Benvida

Benvidos/as á web do CPI Monte Caxado   

CPI Monte Caxado

 Estamos aquí

 

MOITO QUE CELEBRAR!

NADAL 2015

Esta é a postal coa que felicitamos estas datas tan especiais. Esperamos que vos gustase tanto como a nós.

 

E aquí tedes unha pequena mostra do noso festival de Nadal que tivo lugar no cine Alovi o venres 18 de decembro. Tivemos un pouco de todo: baile, cancións, teatro, poesía,... e algunha sorpresa que outra. Estiveron con nós os nenos e nenas de Aspanaes que, coma sempre, ofrecéronnos unha gran actuación. Pasámolo moi ben!

 

RECOLLIDA DE ROUPA E ALIMENTOS

 

 

A campaña que se desenvolveu do 23 ao 27 de novembro foi un gran éxito grazas á solidariedade da Comunidade Educativa do Monte Caxado.

 A furgoneta da Fundación Amigos de Galicia marchou así de cargada! Grazas a todos os participantes!!!

RECOMPILACIÓN DE ACTIVIDADES DE OUTONO

A piques de rematar xa o outono, imos recoller algunhas das actividades que fixemos:

 

*Día da discapacidade (3 de decembro).- Este día estiveron con nós monitores da Xanela e aprendemos o difícil que pode ser desenvolverse na vida cotiá cando tes algún tipo de discapacidade( visual, motórica,...).

CHARLA SOBRE RECICLAXE

O martes 17 de novembro o alumnado de 3º,4º,5º e 6º de primaria  asistiu a unha charla na biblioteca do noso centro sobre reciclaxe. Membros da empresa Soil, que é a que xestiona os residuos dos contedores amarelo e verde(xenérico) no noso concello, foron os que nos ofreceron esta proveitosa charla para concienciarnos unha vez máis sobre a importancia que ten unha correcta reciclaxe.

CARREIRA NA FRAGA

Este mércores 11 de novembro asistimos á carreira da Fraga. Os nenos e nenas de 2º,3º,4º,5º e 6º de primaria xunto cos profes desplazámonos ata a Fraga para disfrutar dunha xornada deportiva nunha mañá de sol e bo tempo. Pasámolo moi ben!!! 

RECOLLIDA DE PREMIOS

Como tódolos anos o noso Centro participou no certame concurso que propón o Concello con motivo da Feira de fungos e cogumelos. Fomos moi afortunados e recibimos moitos premios que os nenos e nenas foron a recoller o mesmo día da Feira. Noraboa aos premiados e a seguir participando!

MAGOSTO 2015

Este ano celebramos o Magosto a finais de outubro coincidindo co Samaín. No día sinalado, os membros da ANPA agasallaron a tódolos cursos con castañas, batidos e augas. Logo de comer e beber, os nenos e nenas estaban preparados para os xogos que lles preparara o profe Pedro. Este ano puidemos gozar desta actividade no patio exterior xa que o día non puido ser mellor. Pasáronno moi ben e as fotos dese día son a mellor mostra. Mirade!

 

Xornada de Acollida de Auxiliares de Conversa

Hoxe día 2 de Outubro tivo lugar en Santiago a xornada de acollida e orientación de auxiliares de conversa. Alí nos desprazamos o noso auxiliar William David Nagelhout e como coordinadora das seccións bilingües de primaria Mª de los Ángeles Lourés. No seguinte enlace pódese ver toda a información sobre esta xornada: http://www.edu.xunta.es/portal/node/17305

 

Distribuir contido