Xestión das devolucións

Esta é a carta recibida de Viajes Embajador o 3 de xuño explicando as xestións realizadas para recuperar as cantidades desembolsadas para a viaxe non realizada a Ámsterdam.

Indican que conseguiron recuperar 4.222€ e sinalan os tres servizos que insisten en non pagaren e ofreceren bonos. Ao final fan unha referencia a rifas e obsequios que non se aplica a nós porque non fixemos uso delas.

Os criterios para a devolución serán os seguintes:

1) Devolver en primeiro lugar os cartos achegados directamente polas familias nos días previos á declaración do estado de alarma.
Este diñeiro provén dos aforros das familias e é lóxico que sexa reintegrado na súa totalidade.

2) Co resto da cantidade devolta, repartir de maneira proporcional ao que cada alumno/a recadou durante o curso.

3) Ir facendo a mesma repartición proporcional coas devolucións que vaian chegando.

Durante os próximos días faremos as contas e comunicarémolas individualmente. Para as devolucións será preciso que nos facilitedes un número de conta bancaria, que vos solicitaremos nós.