O Mércores 21 de febreiro celébrase o día da lingua materna, e que mellor xeito de facelo que desfrutando da visita dunha recoñecida autora galega, María Canosa. O alumnado de 1º e 2º leu a súa obra "Lobo Ramón", libro do itinerario lector para este curso e tiveron a sorte de coñecer á autora, facerlle un milleiro de preguntas e mais de que lles asinara os libros.
A SEMANA DO 5 AO 9 DE FEBREIRO CONMEMORAMOS O ENTROIDO NO CEP DE SABARIS. CUMPRIMOS AS ORDES DO MECO, DESFILAMOS POLA VILA DE SABARIS, FIXEMOS BAILES E GOZAMOS DUNHA MERENDA TÍPICA DESTE FESTEXO. PASÁMOLO MOI BEN!!!!
E como xa dixemos que pasaría... o venres celebramos o día da ilustración con Iván Rodríguez, autor e ilustrador do libro "Os Winkle, máis finos ca un allo" e outros moitos que temos na nosa biblio!
Foi unha mañá xenial na que Iván nos achegou ao mundo da ilustración, desfrutamos de novo da historia dos Winkle e practicamos como ilustradoras e ilustradores.
O alumnado colaborador da biblioteca, para conmemorar este día, preparou unha xornada chea de contos pola paz con historias que nos fixeron reflexionar.
Moitas grazas compis! Fixestes un gran traballo!!!