Skip to Content

BENVIDA Á NOSA WEB



AXUDAS PARA LIBROS DE TEXTO 2016-17

Importante!

Convocatoria de axudas para a adquisición de libros de texto e material escolar para o curso 2016-17.

(ORDE do 27 de abril de 2016) 

 (Para ler e/ou imprimir, preme na imaxe)

LETRAS GALEGAS 2016: HOMENAXE A MANUEL MARÍA

A víspera do día das Letras Galegas un numeroso grupo formado por alumnado, persoal non docente e persoal docente xuntaron as súas voces para cantar un poema de Manuel María versionado polo mítico grupo galego Fuxan os Ventos. O poema titúlase O Carro. Velaí o resultado:

 

Ademais o alumnado de 1º Bacharelato quixo sumarse a esta homenaxe cunha divertida performance baseada no poema Breve manual para deprender para señorito de Manuel María nunha versión cantada por María Manuela (1978). 

ADMITIDOS CURSO 2016-17 E INSTRUCIÓNS MATRÍCULA

Se queres consultar o listado definitivo de admitidos para o ano escolar 2016-17 preme no listado e para consultar as instrucións para realizar a matrícula para o vindeiro curso, preme no post-it.

EXCURSIÓN Á ILLA DE ONS

Excursión 1º e 2º ESO ( Ons, maio de 2016)

Ás 9:15  subimos aos buses que nos trasladaron ata Portonovo onde profesores, alumnos e guías embarcamos  para visitar a illa de Ons. A travesía foi espléndida pois  aínda que había ameaza de chuvia  tivemos sorte e  logo dunhas pingueiras o día clareou, fixo calor e incluso despois de comer puidemos baixar ata a praia para xogar, meter os pés na auga, ¡que fría estaba!,  e descansar. 

Dende a cuberta do barco, alí decidiron sentarse alumnos e profesores, gozamos da fermosa paisaxe da ría de Pontevedra  e incluso nalgún momento vimos: Ons de fronte,  Sálvora á dereita e Cíes á esquerda.

Chegamos a Ons sobre as 11:15 e acompañados por dous guías, un con cada  grupo, percorremos  a chamada “ruta do faro” que nos levou hora e media. Cada pouco faciamos algunha parada para que o guía puidese darnos moitas  e moi diversas explicacións sobre a illa tales como:   que administrativamente pertence ó concello de Bueu, que no inverno queda practicamente deshabitada, que ata o ano 899 foi propiedade dos reis de Galicia que a doaron ó arcebispo de Compostela, que a partir do s. XVI pasa a ser propiedade particular, que en 1982 foi transferida á Xunta de Galicia e que na actualidade forma parte do Parque Nacional das Illas Atlánticas, que os habitantes da illa nunca foron propietarios das súas terras, que hai multitude de lendas relacionadas coa “Santa Compaña”…. Tamén nos explicaron a importancia da pesca do polbo, que  Ons alberga unha importante colonia de aves mariñas tales como as gaivotas patiamarelas e  os corvos mariños cristados, que na actualidade está cuberta case na súa totalidade  por matogueira (toxo principalmente)….

Algúns alumnos  pensaban que visitariamos  o denominado “Buraco do Inferno” pero non foi posible pois este percorrido duns 6 Km levaríanos dúas horas e media.

As 17:00 embarcamos de novo ata Portonovo onde nos esperaban os buses nos que volvemos ao instituto, xusto cando remataban as clases.  

VER GALERÍA DE FOTOS

EXCURSIÓN Á CORUÑA DA SEMANA DA CIENCIA

(Fai clic aquí para ampliar a imaxe)

O alumnado participante na  I Semana da Ciencia puido disfrutar dunha excursión á Coruña. O percorrido consistíu na visita dos tres principais museos científicos da cidade:

        

Ademais tamén disfrutaron da fermosa paisaxe da costa desde a torre de Hércules. Velaí  vos quedan unhas imaxes do grupo e da paisaxe.

VER GALERÍA DE FOTOS

RECITAL POÉTICO DO ALUMNADO

Por Lorena Castro Rial (1BAC/B)

     O pasado 27 de abril as alumnas de 1º de Bacharelato B e C levaron a cabo un recital poético para as clases de 4º da ESO.

     O recital e toda a súa preparación previa formaba parte dun traballo da clase de Literatura Universal. Dirixiuse a ese público en concreto para lle amosar unha das actividades que se traballan na materia e facer que os próximos estudantes de Bacharelato se interesen pola mesma.

