a ser invisible en moitos ámbitos da vida diaria. Velaquí tedes unha serie de datos para a reflexión que aporta a ONU:


- Un terzo das familias de todo o mundo está a cargo de mulleres soas.

- O 75% das persoas pobres son mulleres. 

- O 75% das persoas analfabetas son mulleres.

- Cada oito segundos unha muller é maltratada no mundo fisicamente.

- En lugares como China ou Bangladesh os infanticidios son selectivos.

- Os valores a ter en conta dos nenos e nenas seguen a ser diferentes segundo os xéneros.

- Os anuncios de TV seguen a dar unha imaxe estereotipada da muller.


Como vemos, aínda queda moito por facer a pesares de que nos últimos tempos as cousas cambiaron.

Dende o Equipo de Dinamización da Lingua Galega do CEIP Francisco Vales Villamarín queremos darlle ás mulleres traballadoras a súa pequena cota de protagonismo.

 


Neste MURO VIRTUAL que atoparedes picando na imaxe inferior podedes escribirlles un mensaxe ás mulleres, subir un video que vos guste ou unha canción relacionada con elas, un debuxo significativo dunha muller desempeñando profesións que non cabería esperar nela, unha frase na súa defensa, unha pregunta para a reflexión, un debuxo das vosas nais, avoas, irmás...

 Como sabedes, un dos muros máis famosos do mundo foi o MURO DE BERLÍN que se convertiu na imaxe da separación e a segregación e ao que moitos chamaron o "Muro da Vergoña". Sen embargo, moitos artistas e xente anónima, utilizárono como espazo de reivindicación e creación enchéndose de pintadas e debuxos que clamaban á igualdade e liberdade. 

Picade na imaxe para escribir nel:

CLICA  NAS FRECHAS PARA VER OS COMENTARIOS

 

A continuación presentámosvos unha serie de mulleres galegas famosas ao longo da historia:

- Druidesas celtas.

- Sanadoras e parteiras.

- María Castaña ou María Catiñeira.

- María Pita.

- Isabel Barreto.

- Rosalía de Castro.

- Concepción Arenal.

- Emilia Pardo Bazán.

- Maruja Mayo.

- Julia Minguillón.

- Hoxe en día, entre outras: Cristina Pato, Susana Seivane, Elena Salgado, Ana Pastor, Rosalía Mera...

- ...

PARA SABER ALGO MÁIS DELAS PICADE NA IMAXE.


POR TODAS ELAS E OUTRAS MOITAS DESCOÑECIDAS ESCRIBE NO NOSO MURO, A VER SE UN DÍA, AO FIN, PODEMOS DERRIBALO!

EDLG CEIP FRANCISCO VALES VILLAMARÍN