Se fai unhas semanas foron os dous equipos de Bac os que quedaban clasificados entre os catro mellores da última edición do "Parlamento Xove", este sábado 10 de maio alumn@s de 2º da ESO proclamáronse vencedores dunha nova competición galega de debates, DEBATE.CON (así, con "n"), creada por un grupo de profesores e profesoras co ánimo de potenciar o desenvolvemento das capacidades que se precisan nestes debates entre grupos e dirixido ao alumnado de 1º e 2º de Secundaria. O tema de debate nesta primeira edición era: Un sentido da protección equivocado está levando a desresponsabilizar aos nenos no noso país? Os nosos parabéns a María Fernández, María Núñez, Lúa, Isaac, Silvia, José Manuel e Xulio (profesor coordinador e preparador do grupo) polo seu triunfal debut, o que fai supoñer que nun futuro participarán en próximas edicións do "Parlamento Xove". Polo visto, hai unha boa "canteira" para o futuro. VER NOTICIA NA PRENSA. Preme sobre a imaxe para ver as fotos.
|
|||