Actualidade

 

Radio escolar

Proxecto Neo

Prog nº 100

    

Programa Erasmus

    

Erasmus 2014

Alemaña

    

100% de aprobados na PAU

   

Mellores expedientes

PAU   

   

 
  Podcast de Proxecto Neo   PROGRAMA ERASMUS+ NO IES PERDOURO           
                       

Folga do estudantado: 21, 22 e 23 de outubro

AVISO AO ALUMNADO - FOLGA DO ESTUDANTADO convocada para os días 21, 22 e 23 de outubro

Segundo o punto 5 da disposición final primeira da LOE:  "En los términos que establezcan las Administraciones educativas, las decisiones colectivas que adopten los alumnos, a partir del tercer curso de la educación secundaria obligatoria, con respecto a la asistencia a clase no tendrán la consideración de faltas de conducta ni serán objeto de sanción, cuando éstas hayan sido resultado del ejercicio del derecho de reunión y sean comunicadas previamente a la dirección del centro."

Os requisitos que teñen que cumplir son:

  • Facer unha reunión do grupo e comunicalo por escrito á dirección onde figure o nome dos que participan.
  • Modificacións o artigo 8 da lei orgánica de 1985.

Xornada da ciencia en galego - 5 de novembro

Con motivo da celebración do V Día da Ciencia en Galego o vindeiro mércores 5 de novembro dew 12h a 13h, a Coordinadora Galega de ENDL ten programado dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. 

Título: A ciencia da programación de ordenadores (tamén en galego).

Relator: Manuel Caeiro Rodríguez. Doutor en Enxeñaría de Telecomunicación. Profesor na Escola de Enxeñaría de Telecomunicación na Universidade de Vigo. Responsable da rede TELGalicia sobre innovación educativa e da aplicación. Páxina web: http://www.edu-area.com e http://www-gist.det.uvigo.es/~mcaeiro/

Sinopse: Introducirase a historia da programación de ordenadores desde un punto de vista moi básico e práctico, comezando pola orixe do algoritmo dos árabes, pasando por Ada Lovelace (Byron), e pasando logo a Alan Turing para chegar á estrutura dos ordenadores actuais e aos paradigmas de computación máis empregados. Introduciremos ferramentas nas que é moi doado programar, como Scratch e Squeak, para que poidades facer os vosos programas, tamén en galego.

100 programas de Proxecto Neo - Radio Educativa

O programa de radio escolar Proxecto Neo chega ao número 100 en Radio Burela. Emitido por vez primeira un 4 de xaneiro de 2012, no comezo deste curso alcanza a cita centenaria. O mércores, día 15 de outubro de 2014, a modo de celebración terá unha duración de dúas horas (entre as 4 e as 6 da tarde).

Como sempre, emitirase no sistema convencional e tamén a través da internet.

Clica aquí para escoitar o programa 100.

Erasmus en Alemaña

Tres ex-alumnos recen titulados do IES Perdouro de Burela, viaxarán a Alemaña cunha bolsa de mobilidade Erasmus para realizar prácticas profesionais en centros de traballo de Augsburgo.
 
Serán oitenta días de prácticas non remuneradas en empresas relacionadas cos estudos cursados para estes tres alumnos do Perdouro. Foron tres os seleccionados que se beneficiarán dunha experiencia laboral única. Remataron a súa formación profesional nos Ciclos Medios de Mecanizado, Peitado e Cosmética Capilar e Instalacións en Telecomunicacións. Como recen titulados, estas bolsas proporcionaralles a oportunidade de ter unha experiencia laboral no estranxeiro, de perfeccionar o coñecemento doutro idioma e de coñecer outras culturas e modos de vida. Tamén coñecerán outros métodos de traballo e ampliarán os seus coñecementos co obxetivo de facilitarlles o acceso laboral e mellorar así a súa empregabilidade. A dirección do centro educativo é consciente na necesidade de internacionalizarse e aposta asi pois por abrir as portas de Europa aos seus titulados a través da realización de programas de mobilidade para a formación. 

O noso recoñecemento a Antón Mazaira López, alumno de 2º de ESO

Photo : Antón Mazaira López, alumno de 2º ESO, forma parte da oitava promoción do proxecto de estímulo de talentos matemáticos de Estalmat. Esta mañá tivo lugar na Facultade de Matemáticas o acto inaugural onde Antón puido recoller a súa acreditación. O noso alumno foi seleccionado o pasado mes de xuño entre os 298 rapaces e rapazas que se presentaron ás probas. Transmitímosche, Antón, os nosos parabéns!!!! Orgullosos de ti!!!http://xornal.usc.es/xornal/acontece/2014_09/noticia_0105.htmlAntón Mazaira López, alumno de 2º ESO, forma parte da oitava promoción do proxecto de estímulo de talentos matemáticos de Estalmat. Esta mañá tivo lugar na Facultade de Matemáticas o acto inaugural onde Antón puido recoller a súa acreditación. O noso alumno foi seleccionado o pasado mes de xuño entre os 298 rapaces e rapazas que se presentaron ás probas. 

Transmitímosche, Antón, os nosos parabéns!!!! Orgullosos de ti!!!

