Axudas para estadías lingüísticas no estranxeiro (Bacharelato)

A Xunta convoca 525 prazas de estadías lingüísticas no estranxeiro dirixidas a alumnado de 1º e 2º de Bacharelato. As estadías poderán facerse en Canadá, Reino Unido, Francia e Portugal, en réxime residencial ou familiar, e o prazo de solicitude estará aberto ata o 28 de febreiro.


Pódese atopar toda a información no seguinte enlace: https://www.edu.xunta.gal/portal/node/36239

 

 

Festival Montenegro de Arte e Novela Negra

Tal como viñemos facendo os anos anteriores, queremos que o noso centro se convirta no punto de encontro de escritores e escritoras, ilustradores e ilustradoras, artistas, ...  

 

O punto de partida para a celebración deste Festival son os certames literarios. No blog do Festival Montenegro de Arte e Novela Negra podes acceder ás bases dos mesmos. 

O Certame de poesía chega á súa terceira edición e o Certame de relatos breves á cuarta.

Tamén poñemos en marcha o I Certame de microrrelatos.

Esperamos que te animes a participar !!!

Concurso: "Ningunha ave voa soa". Cartas breves e lemas de amor non romántico (2 ao 11 de febreiro)

CONCURSO: Ningunha ave voa soa.

Cartas breves e lemas de amor non romántico

Pola Candeloria, a metade do inverno vai fóra.

A partir da Candeloria, ningunha ave voa soa.

(Refraneiro popular)

 

A Candeloria, tamén coñecida coma a Festa da Luz, é unha tradición galega coa que se celebra que xa pasou a metade do inverno. A partir do 2 de febreiro os días medran, e a natureza prepara o estourido de vida que é a primavera. Comeza o retorno das aves migratorias e do seu cortexo… ou como di a cultura popular, “os paxariños casan”. 

 

Tipos de texto: carta breve (1 folio) ou lema xeitoso (1 a 3 liñas).

Convoca: IES Monte da Vila (O Grove)

Bases:

1. Pode participar calquera persoa, establecéndose as seguintes categorías: 

· A: 1º e 2º de ESO.

· B: 3º e 4º de ESO e FP Básica.

· C: Bacharelato e Ciclos formativos.

2. As cartas breves ou lemas xeitosos estarán escritos en galego, con letra Arial, tamaño 12. A extensión máxima non excederá dunha páxina para as cartas, e de 3 liñas para os lemas. Só se aceptará un máximo de dous textos por persoa.

3. Os temas deberán estar relacionados co amor nun sentido amplo e non romántico: a amizade, o agarimo familiar, o compañeirismo, o respecto ou a admiración. 

4. Os textos enviaranse ao correo electrónico: candeloriaMDV@gmail.com. O envío constará de dúas partes: a) corpo do correo electrónico cos datos da persoa participante (nome e apelidos, título da obra, categoría en que participa e pseudónimo); b) documento adxunto en formato Word co/s texto/s, indicando ao comezo o título da obra e o pseudónimo (sen referencia á persoa participante).

5. A data límite de entrega será o 11 de febreiro de 2022 (ás 17:00 min).

6. O xurado estará composto por tres integrantes: a coordinadora do EDLG do centro, un membro do equipo directivo e un representante do profesorado. O xurado resérvase o dereito de deixar deserto algún premio.

 

7. Premios: haberá un primeiro premio e tamén finalistas por cada categoría. Os premios consistirán en vales de desconto para adquirir en comercios do Grove produtos culturais en galego (libros, discos, películas, etc.).

 

PLAN DE ENSINO VIRTUAL NO CASO DE PECHE

No caso de peche dun aula ou do centro, porase en marcha o plan de ensino virtual. A continuación expoñemos as liñas principais do mesmo.

 

O MESMO DÍA DO PECHE

 A dirección do centro enviará unha comunicación a través de abalarMóbil e publicará unha nova na web do centro.

O profesorado habilitará na aula virtual do centro os recursos e as actividades iniciais e trasladará orientación ás familias, especialmente para o alumnado de menor idade, a través da aplicación abalarMóbil ou a través da aula virtual. Estes recursos poderán remitirse aos libros de texto, a fichas específicas e a actividades en liña, entre outros.

 

HORARIO ESPELLO

O alumnado seguirá o horario espello indicado como anexo ao Plan de continxencia.

Este horario espello respectará un mínimo de 30 minutos de presencialidade efectiva por sesión, estes 30 minutos comezarán a contar tras cinco minutos despois do comezo de cada sesión para respectar os aspectos recollidos na adaptación das NOF para o ensino virtual.

 

ACTIVIDADES SEMANAIS

Semanalmente, o profesorado cubrirá a táboa de actividades semanais que poderán consultar no seguinte enlace:

 

 

 

NORMAS DE ORGANIZACIÓN E FUNCIONAMENTO (NOF)

Ademáis das NOF aprobadas o curso pasado (aquí), temos un engadido para o tratamento do ensino no caso de peche.

