Lingua Galega e Literatura

Xabier P. Docampo no IES Francisco Aguiar

Cando, dentro de non moito tempo, a xente que está pasar polos centros de estudo nos últimos 20-25 anos  faga un repaso das lecturas que lle marcaron ou das que lle iniciaron no mundo da lectura, caerán na conta da importante presencia deste escritor: Xabier P. Docampo.Escribir non é doado. Facelo e engaiolar coa palabra as xeracións novas é un labor de titáns que Xabier Docampo resolve con auténtica mestría. Faino cunha palabra que é capaz de levarnos da risa  ao tremor  sen aparente esforzo. 

Mañá xoves 20 de marzo, ás 9,30,  Xabier terá un agardado encontro co alumnado de 1º da ESO no Salón de Actos do Instituto . Todo un luxo e unha honra para o noso Centro que temos que agradecer ao esforzo do departamento de Lingua e Literatura Galega.

Conferencia de Dn. Xulio César Sousa

Os Departamentos de Orientación e de Lingua e Literatura Galega, en colaboración coa Universidade de Santiago de Compostela (USC),  programan para o venres  14 ás 12.35,  unha conferencia  no Salón de Actos do IES "Francisco Aguiar".

 

 

 

 

Esta actividade inscríbese no conxunto de actuacións que baixo o título de "A Ponte" procuran un primeiro achegamento do noso alumnado ao mundo universitario.  Nesta ocasión, o profesor da Facultade de Filoloxía da USC Dn. Xulio César Sousa  falará sobre "Investigación en Linguas" ao alumnado de 2º BAC  das opcións de Humanidades e Ciencias Sociais.

 

 


Crónica "cega" do día dos namorados no Aguiar

 

ROMANCE DE CEGO

Eu sonlles un pobre cego

que perdín a miña vista,

mais manteño o meu enxeño

que permite a miña vida.

 

Veñan señores e escoiten,

farei que lles entren ganas;

que eu sei os cantos mellores,

e as historias máis estrañas.

 

O día dos namorados

moitas cartas se mandaron

a rapaces e rapazas,

na biblioteca acabaron.

 

Todos coma tolos ían

correndo a buscar as súas

para ver cantas persoas

lles deixaran a eles unha.

 

Algúns recolleron moitas,

outros poucas cartas tiñan,

a un neno que eu ben coñezo

non houbo quen lle escribira.

 

Coa vergonza que lle deu

correndo fuxiu axiña,

non volveron velo máis

ata á hora da saída.

 

Aos amigos comentaba

que iso todo eran parvadas,

que el era moito máis listo,

non quería trapalladas.

 

Todos che saben ben que iso

é porque ninguén o quere,

pois se non é bon amigo

ben pouco amor nos merece.

 

Pouco a pouco vou chegando

ao final deste cantar

feito polo voso cego

que xa vos ten que deixar.

 

Paula Sánchez Regueiro, Nº 26, 1º C


Do noso blog "Larpeirando Palabras. Blog de Aula de literatura e Lingua galega"

Conferencia de Dn. Eduardo Moscoso Mato

       

 

       O  v enres 21 de febreiro entre as 10,25 e as 11.15hs.  no Salón de Actos do Instituto Francisco Aguiar  o alumnado de 1º BAC participará nunha conferencia que lev ará por título “A tecnoloxía ao servizo das linguas” e será impartida polo profesor Dn. Eduardo Moscoso Profesor do departamento de filoloxía Galega na Universidade de Santiago de Compostela (USC)  onde imparte materias como "Historia da lingua galega"ou "Lingua Galega para a Docencia". É, tamén,  especialista na lingua galega da época medieval á que aportou a súa recoñecida obra:  "Os tempos compostos no galego medieval".

 

        Esta actividade inscríbese no programa “A Ponte” da USC por medio do cal tratase de achegar a Universidade ao alumnado de Bacharelato. Neste caso por mediación do Departamento de Orientación, o Departamento de Lingua e Literatura Galega solicitou esta conferencia destinada, como dixemos,  ao alumnado de 1º BAC .

