Taller de banda deseñada de José Domingo para o club de lectura de Elviña

O venres 15 de maio asistimos no Ágora a un taller de banda deseñada impartido polo premiado José Domingo; o artista explicounos o proceso creativo desde os seus inicios: idea xeral, confección do guión, bocetos, debuxos iniciais e entintado dos mesmos, coloreado e revisión final. E non só iso; ofreceunos unha primicia mundial: os bocetos do seu novo libro sobre un par de rapaces aventureiros (Pablo e Jenny) que vai ser publicado en outubro. Agardamos impacientes. Mentres tanto se queredes ver varios dos seus debuxos podedes facelo aquí...

 

 

E para completar o día disfrutamos da música e da poesía de Aldao-Lado; dúas fantásticas artistas que xa están no Olimpo dos nosos preferidos:

O instituto e os barrios

Traballo realizado polo alumnado de 3º ESO do IES Elviña. Curso 2014-15

área de xeografía e historia, galego e debuxo dentro do plan proxecta.

 

REPRESENTACIÓN DE ANTIGONA POR PARTE DO GRUPO DE TEATRO DE FRANCÉS DA EOI

A representación resultou moi positiva tanto para o alumnado como para o grupo.

O alumnado de 4º de Latín e Cultura Clásica visita o Castro de Elviña

O 25 de marzo de 2015 os alumnos e alumnas de Latín e Cultura Clásica de 4º tiveron ocasión de estudar a cultura castrexa e romana "in situ" no Castro de Elviña, moi preto do Centro no que estudan. Dama e Aroha confeccionaron este vídeo ilustrativo:

Festa de versos no Día da Poesía

O Club de Lectura festexou o Día da Poesía agasallando versos. Quen quixese podía levar versos en galego, castelán, francés, inglés, alemán, latín ou grego... Houbo de todo para todos e vivímolo como un festín de palabras.

 

Con Pedro Feijoo

Os rapaces do club de lectura que leron neste trimestre Os fillos do mar charlaron sobre a novela co seu autor Pedro Feijoo. O encontro tivo lugar no IES Monte das Moas, aproveitando a colaboración entre os varios clubs da Coruña (tamén estivo o de Zalaeta). Como na anterior ocasión o autor demostrou unha proximidade, simpatía e ledicia que cautivaron a todo o mundo. Podedes revisitar a charla do curso anterior neste enlace.

 

Distribuir contido