Skip to Content

BENVIDA Á NOSA WEB



CONTRA A VIOLENCIA, EN TODO CONTEXTO E LUGAR

O alumnado e profesorado do instituto de Carril manifestouse hoxe, luns 16 de novembro, diante da fachada do centro rexeitando a violencia en todos os contextos e lugares do mundo.

Cada día morren miles de persoas víctimas dos conflitos armados, do sexismo, do racismo, da xenofobia, da fame, etc. Causas económicas, bélicas e políticas explican o sufrimento actual da humanidade. O alumnado expresou nunha pancarta o seu desexo de que a vida política e individual recupere os valores da tolerancia, da razón, da paz e do respecto.

 (Para ampliar, clic na imaxe)

CALENDARIO FÚTBOL-SALA 2015-16

1º, 2º e 3ºESO
DATA EQUIPO 1 EQUIPO 2
16/11 1ºB  Os Mestres ( 2ºA)
19/11 1ºC  2ºB
23/11 1ºB  Rayo Vaticano (3ºB)
26/11 1ºC  3ºCAB
30/11 Os Mestres ( 2ºA)  Rayo Vaticano (3ºB)
3/12 2ºB  3ºCAB
10/12 Os Mestres ( 2ºA)  1ºB
14/12  2ºB  1ºC
17/12  Rayo Vaticano (3ºB)  1ºB
11/1  3ºCAB  1ºC
14/1  Rayo Vaticano (3ºB)  Os Mestres ( 2ºA)
18/1  3ºCAB  2ºB

 

4ºESO, 1ºBACH, 2ºBACH
DATA EQUIPO 1 EQUIPO 2
17/11  4ºB  F.C. Perturbados (4ºA)
20/11  A canteirasa (2ºBach-A)  Sportium en Bragas (1ºBach-A)
24/11  4ºB  A canteirasa (2ºBach-A)
27/11  F.C. Perturbados (4ºA)  Sportium en Bragas (1ºBach-A)
1/12  4ºB  Sportium en Bragas (1ºBach-A)
4/12  F.C. Perturbados (4ºA)  A canteirasa (2ºBach-A)
11/12  F.C. Perturbados (4ºA)  4ºB
15/12  Sportium en Bragas (1ºBach-A)

 A canteirasa(2ºBach-A)

12/1  A canteirasa (2ºBach-A)  4ºB
15/1  Sportium en Bragas (1ºBach-A)  F.C. Perturbados (4ºA)
19/1  Sportium en Bragas (1ºBach-A)  4ºB
21/1  A canteirasa (2ºBach-A)  F.C. Perturbados (4ºA)

MAGOSTO FESTEIRO

Hoxe martes 10 de novembro celebramos o Magosto en Carril. Foi unha festa chea de música, de xogos e de bo humor.

Comezamos co xogo de turrar da corda na que se enfrentaron amistosamente alumado e profesorado (adiviñade quen gañou...) e  despois co de saltar á corda en estilo libre...e senón mirade as fotos. 

(Para ampliar, fai clic nas imaxes)

Os nosos músicos máis xóvenes tocaron varias pezas e incluso bailaron algunha delas. Podedes ver no vídeo que xeitiño lle dan.

 

Para rematar a tarde, todos tivemos ocasión de ver unha presentación audiovisual sobre o Magosto feita polo alumnado de 2ºESO mentras  tomábamos os bolos preñados e as castañas asadas que xa tiñan preparadas para nós os nosos asadores preferidos, Gorgoso e máis o Mestre.

VER GALERÍA DE FOTOS

 

Tamén houbo entrega de premios do concurso de cabazas "tecnolóxicas" do Samaín.

(Para ampliar, fai clic nas imaxes)

SESIÓN DE BODYJUMP CO TSAAFD

O día do Magosto pola mañá, o alumnado do Ciclo Superior de Animación de Actividades Físico-Deportivas (TSAAFD) puido disfrutar dunha sesión de bodyjump con monitores especializados.

O bodyjump é unha modalidade de fitness que se realiza sobre unha cama elástica individual. Axuda a fortalecer osos, músculos e articulacións, queima calorías e  mellora o sistema cardiovascular.

Posteriormente deron a coñecer ao resto do alumnado este xeito tan orixinal e estimulante de facer exercicio.

 

EDUCACIÓN PARA A SAÚDE NA ESO

Na primeira semana de novembro o alumnado da ESO tivo a ocasión de asistir a unhas charlas educativas sobre diferentes temas que lles afectan directamente. Todas esas charlas forman parte dun programa de educación para a saúde en colaboración co Servizo de Prevención de Drogodependencias de Vilagarcía (SPAD).

  • 1º ESO: Habilidades sociais
  • 2º ESO: Prevención do abuso do alcohol
  • 4ºESO: Mitos/crenzas erróneas e conceptos básicos sobre drogas ilegais

CONCURSO DE CABAZAS DO SAMAÍN

Este ano celebramos a festa dos mortos cunha decoración estarrecedora na entrada do noso instituto...

