A Consellería de Educación vén de publicar diversas instrucións relativas a axudas para os libros de texto do curso 2015-16. Así, o alumnado que nese ano curse

• 1º e 3º de ESO: o sistema é similar ao de anos anteriores, de axudas para a adquisición dos libros, e vén regulado pola Orde do 22 de maio de 2015 (DOG do 1 de xuño).
• 2º e 4º de ESO: o sistema será un fondo solidario de libros de texto, regulado pola Orde do 21 de maio de 2015 (DOG do 1 de xuño). O prazo de solicitude para entrar neste fondo vai do 2 ao 30 de xuño.

Todo o alumnado que foi beneficiario durante o curso 2014-15 das axudas para a adqusición de libros de texto ten a obriga de devolvelos. O incumprimento dese requisito, ademais de invalidar a posibilidade de participar nos sistemas citados, levará ao inicio pola Administración dun expediente de reitegro da axuda concedida.

A devolución dese libros de texto deberá facerse ao profesorado titor o martes 23 de xuño, no momento da recollida das cualificacións. Unicamente se conservarán ata setembro os libros das materias que se deban recuperar nesa convocatoria.

O calendario para os diversos procedementos pode descargarse premendo nesta ligazón. [Nota: A data que figura para a devolución dos libros, de 19 de xuño, debe considerarse que é o 23 de xuño, como se indicou no parágrafo anterior]