Presentación no ÁGORA

Enviado por admin o Mar, 11/06/2013 - 06:48
11/06/2013 00:48
11/06/2013 23:48
Etc/GMT+1

Seguindo coa tarefa de impulsar a figura de Xosé Mª Díaz Castro como candidato a protagonizar o Día das Letras Galegas do 2014, o martes 11 de xuño, ás 16:45, é presentado o documental A LUS DO MUNDO no Centro Cultural ÁGORA, en A Coruña.

Ata alí se desprazarán un grupo de profesores/as do centro, así como a directora do documental, Cristina de la Torre, e un grupo de alumnos/as que participaron en diversos aspectos da producción.

Tras a presentación, haberá un coloquio no que intentarán respostar ás dúbidas ou curiosidades que o público asistente lles queira transmitir.

Un paso máis! É dos primeiros dos moitos que nos quedan por dar ata lograr o noso obxectivo.

 

Reseña na prensa: LA VOZ DE GALICIA, 12 de xuño de 2013

Campións!

Enviado por admin o Mar, 11/06/2013 - 06:34

 

O equipo EQUIPOAGUSTÍN, do IES POETA DÍAZ CASTRO, e fomado polos alumnos

ÓSCAR LÓPEZ VÁZQUEZ

DAVID PENA ROCA

MARTÍN FERNÁNDEZ LOBEIRAS

coordenados polo profesor Eugenio Losada Vázquez conseguiron clasificarse no I Campeonato de España de modelado 3D de precisión con tu móvil como MELLOR EQUIPO DA PROVINCIA DE LUGO, ao obter o PREMIO D3MOBILE-DEPUTACIÓN DE LUGO no campeonato citado.


NORABOA A TODOS!


( categories: )

Guitiriz invadiu A Coruña

Enviado por admin o Mar, 11/06/2013 - 03:56

O día 10 de xuño, unha delegación do instituto acompañou a Alfonso Blanco Torrado, coordenador da Asociación Cultural XERMOLOS, á presentación na Real Academia Galega dos actos de conmemoración do centenario do nacemento do poeta que dá nome a este centro: Xosé María Díaz Castro.

Aquí podedes consultar a reseña no xornal: Información en "La Voz de Galicia"

E aquí podedes ver algunhas fotos do acto: Fotografías da presentación na R.A.G.

A ver se temos sorte e conseguimos entre todos que o vindeiro ano, o Día das Letras Galegas lle sexa adicado ao poeta guitiricense.

A música de A LUS DO MUNDO

Enviado por admin o Sáb, 08/06/2013 - 05:40

E se queredes ter á vosa disposición ás músicas que soan no documental A LUS DO MUNDO, aquí vos van os enlaces, para escoitalas ou descargalas:

Fotos da estrea de A LUS DO MUNDO

Enviado por admin o Sáb, 08/06/2013 - 05:20

Se queredes disfrutar das fotografías no photocall da estrea de A LUS DO MUNDO...

 

BOTADE UNHA OLLADA ÁS FOTOS!

A LUS DO MUNDO

Enviado por admin o Sáb, 08/06/2013 - 05:04

Xa está aquí! O documental feito polo alumnado do IES POETA DÍAZ CASTRO, xa está á vosa disposición en Youtube. Pero non é necesario que vos movades do voso sitio... Podedes velo aquí.

 

Presentación

Enviado por admin o Mar, 04/06/2013 - 04:15
06/06/2013 00:15
06/06/2013 23:15
Etc/GMT+1

O IES Poeta Díaz Castro de Guitiriz presenta esta  semana un documental para difundir a figura do poeta que dá nome ó Instituto e reivindicar que lle sexa adicado o Día das Letras Galegas do 2014. A curtametraxe, titulada “A lus do mundo. Redescubrindo ao poeta Díaz Castro” ten quince minutos de duración, inclúe entrevistas e enquisas na rúa, ademáis dun apartado musical importante con varios temas que inclúen os versos de Díaz Castro e son interpretados pola aula de música do centro. O documental foi realizado por alumnos de 2º, 3º e 4º da ESO dentro dun proxecto enmarcado nos programas da Consellería de Educación de fomento da excelencia. A presentación do documental será o próximo xoves 6 de xuño as 11.15 horas no salón de actos do IES Poeta  Díaz Castro.

Dende a escrita do guión, ata a realización das entrevistas, todo o documental foi realizado polo alumnado co apoio de profesores e máis de Cristina de la Torre,  xornalista e realizadora en Pasen y Vean Comunicación, quen se encargou de dirixir o obradoiro. Sandra Tenreiro, a profesora de música é quen compuxo as cancións.

Estamos moi satisfeitos do traballo realizado e cremos temos acadados con creces os nosos obxectivos: realizar un proxecto interdisciplinar, co maior número de alumnos e alumnas implicados/as e cunha aposta pola educación en competencias; mostrar as destrezas no tratamento da información e competencia dixital, avanzando na comprensión e interiorización da realidade social e cultural próxima, respectando o patrimonio cultural; e, sobre todo, mellorar a autoestima e confianza nun mesmo, así como incidir na asunción de responsabilidades, imprescindible para este tipo de traballo en equipo.

Para a estrea do documental convocaráse a toda a comunidade educativa e ós participantes no mesmo, así como a representantes da cultura chairega e galega en xeral. Tralo pase inicial en Guitiriz, está planificada outra presentación no Centro Ágora da Coruña para o 11 de xuño e no que se interpretará a música do documental en directo. Parella á estrea comezarase unha campaña en redes sociais de divulgación da obra do poeta e de reivindicación de que lle sexa adicado o Día das Letras Galegas.

  

 

Visita a Santiago

Enviado por admin o Mar, 04/06/2013 - 03:53
03/06/2013 08:30
03/06/2013 15:00
Etc/GMT+1

Organizada polo Departamento de Xeografía e Historia, o luns 3 de maio o alumnado de 2º de ESO (A e B) realizaron unha visita didáctica á cidade de Santiago de Compostela.

Nesta ocasión estiveron acompañados polas profesoras María José Fernández Gallego, Mª José Oreiro López e a orientadora, Saínza Bonome Carballés.

 

 

Viaxe didáctica pola Costa da Morte

Enviado por admin o Ven, 31/05/2013 - 08:58
30/05/2013 00:30
30/05/2013 19:58
Etc/GMT+1

Como xa ven sendo tradición, o alumnado de 2º de Bacharelato, unha vez rematadas as súas clases e antes de lanzarse á preparación das probas de acceso á universidade, realizaron unha viaxe didáctica pola Costa da Morte.

Acompañados/as por Alfredo Torres e Marisé Fernández, visitaron o Castro de Borneiro, o Ecomuseo de Buño, Castelo de Vimianzo, Faro de Cabo Vilán, Camariñas e outros lugares de interese.

 

 

Exposición sobre o Neolítico

Enviado por admin o Ven, 31/05/2013 - 08:53
29/05/2013 00:00
29/05/2013 14:00
Etc/GMT+1

LUGAR: Lugo

DÍA: Mércores, 29 de maio

CURSO/S: 1º ESO (A e B)

HORARIO: Saída ás 9:00 h. e volta ás 14:00 h. aproximadamente.

PROFESORADO ACOMPAÑANTE: Mª José Fernández Gallego, Mª José Oreiro, Consuelo Yáñez.

 

 

 

Distribuir contido