Ademáis o alumnado participou de xeito entusiasta no concurso de cabazas. Podes ver aquí  fotos da exposición das pezas presentadas. Veremos cal é a gañadora

 VER GALERÍA DE FOTOS

ABALARMÓBIL PARA AS FAMILIAS

Para utilizar esta aplicación só é necesario dispor dun teléfono móbil con conexión de datos e descargar a app. As familias poderán consultar de xeito moi sinxelo desde o seu dispositivo móbil:

  • as cualificacións dos seus fillos,
  • as faltas de asistencia, as faltas de conduta,
  • os horarios e as materias
  • os avisos ou notificacións por parte do profesorado ou do centro educativo
 A aplicación está dispoñible para os sistemas operativos Android, desde a Play Store e para os IOS, a través da Apple Store.

O ALUMNADO DE CARRIL ASISTE AO MUNDIAL DE PADEL

O xoves, 15 de outubro, un grupo de 133 alumnos e alumnas de TSAAFD, 4º ESO e 1º Bacharelato do noso centro educativo puido asistir ao torneo de padel “World Padel Tour” nas instalacións de Fexdega.

Para agrandar as imaxes fai clic nelas.
 
 
 
 

CHEGAN OS FRANCESES DE INTERCAMBIO

Un ano máis, os franceses invaden a nosa terra arousana con intencións moi pouco belixerantes. Nesta nova edición do intercambio teremos ao noso grupo connosco durante unha semana completa. Clicando na ligazón ou nas imaxes poderedes ver algunhas fotos das actividades de acollida: subida ao mirador de Monte Lobeira, recepción na casa do concello de Vilagarcía de Arousa e algunhas tamén da visita guiada á illa de Cortegada. O alumnado español espera con ilusión ir visitar aos seus amigos franceses no mes de marzo , coñecer ás súas familias e coñecer de primeira man como é o noso país veciño, Francia.

VER GALERÍA DE FOTOS

SEMANA DE ACOLLIDA DE 1ºESO

O alumnado de 1ºESO tivo a primeira semana de curso chea de actividades. Entre outras,a visita do parque botánico Enrique Valdés Bermejo (parque do Castriño) nunha xornada tan lúdica como educativa, entre as 10h e as 13h o venres día 18. Ademáis dos seus profesores e profesoras, o alumnado tamén estivo acompañado polo funcionario do concello D. Mario Vázquez Rubianes que lles explicou o parque desde o punto de vista botánico.

(Clic na imaxe para agrandar)

VER GALERÍA DE FOTOS

Esta visita, na que tamén se realizaron xogos populares en colaboración co departamento de Educación Física e o alumnado de Ciclo Formativo de grao superior "Animación de actividades físicas e deportivas", enmárcase dentro dun proxecto máis amplo que se desenvolveu no centro - dende o mércores ata o venres- e que o profesorado deu en denominar "semana de acollida". Trátase dun conxunto de actividades un tanto lúdicas que teñen como finalidade que o novo alumnado do instituto coñeza as súas compañeiras e compañeiros, valoren as cousas que os diferencian, cooperen e vivan co grupo nun clima de empatía e respecto que facilite a marcha do curso escolar e non se xeren conflictos que dificulten a convivencia ou a aprendizaxe.

A posta en marcha deste proxecto é o resultado do grupo de traballo "Facendo grupo" no que participaron profesoras e profesores o pasado ano académico.

O ALUMNADO DO CICLO SUPERIOR INICIA O CURSO

O inicio de curso do Ciclo Superior de Actividades Físco-Deportivas (TSAAFD) está previsto para o mércores 23 de setembro. A presentación desenvolverase no horario seguinte:

      • 2º TSAAFD: 10h
      • 1º TSAAFD: 11h

O xoves 24 de setembro ás 8h10 comezarán as clases con normalidade. O horario das mesmas será facilitado polo profesorado.

COMEZO DAS CLASES CURSO 2015-16

     Este ano comezamos o curso o martes día 15 de setembro. Tentaremos levar a bo porto un proxecto educativo no que tanto alumnado como profesorado terá que traballar conxuntamente.  O primeiro día faremos a presentación dos diferentes grupos seguindo este horario:

  • 1ºESO e 2ºESO de 10h a 11h
  • 3ºESO e 4ºESO de 11h30 a 12h30
  • 1º e 2º BACHARELATO  de 13h a 14h

CALENDARIO ESCOLAR 2015-16

A Consellería de Educación publicou o calendario escolar 2015-16 que podes consultar e/ou descargar desde aquí: (faltan o festivos locais)

 

 (Clic para ampliar as imaxes)

LIBROS DE TEXTO 2015-16

(Clic sobre a imaxe para ampliar e/ou descargar)

Distribuir contido


by Dr. Radut