Preparación

(Fai clic nas imaxes para ver a galería de fotos)


A partir dun conxunto de poemas de distintas autoras que lemos e presentamos na clase, fixemos unha selección do que iamos ler. Centramos as nosas eleccións naqueles que nos gustaran máis, tanto individual como colectivamente, e cos que máis nos identificaramos.

    Quedamos cun total de trece poemas: dous moi longos, tres moi curtos e o resto de extensión media. Os longos decidimos lelos entre todas, un para abrir o recital e outro para fechalo, mentres que os tres máis curtos, por exemplo, foron lidos por unha soa persoa.mos ler. Centramos as nosas eleccións naqueles que nos gustaran máis, tanto individual como colectivamente, e cos que máis nos identificaramos.

Determinamos a orde de lectura en función do que expresaba cada poema, creando unha sensación de avance na vida dunha muller ao longo do recital.

Co obxectivo de que a actividade non resultara aburrida dispuxemos a biblioteca de forma distinta á que estamos acostumadas, facendo unha pasarela dende o lugar onde liamos ata o que nos sentabamos, con dúas ringleiras de cadeiras a cada lado, de maneira que a que lle tocaba recitar tiña que erguerse e ir ata o lado contrario da biblioteca.

No lugar onde liamos colocamos un foco, que foi a única luz acesa, para que a atención estivera na persoa que lía. Outros pequenos detalles nos que nos paramos foron o vestiario, vestimos todas con camiseta negra e pantalóns vaqueiros, e tamén a música, de carácter instrumental para poñer de fondo e acompañar a lectura.

As autoras dos poemas lidos eran todas mulleres e para que o público fora consciente disto, incorporamos a proxección dos seus nomes e fotografías a medida que liamos os seus respectivos poemas.

Así foi o noso recital, unha actividade xenial na que todas participamos, aportamos algo e a pesar dos nervios, levamos a cabo con éxito.

Esperamos que os alumnos espectadores gozaran e se animen a cursar a materia de Literatura Universal o vindeiro curso.

MAGE'16, EXPOSICIÓN ANUAL DO ALUMNADO DE ARTES

Acaba de clausurarse a exposición anual do alumnado de artes  do IES Miguel Ángel González Estévez que fora inaugurada o día 8 de abril na sala Rivas Briones. 

Impresión dixital, fotografía, instalacións multimedia, deseño, pintura e escultura son algunhas das modalidades artísticas das pezas expostas. Este ano participaron tamén exalumnos que xa están rematanmdo estudos superiores e que ven nesta exposición unha oportunidade única para dar a coñecer a súa obra.

O profesor Xosé Artiaga foi unha vez máis o encargado de levar esta empresa a bo porto. Podedes facer clic nos xornais para ler a nova.  

     

VER GALERÍA DE FOTOS 

(Preme sobre a imaxe para ampliala)

RUTA CASTELAO

O DEPARTAMENTO DE LINGUA GALEGA ORGANIZA UNHA VISITA AO MUSEO PROVINCIAL DE PONTEVEDRA.

Desde o ano pasado, 2015, celébrase o Día das artes o primeiro de abril. Na primeira conmemoración lembrouse a figura do Mestre Mateo; este ano o artista homenaxeado é A. Daniel Rodríguez Castelao.

A cidade de Pontevedra estivo sempre moi vencellada ao artista. Aquí chegou no 1916 como funcionario do Corpo de Estatística. É por iso que no Museo Provincial se uniron á festa da arte coa exposición 100 anos de Castelao en Pontevedra.

VER GALERÍA DE IMAXES

Nós acudimos co alunado de 1º e 4º ESO convidados polo concello de Vilagarcía de Arousa. Pasamos revista á produción artística de entre 1905 e 1920. A obra máis antiga é unha acuarela que asina co nome de Daniel Rodríguez C.; desde 1908 en todos os seus traballos a única sinatura é simplemente Castelao.

Puidemos ver obras de gran formato (A tentación de Colombina), pequenos debuxos e bosquexos xunto a autoretratos utilizando diversas técnicas, soportes e formatos, dependendo do cometido para o que foran pensados.

MAIOS 2016

Este ano o mes de maio ven cargado de bo humor e de alegría. A nosa profe de galego Pilar Conde, axudada por outros profesores  e polo alumnado de Diversificación de 4ºESO, creou un precioso maio que quedou exposto na estrada do instituto.

