Estudantes franceses en prácticas de empresa co IES de Fene

Tres estudantes franceses, procedentes de Le Puy, están durante dúas semanas facendo prácticas en empresas acompañados por un profesor. Estiveron nos pasados días no IES de Fene, visitando as instalacións, e incluso asistindo a algunha clase. Nestas fotos podense ver os estudantes franceses e feneses compartindo clases de instalacións solares

Erasmus+: Prácticas de empresa en Holanda e Francia

Un total de 6 alumnos que están a rematar os seus estudios de Formación Profesional no IES de Fene están estes días comezando as súas prácticas de empresa baixo o programa KA1 Erasmus+ no estranxeiro, esta vez en Bladel (Holanda) e en Le Puy (Francia). Ali vivirán catro semanas de experiencias inesquecibles, tanto no aspecto laboral como cultural e sobre todo persoal. Moita sorte no vosa andaina europea!

Calendario de exames de 2º de Bacharelato

Este é o horario de exames para os alumnos de 2º Bacharelato desta semana:

Mércores, 18 de maio; 8:25-10:05 Inglés

                                    10:25-12:05 Economía/Bioloxía/Electrotecnia

                                    12:25-14:05 Tecnoloxía

Xoves,19 de maio;       8:25-10:05 L. Galega

                                    10:25-12:25 Filosofía

                                    12:40-14:05 Debuxo técnico/Matemáticas II

Venres, 20 de maio;    8:25-10:05 Química

                                    10:25-12:05 Física/Latín/Xeografía

                                    12:25-14:05 Historia

Luns, 23 de maio;        9:15-10:45 Lengua Castellana

                                    11:00-12:30 Debuxo técnico

Se atopades algún problema co horario ou incompatibilidade facédenolo saber o antes posible ao correo do centro ies.fene@edu.xunta.es

 

Concurso Emprende Idea

Está aerto o prazo para presentarse ao concurso Eduemprende Idea 2016

DESTINATARIOS: Poderá participar o alumnado que cumpra os seguintes requisitos:

- Estar matriculado no curso 2015-2016 nas ensinanzas de formación profesional, deportivas ou de artes plásticas e deseño sostidas con fondos públicos.

- A participación terá que ser en grupo, formado por un mínimo de dous/dúas alumnos/as e un máximo de catro.

- Estar ao día no cumprimento das obrigas tributarias ou fronte á Seguridade Social e de non ter pendente de pagamento ningunha débeda coa Administración pública da Comunidade Autónoma.

PREMIOS:

Premiaranse os tres mellores proxectos de empresa de cada modalidade.

Modalidade A: ciclos de grao superior

- Incorporación a un viveiro de empresa da Consellería de Cultura, Educación e Ordenación Universitaria.

- Asesoramento técnico do IGAPE.

1º premio: 3.000 euros

2º premio: 2.000 euros

3º premio: 1.000 euros

      Modalidade B: ciclos de grao medio

- Incorporación a un viveiro de empresa da Consellería de Cultura, Educación e Ordenación Universitaria.

- Asesoramento técnico do IGAPE.

1º premio: 3.000 euros

2º premio: 2.000 euros

3º premio: 1.000 euros

PRAZO:

O prazo de presentación de solicitudes será dun mes contado a partir do día seguinte ao da publicación da resolución no Diario Oficial de Galicia (29/4/2016).

Para mais detalles podedes consultar na seguinte ligazón: http://www.edu.xunta.es/fp/eduemprende-idea

Visita a Radiofene para falar do proxecto Action! - Erasmus+

O venres, día 29 de Abril dous alumnos da noso centro, Gema Acea (4º ESO) e Javier Varela ( 1º Bac) acudiron xunto coa profesora Eva Gondell a Radiofene para falar do proxecto europeo no que estamos inmersos Action!. Na entrevista, que podedes escoitar completa no seguinte link: Entrevista Radio Fene - Eva, Javi e Gema, falouse dos obxectivos do proxecto, do traballo que se está a realizar e do próximo encontro que terá lugar en Fene do 23 ao 29 de Maio e no que se celebrará un festival de curtametraxes, coas curtas feitas polos propios alumnos. 

INTERCAMBIO CO COLEXIO SAINT-JOSEPH DE PLABENNEC (BRETAÑA)

VISITA DO 15 AO 22 DE MARZO DE 2016

Do 15 ao 22 de marzo, un grupo de 26 alumnos e dous docentes fixeron unha viaxe de intercambio con un colexio da rexión francesa da Bretaña, organizado polo departamento de Francés En maio recibiremos a visita destes estudantes franceses.

