RADIO PARA A PAZ

Este ano, para conmemorar o Dia da Paz e grazas a inestimable colaboración dun grupo de radioaficionados ourensáns, no CPI Virxe da Saleta participamos nunha actividade organizada polo URE (Unión Radioaficionados Españoles).

 

Así que durante un día na nosa aula de informática montouse unha estación de radio, e por turnos os alumnos e os profesores puidemos establecer comunicación con outros centros e radioaficionados de diferentes partes de España (Asturias, Cáceres, Pontevedra, Madrid, Cataluña, Ourense), que moi amablemente conversaron con nós, ofrecéndonos opinións, comentarios e consellos e sobre todo moi boas e agarimosas palabras.

 

Foi para todos unha moi boa experiencia, permitiunos coñecer algo máis do interesante e descoñecido mundo da radioafición, e comprobar unha vez máis como a comunicación é unha ferramenta  indispensable para a PAZ.