O 30 de outubro de 2014,  a partir das 16.25 horas,  terá lugar a Tertulia Literaria Dialóxica sobre o libro "Viaxe ao centro da Terra" de Xulio Verne. Celebrarase na biblioteca escolar do CPI de Castroverde e poderán asistir tódalas persoas que o desexen: tanto alumnado, familiares, profesorado, ... 

Viaxe ao centro da Terra (título orixinal en francés: Voyage au centre de la Terre) é unha novela de Xulio Verne, publicada o 25 de novembro de 1864, a máis imaxinativa e menos científica das súas obras, que trata da expedición dun profesor de mineraloxía, o seu sobriño e un guía ao interior do planeta Terra. 

É unha das poucas novelas de Xulio Verne que non foi serializada e está inspirada polo indicios xeolóxicos de 1863 de Charles Lyell acerca da antigüidade do home: os xeólogos abandonaran o relato bíblico literal do desenvolvemento da Terra e, en xeral, pensábase que o fin do último período glacial marcou a primeira aparición da humanidade; pero Lyell baseouse en novos descubrimentos para situar a orixe dos seres humanos moito máis atrás do pasado xeolóxico profundo. 

LIBRO POR CAPÍTULOS                                LIBRO EN PDF