 

Charla sobre mobilidade "Unha rúa mellor é a túa elección"

Semana Europea da Mobilidade é unha iniciativa que persegue impulsar ás autoridades locais no desenvolvemento de accións planificadas, probando novas medidas de  transporte cos seus cidadáns.
Dentro das actividades organizadas polo Concello de Burela para celebrar a Semana Europea pola Mobilidade, impartiuse unhas charlas sobre mobilidade sostible co próposito de reflexionar sobre o uso abusivo que, en moitas ocasións facemos, dos desprazamentos en vehículos a motor.
Así pois, o 18 de setembro, Mª José Castro González, técnico de Medio Ambiente, sensibilizou o alumnado de 1º de ESO co fin de coñecer o impacto ambiental do uso indiscrimado do coche, comparar o impacto ambiental dos distintos medios de transporte, concienciar da necesidade de utilizar o transporte público e promover o desprazamento a pé en traxectos curtos.

 

Recoñecemento aos mellores expedientes

O instituto felicítavos polo éxito acadado co premio de excelencia da Universidade de Santiago de Compostela.
 
O programa “A Ponte entre o Ensino Medio e a USC” organizará o Acto de recoñecemento aos estudantes de centros de Ensino Medio de Galicia que acaden a puntuación de nove ou superior como resultado da media ponderada do 60% da nota media do bacharelato e o 40% da cualificación da fase xeral (queda excluída a fase específica que só ten efectos para acceder ás titulacións con limite de prazas) das Probas de Acceso á Universidade (PAAU) no presente ano.


4 ALUMNOS DE 2º DE BACHARELATO RECOÑECIDOS MELLORES EXPEDIENTES:

        • Begoña Fachal Bugarín
        • Laura López Galdo
        • Xabier Mazaira López
        • Uxía Yáñez Ramil

O Acto tivo lugar o martes día 1 de xullo ás 18:00 horas na Sala Ángel Brage do Auditorio de Galicia.

Foron 434 estudantes os que acadaron unha nota igual ou superior a 9 na PAU este ano.

69 son da provincia de Lugo e 4 do IES Perdouro!

Parabéns Begoña, Uxía, Xabier e Laura!!!!!!

100% de aprobados na PAU

Un ano mais o 100% dos alumnos do IES Perdouro que realizaron a proba de acceso a universidade (PAU) entre os días 11 e 13 de xuño lograron superala con éxito.
 
O director do centro, Santiago Pérez, amosouse moi satisfeito do bo resultado acadado polos 15 alumnos e alumnas que se presentaron ás probas (remataron o curso en maio 16 dos 22 matriculados) e atribuíu este éxito ao intenso traballo do alumnado durante os dous anos de bacharelato coa axuda, por suposto, do seu profesorado.
 
Parabéns Daniel Arranz, Lara Bello, Sabela Blanco, Cristofer Canosa, Pablo Costa, Uxía Díaz, Tania Díaz, Begoña Fachal, Pablo Fernández, Daniel Sante, Azucena Fonteriz, Sara Gil, Laura López, Xabier Mazaira, Uxía Yáñez! Moita sorte nesta nova andaina que se abre!
 
 

Premios para as alumnas do CS de Administración e Finanzas

O pasado 19 de xuño, no acto de clausura do proxecto "A Mariña Emprende" promovido pola Fundación Alcoa e a Consellería de Cultura e Educación, tivo lugar a entrega dos premios aos mellores proxectos empresariais realizados polos alumnos dos oito centros educativos da Mariña participantes.
 
Alumnas do ciclo superior de Administración e Finanzas acadaron o 1º e 2º premio dunha dotación económica de 2.500€ e 1.500€ para financiar o proxecto da súa empresa. O 1º premio foi para as alumnas Andrea Pico Pena e Leticia Rodríguez Pérez. Cristina García López, Raquel Rouco Iglesias e Nuria Rodríguez Blanco levaron o 2º premio do concurso de proxectos da Mariña Emprende.
 
Parabéns rapazas!!!
 

Abalar Móbil para as familias

O noso centro foi seleccionado para participar na 3ª fase da implantación de AbalarMóbil. 
Abalar Móbil é unha aplicación gratuita que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.
As familias do alumnado xa poden descargar a App en GooglePlay e AppStore. No caso de algún problema coa descarga, podrán acudir ao centro solventar o problema.
 
Toda a información no portal educativo: Espazo Abalar

 

Comenius

Comenius 2012-2014              Mon EcoVille: la ville au futur

Actividades de intercambio do departamento de Francés - Acollida en Galicia 18-27 de febreiro.

O alumnado de 3º de ESO participa estes días nun programa de acollida no marco do seu proxecto Comenius MonEcoVille. Máis información no blog do proxecto.

Análise avaliación de diagnóstico 2012

Na avaliación das competencias realizada ao alumnado de 2º da ESO no curso 2011-2012 o IES Perdouro superou a media do grupo ISEC (Índice Socio Económico) de referencia nos resultados acadados para as competencias avaliadas.

Na competencia matemática e lingüística tamén está por enriba da media xeral galega. Parabéns para toda a comunidade educativa do noso centro por estes máis que satisfactorios resultados.

Máis información

Distribuir contido