 

 

 


Chegou ata os nosos oídos......."Silencio Habitado", poemario de Olga Patiño

Chegou aos nosos oídos... que a escritora e ex profesora do "Aguiar, Olga Patiño Nogueira , presenta novo poemario baixo o título "Silencio Habitado",  que edita Pigmalión Edypro

Lodo de dalo a coñecer en novembro en Madrid e, máis tarde, na librería Arenas da Coruña, Olga non podía deixar de presentarnos a súa creación en Betanzos. Será na tarde do xoves 20 de febreiro na libraría Biblos.

Unha nova ocasión para disfrutar da calidez humana de Olga e da súa palabra poética .

¿Chove?. Larpeirando palabras o blogue cooperativo de Galego

Así ven os nosos compañeiros/as de Galego a actualidade climatolóxica destes días no seu blogue, "Larpeirando palabras"

 

É inevitable, temos que falar da chuvia,  porque mira que chove...En todos os lugares, a todas horas, con quen sexa... sae o tema...porque mira que chove...

Si, xa sabedes que temos moito léxico chuviñento, pero nesta necesidade sociolóxica de comentar este fenómeno meteorolóxico  pode pasar que non atopemos a palabra axeitada, esa que nos di como foi a chuvia ese día. E é neste contexto de melancolía chuviñenta que nos  chega unha entrada do blogue de Román Landín que fala, como non, da chuvia. Porque mira que chove...

Ollade o vídeo  non vaia ser que quededes sen palabras...


 

20 de decembro, un fin de trimestre festivo e de premios.

Como remate do trimestre, o venres día 20 tivemos unha xornada moi animada e premiada no Aguiar. De momento, mentres collemos folgos , simplemente vos presentamos algunhas imaxes das cousas que fixemos. Pronto iremos presentando todas elas de xeito máis detallado ( que para eso tivemos reporteras -¡o noso agradecemento a Ruth Salgado e Raquel Vázquez! - que cubriron todos os eventos

Concertos e festivais na ESO e BAC  cunha obra de teatro, escrita pola profesora Lucía Sáez, que alumnos de 2º representaron á perfección;  a música de varios dos libros que se leron nestre trimestre a cargo dun espectacular grupo de rock formado por alumnos e alumnas de 3º da ESO ( Zuriñe, Aldara, Gala, Manu, Emilio, Rodrigo);  villancicos en inglés coordenados pola profesora Mª José Pardo;  un grupo de baile tradicional e cantareiras de 3º da ESO e 2º BAC ( grazas aos grupos "Azougue" de Betanzos e "O Castro" de Miño que día a día están a  formar a estas magníficas artistas) ; rap de Iago e Jon ( que nos deixaron boquiabertos); e baile, Vero Amor para Bacharelato(¡espectacular!),  e Ángela Novo e o seu grupo de baile para ESO (unha sorpresa moi agradable e unha grande calidade na execución); o rock pixamero dos INESPERADOS ( aos que tamén temos que agradecer que nos deixaran utilizar no festival de BAC os seus equipos de son )

E para que estes festivais funcionasen coma un reloxo... presentadores de altura como Alonso, Lucía, Laura ou Icía

Pintura de murais colectivos. Coordenados polo profesor Xosé Manuel Rey Bao, e provistos de cartóns e tizas de cores os participantes deixaron constancia dunha capacidade artística moi notable (¡xa veredes, xa!)

Torneo de xadrez,  que foi gañado por Lucas Feijoo( á dereita)  en dura "pelexa"  na "semi" con Brais Sabín e na final con Manuel Seijo Ríos. Máis de 40 rapaces e rapazas participaron neste torneo que, un ano máis, temos que agradecer na súa coordenación ao profesor Oscar García.

Premios no IIº Concurso  de Tweets navideños que convoca a Biblioteca do centro, e que este ano coordena Francisco Rodríguez  axudado por Elvira Castro, Carme Suárez, Oscar García e tantos outros e outras que sería longo enumerar.

