Benvida

Benvidos/as á web do CPI Monte Caxado   

CPI Monte Caxado

 Estamos aquí

 

"AS PONTES EMPRENDE". ENTREGA DE PREMIOS.

O pasado venres 27-5-2016, no auditorium Alovi, efectuouse a entrega de premios ao emprendemento. Nesta ocasión tamén participaron os centros educativos de primaria e secundaria.

O CPI Monte Caxado obtivo o 1º premio por un proxecto que realizou o alumnado de 3º de ESO baixo a dirección do profesor de tecnoloxía José Manuel Martínez e a colaboración de Carolina de SEARA.

O proxecto consiste nunha aplicación informática para móbiles que permitirá coñecer os diferentes sectores comerciais, industriais, de interés turístico, etc da vila de As Pontes.

Tamén participaron os IES Castro da Uz e Moncho Valcarce que tiveron accesits polos seus interesantes proxectos.

ENTREGA DE PREMIOS

Hoxe , na biblioteca do noso centro, tivo lugar a entrega de premios  do Certame das Letras Galegas  e do Concurso de Reciclado. O primeiro é convocado polo Equipo de Normalización Lingüística en colaboración coa ANPA e o segundo pola Aula de Medio Ambiente.

ACTO CONMEMORATIVO DO DÍA DAS LETRAS GALEGAS DO 17 DE MAIO DE 2016

Como xa ven sendo tradicional, o Liceo Recreativo Cultural e Artístico de As Pontes  conmemorou este 17 de maio de 2016  o Día das Letras Galegas. O acto comezou as 17,00 horas coa actuación do grupo de música tradicional Alfaia da Asociación de veciños de As Campeiras.

A continuación grupos de alumnos/as dos colexios de As Pontes fixeron lecturas de poemas de Manuel María, escritor ao que se honra este ano.

FONDO SOLIDARIO E AXUDAS LIBROS E MATERIAL. CURSO 2016-17.

A ORDE do 27 de abril de 2016 regula a participación no fondo solidario de libros de texto e nas axudas para adquirir libros de texto e material escolar. DOG núm 92 do luns, 16 de maio de 2016.

FESTIVAL DAS LETRAS GALEGAS 2016

Hoxe tivo lugar o noso festival das Letras Galegas. Tivemos actuacións moi variadas: obras de teatro, bailes, cancións cantadas e tocadas coa frauta,... De todo un pouco. Pasámolo xenial! Grazas a todos por participar e noraboa polas vosas actuacións. Aquí tedes unha mostra do que puidemos ver sobre o escenario.

 

                                                                                                        

LETRAS GALEGAS 2016

                                                                                                          

PLAN DE AUTOPROTECCIÓN

Estáse a rematar o Plan de Autoprotección do noso Centro. Contamos coa presencia no noso colexio dun doctor e unha empregada da empresa PREVINEM que nos asesoraron sobre primeiros auxilios, evacuación ou confinamento no cole e medidas de seguridade básicas. Completouse este mini-curso cun simulacro de evacuación e confinamento o día 12 deste mes. O desaloxo foi rápido e avaliaremos os erros cometidos para mellorar as nosas actuacións en caso de emerxencia.

EXHIBICIÓN SOLIDARIA DA GARDA CIVIL

O pasado día 4 de maio os nenos e nenas do noso colexio, xunto con outros coles do pobo e de arredores, asistiron a unha exhibición solidaria da Garda Civil. No canal IV puidemos ver coches, motos, policía científica, adestramento de cans, o helicóptero,... Foi unha xornada moi divertida para todos os que alí estivemos. Parabéns á Garda Civil pola estupenda organización desta actividade.

DÍA DO LIBRO

Durante esta semana pasada celebramos este importante día. Dende a biblioteca, a nosa mascota Rosendo, xunto co Equipo de Biblioteca propuxeron distintas actividades, como pasatempos, lecturas, decoracións, "Se eu fose un libro sería...", lim sobre o Quixote, etc.

A este último podedes acceder dende aquí, clicando na imaxe:

Distribuir contido