A profesora Eva Mouriño explicou a historia e o significado das tradicións asociadas a este mes ao alumnado de 1ºESO e 2ºESO. Podedes ver imaxes desta charla na galería de fotos.

VER GALERÍA DE FOTOS

O equipo de dinamización lingüística tamén contou coa axuda do profesorado de música para cantar os maios con moita retranca. Podedes escoitar as coplas neste video.

VIAXE DO ALUMNADO DE RELIXIÓN 2016

 DIARIO DUNHA VIAXE: GRANADA, MÁLAGA E CÁCERES

(Para ampliar, clicc na imaxe)Tras unha longa noite de bus e algún ca outro contratempo chegamos sobre as 13:30 á Cueva de Nerja descuberta no 1959 por cinco mozos que saíran cazar morcegos no chamado Pozo de la Mina. Malia estar moi cansos, gozamos dela non só pola beleza das súas estalacticas senón tamén pola explicacións dunha guía moi marchosa que fixo entrañable a visita.

VER GALERÍA DE IMAXES

Sobre as 16:00 chegamos ao noso hotel, situado en Torremolinos, e logo de comer, repartir os dormitorios e deixar as maletas marchamos coñecer un dos portos máis visitados da Costa do Sol Puerto Marina, en Benalmádena, que algúns denominan unha pequena Venecia. Sobre as 21: 00 volvemos ao hotel e despois de cear saímos dar unha voltiña pola súa rúa máis transitada, S. Miguel, dende onde chegamos, logo dun longo percorrido, ata a zona de praias. De volta ao hotel puidemos contemplar unha fermosísima contrución neomudéxar de 1925 coñecida como Casa de las Navajas.

O mércores pasamos o día en Granada acompañados dunha guía, Teresa, moi amable. Pola mañá paseounos polo Albaicín, mostrounos a beleza da Alhambra dende un dos seus miradores, S. Nicolás, e acompañounos a través da Carrera del Darro ata o centro onde comemos. Ás dúas en punto estabamos diante da Alhambra onde nos esperaba a nosa guía para explicárnola, quedamos extasiados ante a beleza do Patio de los Leones. Ao rematar a visita levounos ata a Catedral onde contemplamos, no seu interior, unha pequena pero fermosísima escultura, a Inmaculada, de Alonso Cano, autor da súa fachada barroca que semella un Arco de Triunfo. Tras despedírmonos da guía e darlle as grazas polo día tan agradable e frutífero visitamos a Alcaicería, antigo zoco, onde aproveitamos para facer algunhas compras. Ás 20:30 regresamos ao hotel para cear e descansar.

O xoves visitamos Málaga, lugar de nacemento de Picasso. Acompañados dunha guía visitamos a Alcazaba, palacio-fortaleza da época musulmá, a catedral renacentista, coñecida como a “Manquita”, onde admiramos a sillería do seu coro obra de de Pedro de Mena e subimos ás bóvedas da misma (nós falariamos de tellados) desde onde contemplamos unha extraordinaria vista da cidade. A nosa última visita foi ao Museo Picasso, pequeno pero cheo de encanto e de obras fermosísimas, situado no renacentista palacio de Buenavista. Antes de volver ao bus para comer no hotel demos un rapidísimo paseo por algunha das súas rúas e prazas máis emblemáticas: Plaza del Obispo, Marqués de Larios, Pasaje de Chinitas… As 17:00 subimos de novo ao bus para visitar Puerto Banús (¡que iates!) e Marbella na que nos sorprendeu a beleza da súa Plaza de los Naranjos.

O venres foi día de retorno e de moitas horas de bus, chegamos a Vilagarcía sobre as 3:00 da madrugada pero aínda así tivemos tempo para comer en Cáceres e visitar o seu barrio monumental declarado Patrimonio da Humanidade en 1986. Non nos defraudou ninguna das súas fermosísimas prazas: Santa María, S. Jorge, as Veletas…

Esther Dasilva

ROTEIRO DE ROSALÍA DE CASTRO

O Departamento de Lingua Galega e Literatura levou a cabo unha saída cultural cos estudantes  de 1º Bacharelato o 5 de abril de 2016 baixo o título “Roteiro de Rosalía de Castro”. O principal obxectivo desta actividade era achegar a figura e a obra da nosa grande poeta ao noso alumnado. Ademais esta escritora forma parte da programación neste curso.

