Agustín Fernández Paz
Agustín Fernández Paz, un dos nosos máis recoñecidos escritores, acaba de recibir outro premio, a homenaxe que lle fan os seus compañeiros de profesión. A Asociación de Escritores en Lingua Galega (AELG) réndelle homenaxe esta fin de semana na súa terra natal, Vilalba. Podes ver fotos aquí.
O autor concedeu unha interesante entrevista ao Xornal de Galicia na que comenta como recibe este premio. Ademais opina sobre moitos temas de actualidade: a situación da lingua, o oficio de escribir, as súas novas creacións...
Nós queremos sumarnos a esa homenaxe e ademais de lembrarvos esta noticia, queremos animarvos a que sigades lendo as súas obras. Moitas delas témolas na biblioteca e, pouco a pouco iremos completando a colección, pois ben sabemos que é un dos vosos preferidos. Xa estamos agardando pola súa última historia, Lúa de Senegal, da que tamén falou na entrevista citada arriba.