Durante o mes de xuño realizamos as xornadas de orientación para presentar o centro ao novo alumnado e as novidades que supón o inicio da ESO. Xa estiveron de visita os alumnos de 6º de E.P. dos colexios adscrito, CEIP A Serra de Outes e CEIP Emilio Navasqües. O mércores 13 de xuño as 19 horas recibiremos ás familias para completar as sesións informativas e resolver as dúbidas que podan existir respecto a escolarización dos seus fillos.
Contamos coa presencia de todos este mércores.
Durante os días 23 e 24 de maio desenvolveranse no IES Poeta Añón unhas Xornadas informativas dirixidas ao alumnado de 3º e 4º de ESO, PCPI, e EPA. Están tamén abertas para as familias interesadas no futuro escolar dos seus fillos. acceso ao programa
23 de maio as 19 horas. Opcións educativas e saídas profesionais.
24 de maio as 19 horas. Recursos para a mocidade de Outes.
Estas xornadas están incluídas dentro do programa de Actividades para a prevención do fracaso e redución do abandono escolar que organiza o Concello de Outes.
O Concello de Outes organiza unhas Actividades para a prevención do fracaso e redución do abandono escolar.
No seguinte folleto tedes a información sobre todas as actividades, os teléfonos e os lugares de contacto. folleto informativo
O luns 19 de marzo as 19:00 horas haberá unha charla informativa na que trataremos de explicar as vías que ten o alumnado de 4º de ESO para continuar a súa formación académico/profesional.
Intentaremos a aclarar as dúbidas que teñades sobre este difícil tema.
A exposición CARTAS DE AMOR visita o noso centro. Trátase dunha iniciativa da Secretaría de Igualdade da Xunta de Galicia, en colaboración con El Patito Editorial, na que 15 artistas ofrecen a súa visión sobre a violencia de xénero.
Ilustradores de sona como MiGUEL CALATAYUD, PATRICIA CASTELAO,FAUSTO ISORNA, J. LUIS MÉNDEZ, JACK MIRCALA, JAVIER OLIVARES, DAVID PINTOR, PIRUSCA, PRIMITIVO, SONIA PULIDO, PACO ROCA, SERGI SAN JULIÁN, EVA VÁZQUEZ e ÓSCAR VILLÁN, con textos da escritora galega Anxos Sumai.
O obxectivo é sensibilizar á poboación máis nova, facendo reflexionar ós adolescentes sobre a existencia de violencia nos seus hábitos sociais para, deste xeito, axudar a detectala e a eliminala.
As láminas que podedes contemplar no patio central do IES van acompañadas dunha mostra bibliográfica de literatura infantil e xuvenil facilitada pola biblioteca da FUNDACIÓN NOVACAIXAGALICIA de Santiago. 92 títulos que nos invitan a LER PARA VIVIR EN IGUALDADE. No seguinte documento atoparedes algunhas desas suxestións de lectura, con un pequeno resumo do argumento.
Xunta de Galicia - Consellería de Educación, 2010 | ||
