Benvidos á web do colexio Pedro Caselles de Tomiño!

CEP Pedro Caselles Beltrán

C/ Mosterio s/n

36740 Tomiño

Tlf: 886 110 738

Fax; 886 110 739

cep.pedro.caselles@edu.xunta.es

 

 

 

ÚLTIMAS NOVAS

OS NOSOS BLOGS

 CURSO 2015/2016




 

  • Observación astronómica

 

  • Un ano máis estamos en Voz Natura, se queres visitar o noso blog e entérarte de todo o que facemos preme no Uncas labrego.

 

 

 

PROXECTO RÍOS

Hoxe 5º A acudiu as beiras do río Pego para participar nunha actividade dentro do Proxecto Ríos.

O Proxecto Ríos é unha iniciativa de concienciación, educación e participación cidadá en defensa dos nosos ríos. Fundaméntase na realización de inspeccións do estado dos ríos galegos por parte de persoas ou grupos voluntarios a nivel local, co obxectivo final de facerse responsábeis da vixianza (adopción) do río que pasa polo seu municipio ou localidade.

Hoxe ademais de recoller lixo, fixeron unha mostraxe cun ganapán, repartindo en catro bandexas e analizando os macroinvertebrados. Atoparon: calopterygidae, plecópteros, escarebellos, libélulas, gómfidos, tricópteros, sericostomátidos,... estes últimos indicadores de boa calidade da auga. Tamén se comprobou que a temperatura da auga era de 9ºC.

SEMANA CULTURAL/SEMANA DO MAR

Como todos os anos nestas datas, celebramos a  Semana Cultural. Este ano adicámoslla ao mar e por suposto a Manuel María.

Tivemos toda a semana actividades especiais, nas que os nosos nenos e nenas se empaparon do sabor do mar e da cultura.

O mércores 18, os nenos e nenas de 1º, 2º e 3º,  tiveron obradoiros cun Nutrichef (Adrián Martíns) no que elaboraron hamburguesas con garavanzos e algas, e outro obradoiro co noso cociñeiro, no que fixeron o mesmo. Mentres  4º, 5º e 6º,  participaron nun obradoiro de regueifas con Luis Caruncho e Pinto  D’ Herbón.

 

 

O xoves 19, houbo tres obradoiros, nos que fomos rotando todos os nenos e nenas do cole.

  • Obradoiro de deportes no mar: Nel estaban Brais Acevedo (monitor de vela do Club deportivo Alagua, e Héctor (xuiz de regatas e presidente Club Deportivo Alagua).

 

  • Obradoiro de artes de pesca (ORPAGU: Organización de Palangreiros da Guarda) onde lles explicaron as artes de pesca centrándose especialmente no palangre, e fixeron algunha práctica de nudos.

 

  • Obradoiro de bioloxía (Paula Álvarez Iglesias: Doctora en Ciencias do mar da Universidade de Vigo), que deu unha charla sobre ecoloxía e a importancia do mar.

 

O venres tivemos a clausura desta semana especial onde os nenos e nenas trataron a ecoloxía e homenaxearon ao escritor  Manuel María mediante actuacións de teatro, música…

 

 

VIDEOS DO FESTIVAL

  • PARTE 1 -PRESENTACIÓN (1º e 2º de Primaia) -TELEXORNAL (4º de Primaria)
  • PARTE 2 - PRESENTACIÓN MANUEL MARÍA (6ºA de Primaria)
    PREÁMBULO  DE "O CASO DO XUÍZO EN LIXOLANDIA" (1º e 2º de Primaria)
    RECITADO DE POEMAS MANUEL MARÍA (2º A e 2ºB de Primaria)
    1º ACTO DE "O CASO DO XUÍZO EN LIXOLANDIA" (1º e 2º de Primaria)
    MAIOS (5º e 6º de Primaia)

  • PARTE 3 - 2ºACTO DE "O CASO DO XUÍZO EN LIXOLANDIA" (1º e 2º de Primaria)
    ACTUACIÓNS MUSICAIS (Unha delas é Amoriños Collín. Nenos e nenas de diferentes cursos coas profes Rosa Couto e Berta)
    3ºACTO DE "O CASO DO XUÍZO EN LIXOLANDIA" (1º e 2º de Primaria)
    ENTREGA DE PREMIOS DO CERTAME LITERARIO

 

VIDEOS, POR ACTUACIÓNS (Facede clic no que vos interese)

CHARLA URBASER

Hoxe os nenos e nenas de 3º curso recibiron unha interesante charla sobre reciclaxe e coidado do medio ambiente. Esta actividade foi ofertada de maneira gratuíta pola empresa Urbaser e o concello de Tomiño.

Obra de teatro - A Anunciación

Os nenos e nenas de 2º de Primaria realizaron unha fantástica representación da Anunciación. Ollade para ver que grandes artistas temos no Caselles.

 

A RITMO DE CORAZÓN

Xoves e venres os nenos e nenas de 1º, 2º e 3º curso tiveron unha clase de música diferente. Coñeceron distintos tambores africanos, cada un cun nome diferente. Tocaron os tambores, bailaron e ata cantaron unha nana senegalesa.

Impresionante este taller de percusión africana ofertado polo Concello de Tomiño!

TALLER DE DOBRAXE

Hoxe o alumnado de 4º, 5º e 6º curso viviron unha experiencia do máis interesante. Suso Pando e Manuel Pombal, do grupo de teatro "Fulano, Mengano e Citano", estivéronllles ensinando como se fai a dobraxe dunha película. Nenos e nenas estiveron dobrando un capitulo de Bob Esponxa.

Esta actividade está organizada polo concello de Tomiño.

OBRADOIROS DE PRIMAVERA

Mañá intensa hoxe no Caselles. Como xa é habitual dende fai un par de anos, despedimos o trimestre cunha chea de obradoiros, e iso que algúns non se puideron facer por culpa da chuvia: xardiñería, manualidades, pintura, inglés, atrezzo, linguaxe de signos, obradoiro naturézate, cociña e música foron o tema dos nosos obradoiros. Unha forma diferente de aprender cousas novas!

Naturézate

Marabilloso traballo feito polos nenos e nenas de 6º curso para o programa Naturézate dentro do Plan Proxecta. Este programa pretende a difusión e promoción dos espazos protexidos de Galicia e fomento da concienciación e actitudes do alumnado cara á conservación da natureza.

SEMANA DA PRENSA

Dende a biblioteca organizamos este periódico mural para celebrar a semana da prensa.

Cada curso ocupouse dunha sección, e entre todos e todas montamos ao largo deste mes o noso propio periódico.

Distribuir contido