Benvida á web do IES Moncho Valcarce
Instituto de Educación Secundaria Moncho Valcarce
Rúa de José María Penabad López, s/n. 15320 As Pontes de García Rodríguez (A Coruña)
Teléfono 881 93 00 55 – Fax 881 93 00 64 – ies.moncho.valcarce@edu.xunta.gal
Horario de atención ao público: de 08:30 a 14:10 h, de luns a venres (Secretaría: 881 93 00 56)
------------------------------------------------------------------------------------------------------------------------
Convocatoria de bolsas de estudo ["becas"]
para o próximo curso 2024-2025
- Documento con información sobre o proceso de solicitude.
- Convocatoria oficial (Ministerio de Educación e Formación Profesional).
- Prazo de solicitude: do martes 19-marzo-2024 ata o venres 10-maio-2024, ambos inclusive.
------------------------------------------------------------------------------------------------------------------------
Admisión de alumnado para o próximo curso 2024-2025
- No taboleiro de anuncios do centro están expostas as listas do alumnado dos centros adscritos que reservou praza para o próximo curso en 1.º ESO e 1.º bacharelato.
- Todo o alumnado que reservou praza está admitido.
- O prazo de solicitude de admisión (alumnado que non reservou) é do venres 1 ao mércores 20 de marzo, ambos inclusive.
- Postos escolares vacantes a 29 de febreiro de 2024:
- 1.º ESO: 24.
- 2.º ESO: 15.
- 3.º ESO: 13.
- 4.º ESO: 23.
- 1.º bacharelato de Ciencias e tecnoloxía: 32.
- 1.º bacharelato de Humanidades e ciencias sociais: 12.
- 2.º bacharelato de Ciencias e tecnoloxía: 34.
- 2.º bacharelato de Humanidades e ciencias sociais: 17.
- Máis información na secretaría do centro: 881 93 00 56 (de 08:30 a 14:10 h).
------------------------------------------------------------------------------------------------------------------------
CALENDARIO DE EXAMES DE PENDENTES DA 3ª AVALIACIÓN
BACHARELATO: Semana do 22 ao 26 de abril
ESO: Semana do 21 ao 24 de maio
OBRADOIRO DE PAPIROFLEXIA
Durante o día 19 o noso alumnado puido disfrutar dun taller de papiroflexia a cargo de Teresa Otero, docente xubilada de matemáticas. O noso alumnado sumerxiuse no mundo do papel, onde cada doblez e cada ángulo é unha lección de matemáticas. Descubriron a beleza das simetrías, exploraron as propiedades dos polígonos e enfrontáronse ao reto de visualizar formas a través dun simple cadrado de papel. O taller fomentou a creatividade e a destreza mental de todos os que alí estiveron.
OBRADOIRO DE EDUCACIÓN SEXUAL
A asociación SEDRA ( Federación de planificación familiar) realiza programas de sensibilización, formación e acompañamento en sexualidade e saúde sexual para a mocidade.Este obradoiro trata a prevención da violencia dixital de xénero. É necesario que o alumnado descubra a realidade que se esconde detrás das novas tecnoloxías e os perigos e delitos nos que pode incurrir. O alumnado precisa formación e asesoramento en saúde sexual integral para exercer con autonomía a súa vida sexual e reprodutiva.
DÍA DA POESÍA
O 21 de marzo celébrase o Día Mundial da Poesía, unha data que serve para lembrar a importancia da palabra poética, e para espallala. Neste sentido, o noso alumnado creou diversos poemas, uns vangardistas e outros máis tradicionais, para achegarse a ela de forma creativa e divertida. Se vos gusta escribir, non deixedes de expresarvos con poemas!
PALITROQUES
No día 14 de Marzo, o departamento de matemáticas, en colaboración do clube de ciencias, trouxo ao centro o taller de palitroques. Como celebración do día das matemáticas, o noso alumnado de 2ºEso puido disfrutar dunha visión máis cercana da xeometría, creando distintas construcións en tres dimensións, desde pirámides, prismas, arcos ata cúpulas xeodésicas.
