O pasado venres 12 de abril tres estudantes de 2º de bacharelato tiveron a sorte de participar nunha visita ao Centro de Supercomputación de Galicia (CESGA).

Aprenderon sobre as diferenzas entre computación cuántica e clásica e os tipos de ordenadores cuánticos que traballan os distintintos centros de investigación e compañías.

Ademais puideron visitar a instalación so supercomputador FINISTERRAE e o ordenador cuántico que ten o CESGA, o QMIO.

Foi unha boa xornada que fixo que o madrugón para o autobús pagase a pena.

Xa agardando para a próxima, na que ogallá poda acudir máis alumnado!

O día 9 de abril o alumnado de 4° da ESO visitou os centros de FP Manuel Antonio e Valentín Paz Andrade onde puideron valorar outras saídas profesionais unha vez que teñan o título da ESO.

Coma sempre grazas por recibirnos tan ben, foi unha xornada moi proveitosa para o noso alumnado!

O alumnado de Economía e de Tecnoloxía Industrial asistiron á charla "A situación enerxética galega" impartida polo profesor da USC, Adrián Dios Vicente, especialista en Historia da Economía.

Amais de explicarlle sucintamente as posibilidades das carreiras de Económicas ou Administración e Dirección da Empresa, centrouse na problemática enerxética e no debate que está a haber en Galicia.

Agradecemos a súa presenza no noso centro porque foi unha charla interesantísima para o seu alumnado.