Adaptación das NOF para o ensino virtual



MEDIOS DE COMUNICACIÓN TELEMÁTICA

O profesorado comunicarase co alumnado preferentemente a través da aula virtual e a plataforma de videoconferencias Webex. En caso de necesidade, poden consultar os diferentes servizos dixitais educativos e o seu funcionamento no seguinte enlace:

Servizos dixitais educativos

Estamos a xestionar unhas videoconferencias para a formación das familias nestes e outros aspectos que as mesmas manifesten como necesarios.



PROTOCOLOS DERIVADOS DA SITUACIÓN DA COVID-19

Dende principio de curso temos elaborado o Plan de adaptación e o Plan de Continxencia, nos enlaces anteriores poden consultar os mesmos así como as súas actualizacións.

Xestión dos casos positivos no centro

No caso de detectarse un caso positivo, tras a realización do estudo de contactos segundo criterios establecidos polas autoridades sanitarias, comunicarémolo ás familias. Unicamente son as autoridades sanitarias as que deciden os contactos estreitos e os días de confinamento. A información que temos a día de hoxe facilitadas polas Consellería de Sanidade e Educación son as seguintes:

Carta ás familias no caso de confirmarse un caso/brote no instituto (Consellería de Cultura, Educación e Universidades)

Instrucións para un contacto estreito de caso confirmado ou probable de COVID-19 (Consellería de Sanidade)

Unha vez comunicado por parte do centro o contacto estreito (segundo instrucións de sanidade) son os rastreadores como integrantes da Central de Seguimento de Contactos, os que deben poñerse en contacto coas familias para indicarlles as instrucións pertinentes.

 

ABALARMÓBIL

Insistimos na importancia de ter habilitadas as funcionalidades de abalarMóbil por ser un medio básico de comunicación do centro coas familias.



Campionato Xogade de Campo a Través (2021-2022)

O xoves 18 de novembro o alumnado de 1º e 2º ESO participou no Campionato Xogade Campo a Través 2021-2022, celebrado en Baltar (Portonovo). A actividade foi organizada polo Departamento de Educación Física.

Ás 9:15 da mañá saíron do centro os alumnos e alumnas de 2º de ESO e ás 9:25 os de 1º cara o autobús para achegarmos a Portonovo, lugar da realización da carreira.

Trala entrega de dorsais e un pequeno quecemento, realizouse a carreira na contorna de Baltar cunha distancia de 1.300 metros e un terreo con moitos desniveis e curvas no seu trazado. A duración de cada proba foi de arredor duns 12 minutos ata que chegaron os últimos corredores e corredoras, cansos pero con moi boas sensacións.

Valórase como unha experiencia moi satisfactoria de actividade física en grupo, de valor cara o atletismo, loitando contra o sedentarismo e fomentando a igualdade de xénero e co obxectivo específico de facer que os nosos estudantes aprendan a correr a ritmo, a dosificar os esforzos e a gran importancia de ter unha boa base aeróbica e resistencia.

Despois de correr, voltamos á carpa habilitada para cambiarse, hidratarse e recuperar forzas cun avituallamento antes de regresar ó instituto, chegando ás 11:00 os grupos de 2º de ESO e ás 11:10 os grupos de 1º.

alumnado de 2º ESO chegando á meta

alumnado de 2º ESO chegando á meta

alumnado de 2º ESO chegando á meta

 

REPARTO DE MÁSCARAS AO ALUMNADO

REPARTO DE MÁSCARAS AO ALUMNADO

 

Segundo a Orde do 28 de outubro de 2021 procederemos dende o colexio ao reparto de máscaras entre o alumnado matriculado no centro

ALUMNADO DESTINATARIO QUE NON DEBE PRESENTAR SOLICITUDE

Alumnado beneficiario da axuda de material escolar no curso 2021-2022.

ALUMNADO DESTINATARIO QUE SI DEBE PRESENTAR SOLICITUDE

O alumnado que cumpra algunha das seguintes condicións:

* Pertencer a unha familia cunha renda per cápita igual ou inferior a 6.000€

* Alumnado cun grao de discapacidade igual ou superior ao 65%.

SOLICITUDE (só para o alumnado non beneficiario da axuda de material escolar):

* Descargar a solicitude en ODT ou PDF ou recollela no centro.

* Entregar a solicitude no centro escolar.

* Prazo: do 15 ao 26 de novembro de 2021



25N: DÍA INTERNACIONAL DA ELIMINACIÓN DA VIOLENCIA CONTRA A MULLER

25N: DÍA INTERNACIONAL DA ELIMINACIÓN DA VIOLENCIA CONTRA A MULLER

Obradoiro de estampación de camisetas para alumnado da ESO 

Organizado polo CONCELLO DO GROVE

Venres 19 a cargo da empresa Vella Escola, 25 prazas

Á hora da inscrición piden que cada participante lle adiante o texto ou a imaxe que quere estampar. 

Esta actividade está organizada polos CIM, Normalización linguística e pola OMIXI, lugar este onde se recolllen as inscricións ata completar prazas (OMIX, Casa do Concello, 2º andar. 986730609. omix@concellodogrove.es).

Distribuir contido