Intercambio co collège Irène Joliot-Curie de Fontenilles da rexión de Midi-Pyrénées (Francia)

Francés

Un ano máis recibimos aos nosos amigos de Fontenilles o pasado día 12 de outubro. Trinta rapaces e rapazas de troisième desembarcaron na praza de Pontevedra para estaren uns días connosco.

A súa estadía representou un novo paso no estreitamento da amizade que nos une, despois de varios anos de colaboración.

Os nosos alumnos de 3º e 4º da ESO puideron acoller nos seus fogares aos amigos que viñan dende aló dos Pirineos a poñer en práctica tanto uns coma outros as linguas obxeto de estudo habitual. Sen esquecer, claro está, as referencias ás culturas que nos unen e separan.

Xa nos tarda o momento de achegarnos á súa terra, as conversas son continuas e todos facemos plans para entón. Que chegue axiña o mes de abril para irmos todos xuntos devolverlles a súa visita!

À bientôt, les amis!