Skip to Content

AXUDAS ADQUISICIÓN LIBROS DE TEXTO, MATERIAL ESCOLAR E FONDO SOLIDARIO PARA O CURSO 2016/17

NOTA INFORMATIVA

AXUDAS ADQUISICIÓN LIBROS DE TEXTO, MATERIAL ESCOLAR E FONDO SOLIDARIO PARA O CURSO 2016/17

 

Dende a dirección do IES de Porto do Son infórmase da apertura do prazo para solicitar as axudas convocadas pola Consellería de Cultura, Educación e Ordenación Universitaria para a adquisición de libros de texto (cursos 2º e 4º da ESO) ,para a participación no fondo solidario de libros de texto (1º e 3º da ESO), e para mercar material escolar (1º,2º,3º,e 4º da ESO) para o vindeiro curso 2016/17.

 

Estes procedementos estarán regulados pola Orde do 27 de abril de 2016, publicada no DOG o pasado 16 de maio de 2016. 

O impreso ( Anexo I da Orde) para realizar as correspondentes solicitudes poderá recollerse na secretaría do centro. Este deberá presentaranse cuberto (acompañados da documentación necesaria) na mesma secretaría do centro non máis tarde do 23 de xuño de 2016.

 

O alumnado que repita 4º da ESO no curso 2016/17, cando non tivese presentado a solicitude de axuda no prazo indicado, tamén poderá presentala no prazo dun (1) mes desde a formalización da matrícula.

 

AVISO IMPORTANTE:

 

Devolución dos libros do curso 2015-16

Os libros de texto adquiridos con cargo ó vale do curso 2015-16 (axudas de libros) e os proporcionados dende o fondo solidario do centro do curso 2015-16 terán que ser devoltos polos alumnos aos seus respectivos titores/as o día 27 de xuño para formar parte dun banco de libros do centro. Aqueles alumnos/as con materias pendentes para setembro poderán quedar cos libros correspondentes e devolvelos non máis tarde do día 7 de setembro.

 

Igualmente, aquelas familias que non fosen beneficiarias deste tipo de axudas e que voluntariamente desexen donar ó centro os libros de texto poderano facer na secretaría do centro, pasando estes libros a formar parte do banco de libros do centro e, deste xeito, poder ser empregados no vindeiro curso por outro alumnado.

 

Consecuencias da falta de devolución.- A falta de devolución dos libros de texto naqueles

casos nos que exista a obriga de facelo, será causa de exclusión do fondo solidario de libros

 

de texto e das convocatorias de axudas.  



page | by Dr. Radut