Conferencia de Rosa Mª Crujeiras sobre estatística

O pasado mércores 3 de abril a profesora doutora do Departamento de Estatística e Investigación opertaiva da Facultade de Matemáticas da Universidade de Santiago de Compostela, Dna. Rosa María Crujeiras Casais, impartiu a conferencia titulada "Curso de cociña esttística: algunhas receitas sinxelas para cociñeiros noveis" ao alumnado de 4º de ESO e de 1º de bacharelato.

Cunha presentación moi amena a profesora amosou a estatística como unha ferramenta (ingredientes) para a investigación científica (menús). Cunha información sinxea e clara, introducionos no mundo da estatística descriptiva e o da estatística inferencial, amosándonos distintos exemplos de campos de traballo e investigacións que teñen a estatística como ferramenta clave.

 

Esta charla, organizada polo departamento de matemáticas dentro do seu plan lector, é a actividade que pon punto e final ao IV concurso de problemas de matemáticas e III concurso de relatos matemáticos. Previo á charla entregáronse os premios de estes dous concursos, que tiveron por gañadores a:

1º Premio do IV concurso de  problemas matemáticos para 1º e 2º de ESO: David Estévez Prieto (2ºF)

Accesits: Patricia González Cabaleiro, Silvia Mosquera Lago

 

1º Premio do IV concurso de  problemas matemáticos para 3º e 4º de ESO: Paula Piñeiro Varela (4ºA)

Accesits: José Luís González Cabaleiro, Pedro Mirón Domínguez

 

1º Premio do III concurso de  relatos matemáticos para 1º e 2º de ESO: Antía Álvarez Pazó (1º ESO B)

1º Premio do III concurso de  relatos matemáticos `para 3º, 4º de ESO e bacharelato: Vera Rodríguez Naz (4ºA)