 

(VER GALERÍA DE IMAXES)

 Pretendíamos visitar todos aqueles lugares, rúas, institucións que tiveron algo que ver coa súa vida e obra, mais eramos conscientes de que facer todo iso nunha soa xornada non ía ser posible polo que elaboramos un roteiro partindo do noso centro cara a Santiago.

En cada parada recitábase un ou máis poemas. Na lectura dos mesmos participaban todos/as os/as alunos/as. Foron especialmente emotivas ,a visita á Casa da Matanza; a lectura no cemiterio de Adina; a do poema “Campanas de Bastabales”, onde repenicaron as campás en exclusiva par nós; a visita á capela do Hospital Real e a ofrenda floral no Panteón dos Galegos Ilustres. Por falta de tempo tivemos que deixar atrás algún dos puntos sinalados no roteiro. Ao remate entrgóuselle ao alumnado un cuestionario para comprobar o grao de atención prestada aos comentarios feitos polo profesorado. 

A experiencia, en xeral,  foi positiva, o alumnado respondeu bastante ben ás expectativas que tiñamos . Moitos, a pesar da proximidade dos lugares a visitar, nunca foran á Casa Museo de Rosalía, non sabían onde quedaba Bastavales e tiveron a oportunidade de pasear por rúas de Santiago que non están dentro dos seus itinerarios cando se achegan a esta cidade. 

Departamento de Lingua Galega e Literatura.

LISTADO PROVISIONAL DE ADMITIDOS (CURSO 2016-17)

Podes acceder desde aquí ao listado provisional do alumnado admitido para o vindeiro curso 2016-2017.

(Preme na imaxe para obter o listado)

 

O TSAAFD PARTICIPA NAS IIª XORNADA LÚDICO-DEPORTIVA PARA PERSOAS CON DISCAPACIDADE

A IIª XORNADA LÚDICO-DEPORTIVA PARA PERSOAS CON DISCAPACIDADE celebrouse o 9 de Marzo do 2016. A organización deste evento correu a cargo do grupo de segundo curso do ciclo superior, que está agora facendo as prácticas, en colaboración cos de primeiro curso. Traballaron cun proxecto común dende dous módulos: Proxecto Integrado (Luís) e Actividades físicas para persoas con discapacidade (Conchi). Cabe destacar que o proxecto está participando en varios concursos de INNOVACIÓN EDUCATIVA.

Vaia o noso agradecemento a todas as persoas que participaron (un total de 150 persoas contando cos profes e cuidadores) e especialmente as agrupacións ou colexios de persoas con discapacidade: o Colexio de Educaciòn Especial de Vilagarcia, o Saiar, B.A.T.A e "Con eles".

Ademais queremos agradecerlle o seu apoio a Protección Civil que estivo acompañando en todo momento.E como non grazas tamén ao Concello de Vilagarcía que nos cedeu a instalación de Fexdega e ás distintas empresas patrocinadoras polo avituallamento. (Preme aquí ou preme no cartaz para ver as empresas colaboradoras).

VER GALERÍA DE FOTOS

Os medios de comunicación  locais fíxéronse eco desta actividade e aquí vos ofrecemos unha ligazón á nova nos xornais e en Telesalnés.

                            

  

GAÑADORES DO I CAMPIONATO DE XADREZ

Este ano celebrouse por primeira vez no noso centro un campionato de xadrez. O alumnado participaba por parellas e a competición desenvolveuse nos recreos.

Como sabedes, e por explicalo moi brevemente, este é un xogo de estratexia na que dous xogadores enfróntanse con 16 pezas cada un nun taboleiro dividido en cadros brancos e negros e colocado de xeito que cada xogador teña un cadro branco na esquina dereita.Cada peza móvese de xeito diferente. O obxectivo do xogo é atacar ao rei (xaque) e que este non poida saír da situación: isto chámase xaque mate. A partida tamén finaliza cando un dos xogadores se rende, abandona ou pasa do tempo establecido. Nese caso gaña o seu opoñente. O resultado é nulo cando non é posible que ningún dos dous xogadores gañe a partida.

VER GALERIA DE FOTOS

Así pois, este ano xa temos a parella de gañadores do campionato de xadrez: Eloy Fernández e Luís Diz. Parabens! Na seguinte galería podedes ver unhas fotos da emocionante final.

