Situación do IES Canido

Foto entrada instituto

IES CANIDO

Rúa Navegantes s/n 15401 – FERROL (A Coruña)

Tel. 981.35.27.63

Fax. 981.35.90.97

E-mail: ies.canido@edu.xunta.es

O centro IES Canido está ubicado no barrio de Canido, na parte alta ao noroeste da cidade de Ferrol. Dentro do casco urbano e lindante coas antigas murallas. Ao carón da igrexa parroquial do barrio e do polideportivo San Rosendo.
Dende a súa ubicación pódese ver a ensenada da Malata (Ría de Ferrol), a Feria de Mostras e as instalacións deportivas municipais (estadio de fútbol e piscina da Malata, canchas de fútbol aledañas, e pistas de atletismo, tenis e pádel), e máis lonxe as parroquias de Serantes, Xoane, A Cabana e A Graña.
O Centro foi fundado na década dos sesenta e mantivo unha xestión privada ata o curso 1978-1979. No curso seguinte, 1979-1980, pasou a depender do Ministerio de Educación e Ciencia e co nome de Instituto Mixto nº3 comezou a súa andadura no ensino público.