Skip to Content

Admisión Ciclos Formativos para o curso 2016/2017

Actualidade

Axudas libros de texto

 

PRAZO ata o 23 de xuño

  Formación Profesional    

 

Data de entrega do boletín de notas - Avaliación Final

Entrega do boletín de calificación final ordinaria
Luns 27/06/16 ás 11h nas aulas de referencia

 ESO + 1º Bach + FPB + FP

Presentación da revista escolar da Asociación Cultural “Os Matos” do IES Perdouro Maruxía nº 22

Para clausurar o curso, esta mañá tivo lugar na biblioteca do IES Perdouro a Festa das palabras e das letras, o acto anual de presentación da revista escolar "Maruxía" da Asociación Cultural "Os Matos".  Asistiron ao acto Santiago Pérez Docobo, director do centro educativo; Antón Niñe, Presidente da A.C. "Os Matos" e Miruca Parga, coordinadora do EDLG. 
 
Antón Niñe, presente da AC "Os Matos", abriu o acto con sentimento de ledicia explicando aos asistentes que "a presentación dun novo exemplar da nosa revista é o momento moi esperado pola satisfacción que nos produce e porque sabemos que nos mantemos fieis no obxetivo iniciado hai máis de dúas décadas, ser un medio de expresión da comunidade educativa do IES Perdouro." Un ano máis, os principais responsables da elaboración dos contidos da revista foron alumnos de ESO, de bacharelato e docentes do centro. Na lectura das súas páxinas poderemos darnos conta do latexar da vida do instituto cunha variedade de artigos e entrevistas que nos informa do acontecer do curso que agora termina. Pola súa banda, Miruca Parga explicou como traballou co seu alumnado de 1º de bacharelato de Tecnoloxía da Información e da Comunicación para a redacción e maquetación da revista que se publica anualmente no centro dende fai 22 anos. A publicación que recolle unha mostra das actividades e traballos realizados no centro durante o curso académico, está editada polo Equipo de Normalización e Dinamización Lingüística e pola Asociación Cultural "Os Matos".
 
Ver reportaxe fotográfica no blogue de Perdourando.

Entrega de Premios Concursos OS MATOS

 
O pasado mércores 22 de xuño,  entregáronse na biblioteca do IES Perdouro os premios do X Concurso de relato curto e do VIII Concurso de imaxe convocados anualmente pola Asociación Cultural "Os Matos" cuxo lema foi “O meu avó, a miña avoa”. Antón Niñe, presidente da AC "Os Matos", foi a encargada de felicitar aos premiados desta décima edición do certame. Karina Parga, encargada da biblioteca, e Santiago Pérez, Director, entregaron os diplomas e uns agasallos. As obras gañadoras pódense ler no número da revista escolar “Maruxía” deste curso.

Parabéns rapaces!!!!!!

Concerto Son de Nós

O pasado venres 10 de Xuño contamos cá presencia na aula de música do grupo vocal “Son de Nós”, sexteto vocal a capella que iniciou a súa andadura no ano 2012, baixo a dirección do músico viveirense Plácido Travieso  (...)

A actividade estivo dirixida aos alumnos de 3º ESO, 4º PDC e 1º BAC (alumnos de Análise musical).... seguir lendo no blogue de Perdourando
 

Tarefa de limpeza da ribeira - Día dos océanos - 4º ESO e PDC

Para conmerorar o día mundial dos océanos, os rapaces de 4º de ESO e PDC coidaron da nosa ribeira. Un ano máis sumámonos a esta cita mundial da limpeza simultánea das praias. Acompañados por Mª José Cao, monitora de Gaia, e por Óscar García de Coge3, os alumnos limparon o tramo da ribeira dende o porto de Burela ata a igrexa de Coedo.
Recolléuse unha cantidade significativa de residuos do litoral: botellas de plástico e de vidro, residuos plásticos varios, restos de cordas, cobos e redes e algún pneumático.
Para rematar a mañá os rapaces ensaiaron o seu equilibrio e a súa axilidade subidos a un monopatín por iniciativa de Óscar. Pasárono moi ben ademais de contribiur ao coidado do noso medio natural.
 
