Fomento da lectura
Buscando o libro preferido
O Grupo de Traballo da biblioteca solicita a colaboración do profesorado, dos PAS... nunha actividade de fomento da lectura. Queremos que seleccionedes o voso libro preferido e que sexa cercano ao alumnado.
Trátase de escoller un fragmento, acompañalo da foto do autor ou autora, para que os nosos rapaces e rapazas vexan o que lemos nós, o que nos gusta, e despertarlles así o interese cara a outras lecturas. Lembrade de acompañar a vosa selección do voso nome e apelido e a materia que impartides. Con todos os textos faremos unha exposición da que seguro que todos aprendemos moito.
Lembrade que o prazo de entrega remata o 28 de maio.
Animádevos a participar, pois entre todos daremos un pasiño máis na aventura da lectura.