SEMANA DAS MATEMÁTICAS
Durante a semana do 11 ao 15 de Marzo a comunidade educativa do Ies Moncho Valcarce puido contemplar nos corredores do centro distintos cartaces con información relevante das matemáticas e a súa aplicación á vida diaria, así como unha exposición de xogos de lóxica. A maiores o alumnado dos distintos cursos tamén axudou a crear infografías de matemáticos famosos ao longo da historia.
MASTERCLASS FÍSICA DE PARTÍCULAS
Tres alumnos e máis a profesora de Física desprazáronse a Facultade de ciencias da UDC para asistir á Masterclass de física de partículas organizada polo IGFAE e UDC. Durante o día tratanse contidos sobre física de partículas impartida por doctorados e científicos que traballan en diversos proxectos dependentes do CERN , o alumnado participa dunha nunha identificación de distintas partículas ( neutrinos, positróns etc...)e durante a tarde intercambiaronse e analizaronse datos via videoconferencia en inglés con alumnado procedente doutros centros educativos ( Madrid, Irán, Atenas , Marruecos ) e investigadores do CERN.
A actividade achega o traballos de investigación actuais e punteiros no campo da Física de partículas ao alumnado de bacharelato que está a descubrir en 2ºBach os campos de física cuántica e relativista en aplicación ao estudio do universo e do mundo microscópico. Todo iso de man de investigadores , moitas veces anónimos ,pero cunha pegada social indispensable para o desenvovemento tecnolóxico ,social e económico . Recordamos así que sen ese traballo e inversión en recursos humanos e económicos non poderíamos ter , por exemplo aWWW (World Wide Web) , aplicacións tecnoloxías como PET para diagnose de algúns tipos de cancro etc...
CONCURSO ODISEA 2024
O noso alumnado do Bacharelato de Humanidades participou de novo no Concurso Odisea, organizado pola Sociedade de Estudos Clásicos, na Sección galega: 315 equipos de 50 centros galegos navegaron pola red enfrontándose ás preguntas publicadas na página web do concurso os días 15, 16, 17 y 18 de xaneiro. Os nosos equipos do Moncho, “los Dióscuros” y “Los tres Olímpicos”, como modernos héroes, buscaron as respostas achegándose aos coñecementos sobre A alimentación en Grecia e Roma. Unha experiencia moi positiva: no mes de marzo Carla, Ismael, Loisla, Alejandro e Antón recibiron os premios polos seus bos resultados na clasificación local. Parabéns!
NOMEALAS PARA EXISTIREN (8 M)
Para celebrar este ano o 8 M, o Día Internacional da Muller, o Departamento de Normalización Lingüística co apoio da Biblioteca do centro e o Departamento de Galego, pretende homenaxear ás nosas mulleres coa actividade que leva por nome “ As nosas mulleres, nomealas para existiren”.
Nesta actividade, o alumnado realizou unha infografía sobre aquelas mulleres do concello das Pontes , de onte e hoxe, pioneiras por desempeñar actividades habitualmente consideradas de homes, por ser as primeiras en acceder ao mundo da cultura, por ser pioneiras en conseguir recoñecementos nos diferentes ámbitos sociais e do saber, ou simplemente por ser mostra de coraxe ante situacións adversas. Grazas ao traballo de investigación realizado polo alumnado, a quen felicitamos polo seu traballo, fomos quen de poder expoñer na entrada principal do instituto un recoñecemento a todas elas, coa súa foto, datos biográficos e logros acadados por elas.
ORIENTACIÓN ACADÉMICA: CHARLA SOBRE A ABAU
Francisco Javier López González, profesor e asesor da universidade de Santiago de Compostela, no campus de Lugo foi o encargado de impartir a charla dentro do programa “ A ponte entre o ensino medio e a universidade”. O alumnado recibiu información sobre como se realizan as probas de ABAU e como se fai a inscripción na universidade.Tamén realizou un percorrido virtual pola universidade de Santiago de Compostela. É necesario que o alumnado reciba información sobre os estudos superiores para que coñeza as diferentes ofertas educativas e poda tomar decisións de xeito autónomo e reflexivo.