 

 

A LUZ PERIGOSA

-Cres que poderás?

-Non sei, é difícil.

-Sendo quen es, como non vas poder

-Xa está, vexo unha luz laranxa ao lonxe.

-Ten coidado.


E a pesar das advertenzas do reno, o cu

de Papá Noel fumeou unha boa tempada.

 

AMOR DESLUMBRANTE

Quérote moito, sen ti non podería vivir.

Érgome cada día esperando a túa chegada,

delúmbrasme, iluminasme,eres a luz no

meu camiño. En Nadal véxote menos pero

aínda así chégame, ás veces, a túa calor.

Desexado Sol!

 

En la puerta del pesebre

se ha abierto

el cajón de tristeza,

deshaucios y terrorismo

y así el nacimiento del niño

no ha vuelto a ser lo mismo...

 

 

 

SARA NÚÑEZ FERNÁNDEZ MANUEL SEIJO RÍOS NURIA VÁZQUEZ

 

 

 

Premios no Concurso de Christmas de Nadal que entregou o director, Xosé Manuel Montero, ás gañadoras deste concurso que convoca cada ano o Departamento de Inglés para o alumnado do primeiro ciclo da ESO. (¡grazas ás profesoras Teresa Herguedas e Mª José Pardo!)


 

Campionatos de fútbol-sala, balonmán e baloncesto. (próximamente presentaremos as imaxes) ¡Grazas aos alumnos de 4º que axudaron a organizalos e moi nomeadaente ao profesor Carlos Castellanos que soportou o frío do Polideportivo toda a mañá axudando a que todo fose ben! ¡Grazas aos participantes e ao público que nesta ocasión tivo un gran comportamento e civismo quedando o Poli' en perfecto estado de revista!

Chegou ata os nosos oídos......."Ciencia que conta", Oscar García Ramos

Pois si... xa sabedes todos e todas  que  "Chegou ata os nosos oídos..."  é unha etiqueta da web do IES "Francisco Aguiar" coa que queremos facermos eco  do que ocorre máis aló dos muros do Instituto. Agrádanos dar a coñecer eventos e noticias relacionados con persoas que estiveron entre nós (alumnado ou profesorado, comunidade escolar en xeral) ou con aquelas que aínda forman parte deste proxecto educativo. Trátase de amosar outra cara que non sexa a estritamente académica.  

 

      Hoxe temos o pracer de anunciar con toda a solemnidade que este medio nos permite(non sigan lendo sen clicar este enlace , por favor) 

que o profesor de Lingua e Literatura Galega do IES Francisco Aguiar, Dn. Oscar García Ramos Inocente acaba de recibir un premio na

categoría de "público xeral",  no certame de relatos "Ciencia que Conta 2013" que organiza a Fundación Barrié. Recibíu este premio  o

pasado sábado 14 de decembro na Sede da Fundación Barrié en Vigo.

          O seu relato, "Crónica dunha ascensión" (que agardamos poder ler próximamente), será proposto para formar parte do libro

colectivo "Ciencia que conta 2013" que recolle relatos premiados e seleccionados da edición  do concurso neste ano.

O xurado, formado por Agustín Fernández Paz, Cristina Trillo Yáñez e Xosé Lois González Vázquez,  argumentou o premio ao  relato de

Oscar deste xeito:

   "Valorouse neste texto o hábil ton humorístico que o percorre de principio a fin, así como a simbólica fábula que se nos conta, na que se mesturan materiais

propios do costumismo e do realismo fantástico. As pinceladas científicas intégranse con total naturalidade no conxunto do relato"


¡Parabéns!

 



Clube de lectura 1º BAC. "Ás de bolboreta"

Hoxe, ás 11,15 comeza o primeiro grupo dos clubes de lectura de 1º BAC. 

Acompañados por Carme Suárez  e Óscar García comentarán a obra de Rosa Aneiros, "Ás de Bolboreta".

¡ Xa vos contaremos !

Distribuir contido