Ver a reportaxe fotográfica no blogue de Perdourando.

Ruta da auga - 3º ESO

Alumnos de 3º de ESO do IES Perdouro acompañados dun técnico da empresa Espina e Delfin e da súa profesora de bioloxía visitaron este martes as instalacións da potabilizadora da Senra e a depuradora de Alfoz.

Logo da charla teórica impartida no centro educativo sobre o ciclo da auga, tocaba ver in situ os procesos esenciais de potabilización e depuración da auga. Juan Moreno, o inxeñeiro de augas,  empezou a ruta da auga polo embalse de Río Cobo onde se almacena a auga antes de ser tratada na potabilizadora da Senra. (Estación de Tratamento de Auga Potable - ETAP), estación moi moderna inaugurada en 2011.


Faloulles da potabilización, seguir lendo no blogue de Perdourando.

Concerto de Israel Arranz

O pasado venres 3 de Xuño visitou o instituto o músico burelés e antigo alumno Israel Arranz para impartir aos alumnos de música unha clase maxistral.

Acaba de saír ao mercado o segundo disco do grupo de jazz latino Marosa Jazz Project, que el lidera.  O disco leva por título “Lémbrame” e está integrado por sete temas de composición orixinal, dos cales seis están firmados por Israel.

 Explicou detalladamente o proceso de grabación e produción dun disco e o funcionamento da industria discográfica, falounos da súa traxectoria persoal e..... seguir lendo no blogue de Perdourando.

Charla sobre a auga - Día mundial do medioambiente

Coincidindo coas próximas celebracións do Día mundial do medioambiente, o alumnado de 3º ESO recibiu esta mañá a visita do especialista e técnico de Espina y Delfín, Juan Moreno, para falarlles da auga. 
 
A profesora Charo Fernández, como medio de chamar a atención sobre a importancia da agua e da xestión sostible dos recursos da auga, organizou esta charla para sensibilizar aos seus alumnos de 3º de ESO sobre un uso sostible deste ben tan preciado e imprescindible para a vida. Juan Moreno explicoulles con datos contundentes o consumo moitas veces excesivo, os tratamentos para potabilizar ou para depurar, os impactos dunha simple fuga de auga co obxetivo de promover en eles unha boa práctica da súa utilización no día a día. O aproveitamento da auga empeza pola participación de todos nós.

Xeometría na arte por Pilar García Agra

Este luns 30 de maio,a profesora de matemáticas do IES nº 1 de Ordes e membro da Asociación Galega de Profesores de Educación Matemática "AGAPEMA", Pilar García Agra, impartíu unha conferencia sobre Matemática, xeometría e arte ao alumnado de 3º de ESO. Nela, a matemática analizou aspectos diferentes da Arte. Faloulles do número de Ouro e as súas aplicacións en diferentes aspectos artísticos, a pintura, escultura e arquitectura dende a antigüidade ata hoxe. Explicoulles a sucesión de Fibonacci e como están presentes os elementos xeométricos en tódolos ámbitos do mundo da Arte. 
... seguir lendo no blogue de Perdourando.

Libros de texto curso 16-17

Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

Prazo de presentación: do día 18 de maio ao día 23 de xuño de 2016 (este incluído)

Orde do 27 de abril de 2016 (DOG)

Modelo de solicitude: Anexo I

EXTRACTO da Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria,  educación  secundaria  obrigatoria  e  educación  especial  en  centros docentes sostidos con fondos públicos para o curso escolar 2016/17.

Extracto da orde do 27 de abril de 2016 (DOG)

Máis información:

Procedemento ED330B - Participación no fondo solidario de libros de texto e axudas para adquirir libros de texto e material escolar.

Carteis Letras Galegas 2016 - Manuel María

O alumnado de 1º de Bach. de TIC elaborou a súa cartelería anual adicada ao persoeiro homenaxeado das Letras Galegas. Se queres coñecer quen foi Manuel María, autor chairego conmemorado para celebrar as Letras Galegas 2016, non deixes de botarlle unha ollada a este traballo.

Novo nº de teléfono do IES Perdouro

Teléfono: 982 87 01 02
Fax: 982 87 01 12

Distribuir contido


by Dr. Radut