Skip to Content

Calendario escolar 2014-15

CALENDARIO ESCOLAR

CURSO 2014-2015

Calendario definitivo trala confirmación oficial dos días non lectivos concedidos ao centro.

  DATAS DE INTERESE
   
Inicio das clases  
-Infantil e primaria 10 de setembro de 2014
-Secundaria 15 de setembro de 2014

 

Fin das clases

 
-Infantil e primaria 19 de xuño de 2015
-Secundaria 19 de xuño de 2015

 

Períodos de vacacións

-Nadal Do 22 de decembro de 2014 ao 7 de xaneiro de 2015 (ambos inclusive)
-Entroido 16-17-18 de febreiro de 2015
-Semana Santa Do 30 de marzo ao 6 de abril de 2015 (ambos inclusive)

 

Días non lectivos

 
-Día do ensino 31 de outubro de 2014
-Día non lectivo

3 de novembro de 2014

-Día non lectivo

4 de maio de 2015

 

Días festivos

 
-Día de Todos os Santos 1 de novembro de 2014
-Día da Constitución 6 de decembro de 2014
-Día da Inmaculada 8 de decembro de 2014
-Día de San Xosé 20 de marzo de 2015
-Día da Reconquista 28 de marzo de 2015
-Día do Traballo 1 de maio de 2015

 

Arquivos adxuntos:

  • DOG coa orde do 13 de xuño de 2014 pola que se aproba o calendario escolar para o curso 2014-2015.
  • Calendario escolar do colexio.

Museo do mar 2º

MUSEO DO MAR - 2º

Premer na imaxe para acceder á páxina do museo

O martes 11 de novembro, o alumnado de 2º visitou o Museo do Mar. Fixeron un percorrido guiado polo acuario e participaron nunha actividade chamada A casa dos mariñeiros, na que pescaron peixes, cazaron unha balea, bogaron nunha barca e coñeceron a historia de Xoán Mariño, fundador do museo.

 

Magosto 2014

MAGOSTO 2014

Día de Magosto e carreiras!

Aproveitando as treguas que a chuvia nos ía dando, empezou o cross. Primeiro foi o alumnado de infantil do EEI Cristo da Victoria que participaba por primeira vez na carreira e logo tocoulle o turno aos nosos deportistas. Preparados, listos, xa! E todos chegaron á meta sans e salvos!

Unha vez máis contamos coa inestimable axuda de alumnado do IES Álvaro Cunqueiro que, xunto coa súa profe de EF, Montse, colaboraron na organización do evento.

Unha vez rematadas as carreiras tocaba repoñer forzas e procedeuse ao reparto de castañas asadas. Agradecer, un ano máis, a colaboración dos pais e nais da ANPA que se fixeron cargo desta parte da celebración.

 

REPORTAXE FOTOGRÁFICA - CROSS

 

 

 

 

 

 

 

 

 

ENTREGA DE MEDALLAS

El arte de pescar 6º

A Cooperativa de Armadores de Pesca do Porto de Vigo (Arvi) celebra o seu 50 aniversario con varios actos e, entre eles, unha exposición sobre o que representa a frota viguesa.

O pasado 30 de outubro os nenos e nenas de 6º participaron na actividade El arte de pescar onde puideron coñecer de primeira man as artes de pesca, a importancia da sostibilidade e a relevancia da actividade pesqueira na cidade de Vigo.

Unha proveitosa xornada mariñeira!

 

 

Magosto 2014

MAGOSTO 2014

Tempo de castañas, tempo de Magosto!

O mércores 12 de novembro celebraremos o noso tradicional Magosto no colexio coa colaboración da ANPA.

Empezaremos poñéndonos en forma coa VII edición do Cross San Martiño, se a meteoroloxía o permite, no que contaremos coa participación de alumnado e profesorado da EEI Cristo da Victoria e coa colaboración de profesorado e alumnado do IES Álvaro Cunqueiro, para logo repoñer forzas cun bo cucurucho de castañas recén asadas!

Almorzos saudables

ALMORZOS SAUDABLES

O centro participou no Programa Almorzos saudables, a importancia do almorzo, da Xefatura Territorial  de Sanidade.

