Skip to Content

Radio Celio

PRIMEIRA EMISIÓN DE RADIO CELIO

O venres 13 de marzo, RADIO CELIO emitiu o seu primeiro programa de radio escolar polos altofalantes do colexio.

Radio Celio é unha cadea escolar feita polo alumnado de 3º que xurdiu co obxectivo de manter ao colexio informado e, sobre todo, para falar galego.

Contou coas seguintes seccións:

  • Un escritor galego e recitado: Celso Emilio Ferreiro.

  • Noticieiro da escola.

  • A entrevista a Pablo, o noso conserxe que se nos vai.

  • Curiosidades sobre os ósos do corpo.

  • Fala galego, emprega verbas galegas. Os xeonllos.

  • E por último....... O tempo.

Podedes ver unha mostra do programa neste vídeo coa sintonía e a presentación.

Campamentos de verán 2014

CAMPAÑA DE VERÁN 2015

O día 24 de marzo a Consellería de Traballo e Benestar oferta prazas xuvenís dentro do programa Campaña de verán-2015 para a realización de actividades socioculturais en residencias, albergues ou campamentos.
 
Prazo de presentación de solicitudes: 15 días naturais contados a partir do día seguinte ao da publicación da convocatoria no Diario Oficial de Galicia.
 

Consulta a convocatoria no arquivo adxunto.

Máis información na páxina da Consellería: http://xuventude.xunta.es/accion-de-veran.html

Volcán 3ºA

EXPERIMENTANDO NO LABORATORIO

 

O alumnado de 3ºA fixo erupcionar os seus volcáns no laboratorio. Viron correr enormes e variopintos ríos de lava. Un experimento sinxelo que lles causou un GRAN IMPACTO.

 

Charla internet 2015

CHARLA SOBRE OS RISCOS DE INTERNET

Co obxectivo de mellorar a educación dixital do noso alumnado, o colexio solicitou á Brigada de Seguridade Cidadá a súa colaboración mediante unha charla dirixida a 5º e 6º.

Hoxe contamos coa presenza dun membro da Policía Nacional que nos falou dos riscos relacionados con internet e dos perigos que conleva o uso non controlado en rapaces destas idades.

O día 14 de abril, ás 16 horas, haberá outra charla no colexio dirixida ás familias e animámosvos a vir, coñecer os riscos que internet pode supoñer e que aproveitedes para solventar as dúbidas que teñades sobre este tema.

Porque para educar hai que aprender.

Augas termais 6ºA

VENRES EN GALEGO

AS AUGAS TERMAIS EN GALICIA

Os alumnos e alumnas de 6ºA que teñen clase de relixión, prepararon un traballo sobre As auga termais en Galicia con Manuel, o seu profesor. Expuxeron dito traballo aos seus compañeiros e compañeiras de atención educativa.
 

Sección Bilingües: tótems 2015

SECCIÓN BILINGÜE

TOTEM POLES

 

Nas últimas sesións de plástica o alumnado de Sección Bilingüe de 5º e 6º traballou creando tótems. Erica, a auxiliar de conversa canadiense, explicounos a orixe dos tótems que realizaban os indios americanos, as súas características, etc.
 

Visita ao IES Álvaro Cunqueiro 2015

VISITA AO IES ÁLVARO CUNQUEIRO

E OBRADOIRO DE PRIMEIROS AUXILIOS 2015

O día 3 de marzo os nenos e nenas de 6º achegáronse ao IES Álvaro Cunqueiro nunha visita guiada para coñecer o seu futuro instituto. Ademais, participaron no III Obradoiro de Primeiros Auxilios, organizado por profes e alumnos/as do instituto.
 

Dobraxe na escola

DOBRAXE NA ESCOLA 6º

O día 2 de marzo o alumnado de 6º participou na actividade Dobraxe na escola, organizada polo Departamento de Normalización Lingüística do Concello de Vigo. Os nenos e nenas convertéronse en actores de dobraxe poñendo voz, nada máis e nada menos, que a Bob Esponxa.
 

matrícula 2015-16

MATRÍCULA ED PRIMARIA

CURSO 2015-2016

PERÍODO DE MATRÍCULA 

Do  1 ao 16 de febreiro de 2015

- Reserva de praza dos alumnos e alumnas da EEI Cristo da Victoria.

Antes do 1 de marzo de 2015

- Publicación de postos vacantes por niveis.

Do 2 ao 23 de marzo de 2015

- Prazo de presentación de solicitudes de praza escolar no centro.

Do 25 de marzo ao 7 de abril de 2015

- Solicitude de documentación para baremar ás familias, se fose necesario.

Antes do 5 de xuño de 2015

- Publicación de listaxes definitivas de admitidos e non admitidos.

Do 22 ao 30 de xuño de 2015

- Matrícula para Educación Infantil e Primaria.

DOCUMENTACIÓN A PRESENTAR COA SOLICITUDE

Anexo II de admisión.
DNI do neno ou nena ou fotocopia do libro de familia.

HORARIO DE SECRETARÍA

De luns a venres de 9:00 a 14:00 horas.

 

O noso centro pertence á zona 9 segundo o mapa de centros de Educación Infantil e Primaria do concello de Vigo: http://www.escolasvigo.org/mapas

 

Documentos adxuntos:

  • DOG coa orde do 12 de marzo para admisión do alumnado
  • ANEXO II-solicitude admisión

Día de Rosalía

ROSALÍA NOS ALTOFALANTES

Hoxe, día 24 de febreiro, imos celebrar o Día de Rosalía coincidindo co seu aniversario.

  • Na entrada do centro teremos, en exposición, ao longo desta semana un libro elaborado polos alumnos do centro no ano 2013. Toda a comunidade educativa pode botarlle un ollo a este bonito traballo.
  • Recibiremos e despediremos aos alumnos e alumnas con música coa letra de Rosalía:

- Adios ríos, adios fontes de Amancio Prada.

- Campanas de Bastabales de Amancio Prada.

- Negra sombra de Luz Casal e Carlos Núñez.

  • No Plan Lector, despois do recreo, os alumnos e alumnas do centro recitarán poesías de Rosalía. Farano pola megafonía do centro. O resto dos alumnos escoitarano nas aulas e nos andares do centro. Por ciclos recitarán os seguintes poemas:

- 1º ciclo: Adios ríos, adios fontes

- 2º ciclo: Campanas de Bastabales

- 3º ciclo: Castellanos de Castilla

 
Distribuir contido


Rúa O Porriño s/n - 36209, Vigo - Pontevedra

Tfno: 986 29 80 58 - Fax: 986 24 42 49

by Dr. Radut