Nos meses de setembro a decembro, os alumnos do grupo ecolóxico estiveron durante os recreos no patio do colexio preparados para que tódolos alumnos que quixeran, poideran plantar unha semente de castaña, landra, etc no cartón de leite.
Esta foi a explicación para que coñeceran o procedemento:
Tódolos alumnos que desexen plantar deben levar un cartón de leite ou zume (preferiblemente xa cortado por arriba, limpo, e co nome e curso do propietario), e as súas sementes de carballo, castiñeiro ou nogueira.
As plantas permanecerán nas súas aulas (un recanto perto das ventás, para recibiren luz suficiente).
Deberán regarse, nun primeiro momento, unha vez por semana (ou dúas, dependendo das condicións de calor). Para regar resulta moi práctica unha botella de auga cun pequeno buraco no seu tapón.
As árbores tardarán un tempo a xerminar. Mesmo é normal que non o fagan antes de xaneiro, pero seguro que nacerán a maioría.
Unha vez nacidas as árbores, hai que vixiar con máis regularidade o seu regado.
Cada neno poderá cultivar varias plantas (agás que os titores lles poñan límite por cuestión de espacios, organización da aula, etc.)
Aproximadamente no mes de abril, coas plantas xa ben medradas, haberá que sacalas da aula (empezan a coller
enfermidades nas follas, as súas raíces non collen no envase...
Temos un espacio habilitado na parte de atrás do colexio para trasplantar estas árbores e crialas alí.
Así pois, nesa época de abril/maio iremos trasladando estas árbores.
Os alumnos que o desexen poderán levalas á súa casa para plantar alí.