 

Os días 4 e 5 de novembro os nenos e nenas de 1º cambiaron os seus hábitos diarios e almorzaron no cole puidendo escoller entre un delicioso e saudable almorzo mixto ou un mediterráneo. Ademais desta actividade encamiñada a ensinar ao alumnado e familias as bases dunha boa alimentación, tamén se traballaron hábitos de saúde bucodental.

 

Samaín 2014

SAMAÍN 2014

E chegou o momento do medo!!!!

A biblioteca sacou á luz a súa cara máis terrorífica e os corredores e a entrada do centro enchéronse de seres aterradores que agardaban en calquera esquina en forma de pantasmas ou cabazas horripilantes. Botádelle unha ollada á exposición de cabazas que as familias do colexio decoraron amosando, unha vez máis, a súa creatividade.

Para ver máis fotos preme aquí.

Calendario renovación C. Escolar 2014

 

CALENDARIO RENOVACIÓN

CONSELLO ESCOLAR

2014

 

Hoxe, 30 de outubro, constituise a Xunta Electoral que vai dirixir o proceso de renovación parcial do Consello Escolar. Forman parte desta xunta electoral:

-Cristobal Davila Comesaña (pai dunha alumna de 1º de primaria).
-Ana Fernández Covelo (profesora do centro).
-Ana González Díaz (persoal de administración e servizo).
-Manuel Dapena González (o director)
.

Na súa primeira xuntanza  acordouse o seguinte calendario:

Elección de dous representantes de pais nais ou titores legais:

Acto Data Hora
Presentación candidaturas 3-11 de novembro  
Sorteo mesa electoral representantes pais Mércores, 12 de novembro  
Reclamación candidaturas 12-13 de novembro  
Proclamación de candidaturas Venres, 14 de novembro  
Exposición e reclamación dos censos electorais 14-24 de novembro  
Votación representantes pais Martes, 25 de novembro 9-10 h.; 13-14h.;16-19 h
     

Elección de dous representantes do profesorado:

Acto Data Hora
Presentación candidaturas 3-11 de novembro  
Claustro extraordinario Martes, 11 de novembro 16 horas
Sorteo mesa electoral representantes pais Martes, 11 de novembro 16 horas
Reclamación candidaturas 12-13 de novembro  
Proclamación de candidaturas Venres, 14 de novembro  
Exposición e reclamación dos censos electorais 12-24 de novembro  
Votación representantes do profesorado
Martes, 25 de novembro 16 horas

O cole na radio

              O CELSO NAS ONDAS!

E chegou o día...

O salón de actos encheuse de alumnado que participaba como público e que asistía por primeira vez a un programa de radio. E comezou a emisión do Magazine La Mañana da Cadena Cope. Primeiro entrevistaron a membros da comunidade educativa: ao director, ao orientador, a unha representante da ANPA, á coordinadora TIC e á auxiliar de conversa.

Escoita a 1ª parte do programa: La Mañana (parte I)

Na segunda parte do programa interviron membros da corporación municipal: a concellala de educación e o alcalde.

Escoita a 2ª parte do programa: La Mañana (Parte II)

Un día diferente no cole e unha nova experiencia educativa!

Renovación Consello Escolar

RENOVACIÓN PARCIAL DO CONSELLO ESCOLAR

 

Comeza o proceso de renovación do Consello Escolar:

1.- Elixir os compoñentes da Xunta electoral: o director, un mestre ou mestra, un pai, nai ou titor legal do alumnado e un representante do persoal non docente, no sorteo elixirase un titular e dous suplentes en cada caso.

  • Sorteo público dun representante do claustro: 28 de outubro ás 11.30 horas, na sala do profesorado.
  • Sorteo público dun representante dos pais, nais ou titores legais do alumnado: 28 de outubro ás 13.45 horas, no vestíbulo do centro.
  • Sorteo público dun representante do persoal non docente: 28 de outubro ás 11.30 horas, no despacho de dirección.

2.- Constituír a Xunta Electoral: 30 de outubro ás 13 horas, no despacho de dirección.

 

Distribuir contido


Rúa O Porriño s/n - 36209, Vigo - Pontevedra

Tfno: 986 29 80 58 - Fax: 986 24 42 49

by Dr. Radut