Presentación III Carrera Popular "CONCELLO DE SAN SADURNIÑO"

Melina Alonso

CARREIRA ORGANIZADA POLO CPI SAN SADURNIÑO E O PROPIO CONCELLO DE SAN SADURNIÑO

A presentación será O Martes 24 de 13:10 a 14:05 NO CENTRO CULTURAL para os alumnos de Secundaria.

A carreira consta de distintas distancias desde os 70 m que corren os biberóns ata os 5 Km que corren atletas desde os de 12 anos ata moi veteranos.

Hai que destacar que na carreira absoluta (5 Km ) Participa o 89% do alumnado da ESO, sendo lixeiramente superior a participación feminina.

Este ano na presentación están convidados: a TRIATLETA INTERNACIONAL MELINA ALONSO, que estes días vén a Ferrol a recuperarse dunha lesión. Melina confírmanos que aínda que non está para competir, fará de globo tirando dun grupo de alumnos e alumnas que queiran baixar de 30 minutos nos 5km. TODO UN LUXO !!!. Tamén, por suposto, contamos cun fixo da carreira, o ATLETA VETERANO ANTONIO CABANA DE 76 ANOS, medallista europeo na súa categoría, que virá, como sempre, disposto a dalo todo coas zapatillas aínda quentes de competir o fin de semana anterior no Europeo que se celebra en Lisboa.

 

 

ÚLTIMA QUEDADA DE ADESTRAMENTO

Hoxe domingo, facendolle frente ó tempo que ameazaba choiva, quedamos un grupo de arredor de 50 "runners" para facer o último adestramento antes da proba do vindeiro domingo. Visto o visto parece que hai quen vai a mellorar moito as marcas do ano pasado¡¡¡

Eiquí vos deixamos unha foto do evento.

qudada

Día da ciencia 2016

O alumnado de secundaria do CPI San Sadurniño presenta diversos proxectos científicos realizados ao longo do curso 2015-2016.

 

XUBILACIÓN DUNHA COMPAÑEIRA

XUBILACIÓN DUNHA COMPAÑEIRA

Hoxe despedimos a unha compañeira que deu moitos anos da súa vida profesional neste centro. 

Beatriz Picos Tembrás, a eterna titora de 4ºESO, xubílase deixando un recordo imborrable en moitas xeracións de alumnos e compañeiros profesores.

Únese á longa lista de xubilacións que dende hai poucos anos temos no centro: Manolo Seco, Pantín, Breijo, Emilia, Concha, María José Pouso, Mari Carmen Pouso, María José Carracedo, Lola...

A todos eles e aos anteriores grazas por deixar un anaco do voso corazón en San Sadurniño.

 

Folliña voandeira do Día das Letras Galegas

Este ano o Día das Letras Galegas está dedicado a Manuel María e nós querémonos unir a esta conmemoración cunha folliña voandeira con algúns dos seus versos. Lembrade tamén que na nosa aula virtual podedes atopar enlaces a recursos web sobre o escritor chairego.

 

Visitas de abril

O 7 de abril visitamos a cidade de Lugo co alumnado de 2º de ESO para realizar unha ruta literaria baseada no libro de relatos Contos do museo e percorrer o centro da cidade e a muralla romana. O 21 deste mes recibimos a visita do alumnado do CPI Domingo Fontán de Portas co que se estivo carteando o alumnado de 3º e 4º de ESO.

QUEDADAS-ENTRENAMENTO CARREIRA POPULAR

 

Novas quedadas para preparar a carreira. Como vedes na imaxe acabamos sudorosos e esgotados polo esforzo.

O mar de Manuel María

"O mar" é un fermoso poema dun dos libros máis coñecidos de Manuel María: Os soños na gaiola. No arquivo adxunto podedes atopar unha presentación realizada co poema e coas fotografías sacadas por algúns dos nosos alumnos e alumnas de 4º de ESO ( Bruno, Nerea, Santi, Sergio, María, Diana e Ana).

 

 

 

 

 

X ENCONTRO ESCOLAR DE XOGOS TRADICIONAIS

O sábado 4 de xuño, organizado por Brinquedia Rede Galega do Xogo Tradicional (entidade da que é socio o noso centro), terá lugar esta actividade en Muimenta (Cospeito-Lugo) en xornada de mañá e tarde.

Podedes atopar máis información de en que consiste facendo clic na seguinte imaxe:

E para todas aquelas persoas interesadas en asistir, pregamos cubran o seguinte formulario de inscrición (de ser posible antes do mércores 11 de maio):

DÍA DA CIENCIA 2016 INFANTIL E PRIMARIA

O pasado xoves o noso centro celebrou o Día da Ciencia. Nesta actividade, o alumnado de tódolos cursos preparou diferentes experiencias científicas para amosarlle ao resto de compañeiros/as do cole.

Facendo clic na seguinte imaxe accederedes a un vídeo-resumo:

Distribuir contido