(Clic para ampliar)

VIAXE AOS ANCARES 2016

 (Preme na imaxe para ampliala)
 
VER GALERÍA DE FOTOS

O 15 e o 16 de marzo un grupo formado polo alumnado de 2º TSAAFD e alumnado de 1º Bacharelato de Ciencias realizou unhas xornadas nos Ancares

O primeiro día fixeron un roteiro cara a TRES BISPOS e o segundo desde PIORNEDO ata a subida á campa do MUSTALLARHabía moitísima neve e os percorridos facíanse moi duros porque ao camiñar os pés afundíanse continuamente.

A experiencia foi moi enriquecedora para todos e notouse que o grupo estaba moi unido a pesares da diferenza de idade dos seus membros. Invitámosvos a ver a galería de fotos para admirar as fermosas paisaxes dos Ancares e o ambiente que reinaba no grupo.

Como acompañantes de luxo ían os biólogos do centro, Paquita, Xela e Chou, que explicaron as características da paisaxe, da flora e da fauna. Ademais e como non podía ser doutro xeito os profesionais do exercicio físico : Luís e Conchi. Unha gran combinación!

O ALUMNADO DE 3ºESO VIAXA Á COSTA DA MORTE

OBRADOIRO DE REGUEIFAS 2016

Definición do dicionario da Real Academia Galega:

Regueifa: (s.f.)  Disputa dialéctica improvisada e en verso, especialmente entre os asistentes a unha voda.

Agora que todo o mundo sabe  o que son as regueifas contámosvos a nova: o Caruncho e Pinto de Herbón, sobradamente coñecidos polo seu traballo e polas súas aparicións nos medios (radio, tv, Internet) desenvolveron un obradoiro de regueifas o día 7 de marzo co alumnado de música. Nunha intensa sesión de traballo e guiados pola man maestra dos dous poñentes, os nosos alumnos pasaron da composición de textos en verso e da improvisación ao canto. Neste album de fotos podedes ver en imaxes todo o proceso.

VER GALERÍA DE FOTOS

   
 
(Clic para ampliar)

CARRILEXOS NA BRETAÑA

Un grupo de alumnos e alumnas do noso instituto  marcharon este venres á noitiña para a Bretaña. Comeza así a segunda parte dun intercambio que comezou no mes de outubro coa chegada dos alumnado francés a Galicia.

O programa previsto é denso e comprende tanto visitas aos lugares máis emblemáticos da rexión como aulas no instituto e actividades compartidas tanto no centro educativo como na casa coas familias.

Se queredes ir seguindo os acontecementos podedes visitar o blog de intercambio que vos ofrece un resumo diario das aventuras do grupo e tamén podedes ver as fotos que iremos publicando.

VER O BLOG DO INTERCAMBIO

VER GALERÍA DE FOTOS

CHARLA SOBRE O AUTISMO PARA O TSAAFD

Como continuación das actividades preparatorias da II Xornada Lúdico-deportiva con discapacitados, o alumnado do 2º curso do Ciclo Superior de Actividades Físico-deportivas (TSAAFD) puido asisitir  a unha charla informativa sobre o autismo impartida por persoal do centro Baión Asociación para o Tratamento do Autismo (BATA): Yolanda Heras Ruíz e Cristina Castro Nogueira. 

Ler a nova no xornal  

Como eles mesmos explican "Somos unha organización sen ánimo de lucro que desenvolve servizos e programas orientados ás persoas con T.E.A. (trastornos do espectro autista) e as súas familias.

   VER IMAXES     

 

ENTREGA DE PREMIOS DO CONCURSO "AMOR EN CATRO LINGUAS 2015-16"

 

Por fin temos os nomes dos gañadores do concurso "Amor en catro linguas" na súa edición 2015-16. Este concurso está organizado polo departamento de normalización lingüística co que colaboran os departamentos das catro linguas que se imparten actualmente no noso centro.

 

LER AS CARTAS

 

NOMES DOS GAÑADORES E GAÑADORAS

 Lingua castelá:

  • Categoría: ESO                Aida Doeste Castellanos de 4º de ESO 
  • Categoría: Bacharelato   María González Buceta de 2º de Bacharelato

Lingua francesa:

  • Categoría: ESO                 Brais González Herráez de 3º de ESO .
  • Categoría: Bacharelato    Antía Sobriño de 1º de Bacharelato.

Lingua galega:

  • Categoría: ESO                 Amagoia Andújar Mejuto de 3º de ESO.
  • Categoría: Bacharelato    ( Deserto)

Lingua inglesa:

  • Categoría: ESO                 (Deserto)
  • Categoría: Bacharelato     Sara González Figueira de 1º de Bacharelato.
Distribuir contido


by Dr. Radut