Benvid@s á web do I.E.S. POETA DÍAZ CASTRO

Enviado por admin o Mér, 08/11/2006 - 07:50

  Ó traveso da escura teadaraña

  deste mundo unha estrela cai no río

  da miña vida e quédame chamando.

  A beleza feriume para sempre.

Xosé María Díaz Castro,            

autor das Letras Galegas 2014            

"Coma unha Espada"             

 

 

Centro seleccionado pola Fundación Barrié para participar na Convocatoria de Proxectos Escolares para o presente curso, na modalidade "Proxecto Colaborativo e Intercentros", polo proxecto:


TRALAS PEGADAS DE DÍAZ CASTRO. UN ROTEIRO INTERACTIVO POLA POESÍA, O LUGAR E A PERSOA

Correlingua

Enviado por admin o Xov, 23/04/2015 - 05:01
06/05/2015 09:20
06/05/2015 13:50
Atlantic/Bermuda

Coma todos os anos, neste tamén o noso alumnado concorrerá ao CORRELINGUA.

O alumnado implicado será o de 2º de E.S.O., e desprazaránse a Lugo acompañados/as polas profesoras María Miragaya e Marisé Fernández.

Esta edición celebraráse o mércores 6 de maio de 2015.

 

Visita didáctica ás Covas do Rei Cintolo

Enviado por admin o Xov, 23/04/2015 - 04:57
29/04/2015 09:00
Atlantic/Bermuda

Organizada polos/as profesores/as Ramón Erias e Noemí Fernández, o mércore 29 de abril, o alumnado de 3º de E.S.O. realizará unha visita didáctica ás COVAS DO REI CINTOLO, en Mondoñedo.

A cova do Rei cintolo está situada na parroquia de Argomoso. Destaca por ser a cova caliza máis grande de Galicia, e no seu interior pódense observar interesantes formacións de estalactitas e estalagmitas.

A cova está formada por tres pisos de galerías que forman un total de case catro quilómetros de lonxitude.

Cabe destacar que esta cova posúe un importante interés histórico, xa que nas excavacións realizadas no verán de 2002, dirixidas pola arqueóloga Rosa Villar, atopáronse materiais da Edade do Ferro na súa entrada.

Nas súas proximiidades atópase o Castro de Zoñán.

 

 

 

Lectura de contos nos colexios de Primaria

Enviado por admin o Xov, 23/04/2015 - 04:42
23/04/2015 10:10
24/04/2015 11:30
Atlantic/Bermuda

O xoves 23 de abril, conmemorando o Día do Libro, un grupo de 85 alumnos/as de 1º, 2º e 3º de E.S.O. acudirán aos colexios de Lagostelle, Parga e A Castellana a efectuar lecturas de contos e libros, entre as 10:10 e as 12:20 h., baixo a coordenación do profesor encargado da Biblioteca, Santiago Dans.

Esta celebración do dia do Libro terá continuación o venres 24, durante o recreo (11-11:30) no propio I.E.S., baixo a coordenación do profesorado dos departamentos de Inglés, Lingua Castelá, Educación Física e Biblioteca.

( categories: )

Viaxe a Roma e Florencia 2015

Enviado por admin o Mér, 22/04/2015 - 07:53

Entre os días 14 e 19 de abril, un grupo de alumnos/as do IES, acompañados por María Miragaya e Julio González, realizaron unha viaxe de estudios (e disfrute, que hai tempo para todo) a Roma e Florencia.

AQUI TEDES FOTOS DA AVENTURA!

 

URXENTE!!!: SUSPENSIÓN DA ACTIVIDADE LECTIVA VENRES 6 DE FEBREIRO

Enviado por admin o Xov, 05/02/2015 - 03:23

EN BASE Á PREDICCIÓN POR HORAS QUE FAI A PÁXINA WEB DA AXENCIA ESTATAL DE METEOROLOXÍA (AEMET) PARA O CONCELLO DE GUITIRIZ NO DÍA DE MAÑÁN

 

SUSPÉNDENSE AS ACTIVIDADES LECTIVAS NO CENTRO

PARA O DÍA

VENRES 6 DE FEBREIRO

 

 

Por favor, permanecede pendentes de calquera novidade que sería notificada nesta páxina web. Grazas.

( categories: )

Actividades Extraescolares Novembro'2014

Enviado por admin o Lun, 24/11/2014 - 07:46

Vos presentamos aquí un pequeno resumo das Actividades Extraescolares e Complementarias realizadas polo centro durante este mes de novembro.

4 de novembro, martes

Como premio á aula mellor coidada do curso 2013-14, o alumnado galardonado (de 2º de ESO A e 2º de ESO B), acompañado por Manu Balsa e Mª José Fernández Gallego, fixeron unha visita a A Coruña, onde levaron a cabo unha xincana pola cidade.

19 de novembro, mércores

Visita á Escola Técnica Superior de Minas en Vigo, dirixida ao alumnado de Bacharelato (1º e 2º). Os profesores acompañantes foron Ana Sánchez e Ramón Erias.

20 de novembro, xoves

Os/as alumnos/as de 3º de ESO, e os/as de Música de 4º de ESO, asistiron a un concerto didáctico a cargo da REAL FILHARMONÍA de GALICIA, dirixido por Jordi Corominas, no que foi interpretada "A Guerra de Troia". Nesta ocasión, as profesoras responsables foron Sandra Tenreiro e Mónica Campo.

25 de novembro, martes

Representación teatral en francés, ademáis de distintas actividades matemáticas en Lugo. Asiste o alumnado de francés, máis 3º de ESO (A+B), acompañado por Victor Pollán e María Miragaya.

 

Ademáis das reseñadas, tamén se desenvolveron distintas charlas, talleres, etc. no propio centro a cargo da Biblioteca, o departamento de Música, o departamento de Matemáticas, ....

 

Que non decaia a actividade!

 

 

CALENDARIO 2º TRIMESTRE CURSO 14-15

Enviado por admin o Mér, 15/10/2014 - 07:33

En cada unha das opcións de abaixo atoparedes os calendarios de exames, presentación de traballos, exposicións orais, etc. para o 1º trimestre do curso 2014-2015:

 

CALENDARIO PARA 1º DE E.S.O.

CALENDARIO PARA 2º DE E.S.O.

CALENDARIO PARA 3º DE E.S.O., grupo A

CALENDARIO PARA 3º DE E.S.O., grupoB

CALENDARIO PARA 4º DE E.S.O.

CALENDARIO PARA 1º DE BACHARELATO

CALENDARIO PARA 2º DE BACHARELATO

 

 

( categories: )

PRESENTACIÓN DO CURSO 2014-2015

Enviado por admin o Mér, 10/09/2014 - 07:31

O vindeiro LUNS, 15 DE SETEMBRO, dará comezo o novo curso escolar.

 

Todo o alumnado deberá presentarse  ás 12:30 h. no centro, onde será recibido por cadanseu/súa titor/a, e acompañado á súa aula.

 

Benvidos/as a todos/as!!

 

 NOTA: Haberá transporte escolar.

( categories: )
Distribuir contido