Música

ACTUACIÓNS NO MUSIQUEANDO

Tagged:  

O xoves 28 de abril celebramos o Musiqueando 2022- #nosimportalamusica xunto con moitos outros centros de toda España.

Nun pequeno concerto, o alumnado de 1º e 2º da ESO animouse a compartir con nós o que fan na clase de Música e a interpretar unha coreografía de "Terra" feita para a ocasión por Artur Puga, bailarín que acompañou ás Tanxugueiras no Benidorm Fest.

Para os que non tivestes a oportunidade de asistir, aquí vos deixamos este vídeo coas actuacións. Desfrutádeo!

O XOVES MUSIQUEAMOS!

Tagged:  

Este xoves 28 de abril o alumnado de 1º e 2º da ESO participará na convocatoria Musiqueando 2022-#nosimportalamusica, de concertos escolares na rúa e que se celebrará simultáneamente en toda España.

O obxectivo desta convocatoria é sacar a música das aulas e facer un pequeno concerto, que nós celebraremos no patio do edificio de Secundaria de 11:45 a 12:50h.

Neste pequeno concerto poderedes escoitar algún dos temas que estivemos a traballar na materia de Música, así como unha coreografía da canción "Terra" de Tanxugueiras feita especialmente para esta actividade por Artur Puga, bailarín do grupo participante no Benidorm Fest.

Pasade a desfrutalo!

MUSIQUEANDO 2021

Tagged:  

Un ano máis o noso centro participou no Musiqueando organizado pola COAEM (Confederación de Asociacións de Educación Musical) xunto con centros de toda España. Nesta ocasión o reto consistía en preparar unha coreografía de percusión corporal deseñada polo músico Santi Serratosa para a ocasión.

O día 5 de maio traballámola en directo a través de Youtube co propio Santi e logo o alumnado de 1ºB, 3º e 4º da ESO fixeron unha gravación da súa versión coa Muiñeira de Chantada.

Velaquí tedes o resultado, aínda que en breve poderemos engadir tamén a 1ºA. Disfrutádeo!

E aquí está a versión final con 1ºA tamén. Noraboa a tod@s!

 

RESULTADOS DO CONCURSO DE NADAL

Tagged:  

Esperando que pasarades unhas boas festas e logo de revisar as papeletas que entregastes no concerto de alumn@s sentimos comunicarvos que non hai ningún gañador/a do concurso. Os Imagine Dragons foron imposibles de recoñecer!

Para que poidades comprobar as vosas respostas e practicar de cara a novas edicións, deixamos aquí a solución:

  1. Michael Bublé
  2. Justin Bieber
  3. Baleiro (por erro do audio durante o concurso)
  4. Imagine Dragons
  5. Rosana
  6. Frank Sinatra
  7. Wham!
  8. Ariann
  9. Ozuna

Saúdos e que teñades un bo ano!

MUSIQUEANDO EN BETANZOS

O próximo 27 de abril os alumn@s de Música de 4º de ESO van visitar ao alumnado do IES Francisco Aguiar de Betanzos. Alí realizarán un concerto conxunto ao aire libre onde interpretarán pezas de música tradicional e do repertorio actual.

O concerto está englobado na actividade Musiqueando, que terá lugar esa mesma data en centros de toda España e na que participarán máis de 15 000 alumnos.

Se queredes ver os centros que participan, premede na seguinte ligazón.

4º ESO- MÚSICA

Tagged:  

MÚSICA E PUBLICIDADE

Para axudarvos un pouco cos comentarios dos anuncios, aquí tedes un enlace a un blogue moi interesante. Tamén podedes ver o anuncio da campaña de Dove da beleza real e un documental sobre técnicas publicitarias. Disfrutádeos!

 

Déixovos un enlace ás actividades sobre o musical "Cantando bajo la lluvia" que vimos na clase, onde podedes ver os vídeos de tódolos exercicios que o precisan, así como fragmentos da película. Recórdovos tamén que o martes 20 os tedes que entregar. Ánimo!!!  

Atopei unha páxina moi interesante por se estades interesados en aprender a tocar a guitarra. Ten a tablatura dun montón de cancións de tódolos estilos que podedes aprender facilmente. Déixovos o enlace e botádelle un ollo a ver que vos parece.

cancións para guitarra 

Aquí vos deixo a base da canción de One Republic que comezamos a tocar o último día. Ánimo e a ver se na próxima clase o facemos mellor ca eles ;-)

Apologize

Podedes descargar as partituras da nova canción que imos tocar "Hijo de la luna" de Mecano. Van separadas por instrumentos, así que escollede o que vos corresponda e a empezar! Ah, deixo tamén a parte de piano por se alguén se anima...

MUNDO MUSICAL

Tagged:  

 

Seleccionando en cada apartado poderás atopar material relacionado cos contidos do teu curso ou ben información relacionada co departamento.

            2ºESO          3ºESO             4ºESO        DEPARTAMENTO    

 

E POR FIN O DEPARTAMENTO TEN NOVA UBICACIÓN. DÉIXOVOS UNHA LIGAZÓN AO NOVO BLOG. A PARTIR DE AGORA COLGAREI ALÍ TODA A INFORMACIÓN DO DÍA A DÍA DAS CLASES.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013