Aquí podemos ler a reseña deste viaxe  escrita por un dos profesores, así como algunhas imaxes  da visita

Reportaxe

Galería de imaxes

Mobilidade a Aubenas, Francia, no proxecto Action!

Na primeira semana de marzo tivo lugar en Aubenas, Francia un encontro no que participaron docentes e estudantes de cinco países: Francia, Turquía, Polonia Romania e España. Do IES de Fene participaron 5 estudantes e 3 docentes, cifras similares ás dos restantes países, agás Francia de onde participaron os máis de 20 estudantes que acollían a todos os dos demais países. Durante a estadía en Aubenas, estudantes e docentes tiveron a oportunidade de asistir a talleres de cine nos que adquiriron de forma práctica novos coñecementos de cinematografía, asistir ao visionado de 3 films en versión orixinal en Nimes onde que se celebraba o Festival de Cine nesas datas, así como outras visitas e actividades de tipo cultural

Alumnado de FP: Erasmus+ KA1 , novas redes sociais

Dende a semana pasada o alumnado de FP ten á súa disposición dúas novas redes sociais administradas por Jheray Prieto, coordinador de Erasmus+ KA1 para FP, a traves das que se comunicarán as novas relativas aos programas europeos para FP 

IES de Fene - Erasmus+ KA1 en Twitter

IES de Fene - Erasmus+ KA1 en Facebook

Aula virtual Moodle nesta web, en Erasmus+

Entrevista na radio galega

Entrevista co noso compañeiro JuanJosé López Pernas do IES de Fenee con José Ocampo Otero do IES Lois Peña Novo de Vilalba, partícipes no proxecto do vehículo de hidróxeno,  no congreso de innnovación celebrado na Cidade da Cultura, 

 Escoitar a entrevista, a partir do minuto 19:25

 

Alumnas e alumnos do IES de Fene na First Lego League

Para quen non o saiba, hai outras competicións ademais do futbol, incluso de robótica. Este curso o IES de Fene coa inestimable axuda da ANPA levou a 12 estudantes á segunda edición da First Lego League, que tivo lugar na Facultade de Informática da Universidade de A Coruña; un lugar moi axeitado para este tipo de eventos. 

Era a nosa primeira participación nun evento deste estilo e penso que os resultados non estiveron nada mal, nós voltamos co Premio ao Emprendemento e no xogo do robot quedamos terceiros, pero quizá o que nos deixou mellor sabor de boca foi o ben que os rapaces e rapazas defenderon ante o tribunal o proxecto científico, os valores e o deseño do robot. Amosaron unha soltura que reflicte unha gran madurez, foron alternándose as respostas con confianza e improvisación, estiveron fantásticos. 

É de agradecer a presenza de público de Fene e non eran só pais e nais, que tamén había, como non podía ser menos. Alégrame que se valore a Tecnoloxía cando é creativa, colaborativa e incorpora outras disciplinas. Agora mesmo está nacendo un proxecto europeo, STEM, que sinala que as novas mentes pensantes serán como Leonardo da Vinci, artistas, pensadores, enxeñeiros e máis. 

Para rematar, gustaríame indicar que estamos nunha nova etapa; hai pouco comezaron as tecnoloxías da información e todo o software que se creou  en torno a elas fíxose indispensable  para manexarse na sociedade  actual (quen vive agora sen o seu smartphone ou sen o seu portátil?), pois agora estamos ante un novo cambio, que se cabe será máis rápido e vainos a pillar a todos: a robótica,  a impresión 3D e moitas máis cousas que polo momento resúltannos  imposibles de imaxinar. Como non corramos moi rápido perderemos o tren e logo os frikis van ser outros.

Manuel  Couceiro, profesor de Tecnoloxía

 

O pasado sábado 20 de febreiro o IES de Fene participou por primeira vez na First Lego League, e, aínda que a competición comezou con algúns problemas técnicos que fixo que se posicionase de xeito tímido nas puntuacións, os alumnos de 4º de ESO e de 1º de bacharelato, coordinados polo profesor Manuel Couceiro, lograron remontar a situación ata o punto de que gañaron o premio  Gabadi, ao emprendemento; seguramente avalado pola defensa coherente e razoada que fixeron dos proxectos.

Parabéns a tod@s, alumn@s e, por suposto, tamén ao profesor; ao final tantas tardes de traballo despois das clases víronse compensadas por este recoñecemento. pero lembrade que o mellor premio é todo o que aprendéchedes ao longo da preparación de todos os proxectos. 

Por último, agradecer á ANPA a súa colaboración co financiamento da inscripción do grupo neste concurso promovendo así todas as iniciativas que van xurdindo.

María Nogareda, directora

 
Distribuir contido