Skip to Content

Felicitación

CALENDARIO 2015

2014 chega ao seu fin e comezamos un novo ano que esperamos vos traia moitas ilusións e retos que conseguir. Compartimos convosco o calendario de 2015 elaborado con algunhas das postais deseñadas polo alumnado nesta datas navideñas.


 


 

Venres en galego_O corpo humano

OS VENRES EN GALEGO

Este curso os venres teñen algo especial: unha invitación a falar en galego e que a nosa lingua se faga presente en todo o cole, e unha invitación a realizar unha actividade ou participar nela. Co obxectivo de fomentar o uso da lingua realizáronse recentemente dúas actividades:

Recital de cantigas en galego do alumnado de 4º ao alumnado de 1º

Para visualizar esta actividade acceder ao blog da biblioteca premendo neste enlace: Venres en galego

 

O corpo humano

O alumnado de 1º participou nun xogo moi divertido consistente en situar tarxetas identificativas das diferentes partes do corpo humano no lugar correcto nunhas siluetas de tamaño real. Non foi tarefa fácil pero, coa axuda do alumnado de 5º, o resultado foi excepcional.

Tradición oral 2014

SEMANA DA TRADICIÓN ORAL 2014

Continuamos este curso coa Semana da Tradición Oral con actividades protagonizadas pola comunidade educativa.

A VOLTA AO COLE DOS AVÓS

Novamente contamos no cole coa presenza dalgúns avós e avoas dos nosos alumnos e alumnas para facernos testemuñas das súas vivencias ao longo da súa vida, trasladándonos, á súa vez, grandes doses de sabiduría e cariño que tanto lles agradecemos.

Grazas Manuel, Elena, Amalia, Manolo, Ángel e Emilio pola vosa colaboración e por un traballo ben feito.

 

 

4º INTERPRETA CANCIÓNS PARA 1º

O alumnado de 4º interpretou varias cancións do Cancioneiro Popular Galego e de libros da colección Mamá Cabra contando como público co alumnado de primeiro.

Accede ao blog da biblioteca para ver os vídeos e fotos desta actividade

Tradición oral na biblioteca

Nadal

PROGRAMA NADAL

O venres 19 celebraremos o festival de Nadal no colexio coas actuacións do alumnado dos grupos B que figuran neste programa. Lembrade, por favor, que as familias poderán asistir ao primeiro pase ás 9.30 horas. No segundo pase soamente poderá asistir o alumnado por problemas de aforo.

Programa actividades Nadal concello 2014

ACTIVIDADES DE NADAL 2014

CONCELLO DE VIGO

Saída ao zoo 1º-2014

VISITA A VIGOZOO - 1º

O pasado 18 de novembro, os nenos e as nenas de primeiro fomos de excursión ao zoo. Lembramos o nome de moitos animais: cebras, leóns, lobos..., e tamén aprendimos moitos novos: xineta, porco espiño, kinkajou, guanaco..., o que máis nos gustou foi que un oso moi gracioso saudounos e sorriu para a foto!!!!
 

Renovación salas comedor

RENOVACIÓN SALAS

COMEDOR ESCOLAR

Continúa a renovación da imaxe do comedor escolar neste curso.

A ANPA, ademais de custear a compra de mesas específicas de comedor para completar as diferentes salas, acaba de estrear un novo deseño con motivos divertidos e saudables na terceira sala.

Queremos dar as grazas ás nais e pais que colaboraron no deseño e pintado dos debuxos. Excelente traballo!!!!

 

Nova sala psicomotricidade

NOVA SALA DE ACTIVIDADES EXTRAESCOLARES

A ANPA, en colaboración co centro, preparou unha nova sala para algunhas das actividades extraescolares: ximnasia, danza, pilates, etc. Seguindo na liña de mellorar o confort e a estética das aulas, instalouse nova tarima no chan e deseñouse unha decoración ambientada nestas modalidades deportivas.

E, visto o resultado, o esforzo mereceu a pena!

Grazas a todas as persoas que posibilitaron esta mellora do centro para o uso da comunidade educativa.

 

Calendario escolar 2014-15

CALENDARIO ESCOLAR

CURSO 2014-2015

Calendario definitivo trala confirmación oficial dos días non lectivos concedidos ao centro. Pódese descargar desde o arquivo dixital ou desde o segundo arquivo adxunto.

  DATAS DE INTERESE
   
Inicio das clases  
-Infantil e primaria 10 de setembro de 2014
-Secundaria 15 de setembro de 2014

 

Fin das clases

 
-Infantil e primaria 19 de xuño de 2015
-Secundaria 19 de xuño de 2015

 

Períodos de vacacións

-Nadal Do 22 de decembro de 2014 ao 7 de xaneiro de 2015 (ambos inclusive)
-Entroido 16-17-18 de febreiro de 2015
-Semana Santa Do 30 de marzo ao 6 de abril de 2015 (ambos inclusive)

 

Días non lectivos

 
-Día do ensino 31 de outubro de 2014
-Día non lectivo

3 de novembro de 2014

-Día non lectivo

4 de maio de 2015

 

Días festivos

 
-Día de Todos os Santos 1 de novembro de 2014
-Día da Constitución 6 de decembro de 2014
-Día da Inmaculada 8 de decembro de 2014
-Día de San Xosé 20 de marzo de 2015
-Día da Reconquista 28 de marzo de 2015
-Día do Traballo 1 de maio de 2015

 

Arquivos adxuntos:

  • DOG coa orde do 13 de xuño de 2014 pola que se aproba o calendario escolar para o curso 2014-2015.
  • Calendario escolar do colexio.

Museo do mar 2º

MUSEO DO MAR - 2º

Premer na imaxe para acceder á páxina do museo

O martes 11 de novembro, o alumnado de 2º visitou o Museo do Mar. Fixeron un percorrido guiado polo acuario e participaron nunha actividade chamada A casa dos mariñeiros, na que pescaron peixes, cazaron unha balea, bogaron nunha barca e coñeceron a historia de Xoán Mariño, fundador do museo.

 

Distribuir contido


Rúa O Porriño s/n - 36209, Vigo - Pontevedra

Tfno: 986 29 80 58 - Fax: 986 24 42 49

by Dr. Radut