Skip to Content

Filosofía

Departamento de Filosofía. Manuel Torres Anxela Doval

CHARLA IDENTIDADE

30/01/2024 22:10

O martes 30 de xaneiro, o alumnado de 1º de Bacharelato asistiu no Salón de Actos do IES a unha charla sobre a IDENTIDADE.

Ao longo da historia, tanto literatos coma filósofos ou psicólogos dedicaron moitos esforzos a conectar cunha intuición que en distintos momentos da vida se manifesta con lucidez. Podería expresarse así: non sei ben quen son porque non sempre me recoñezo. Tal intuición leva aparelladas unha serie de preguntas que preocupan desde os albores da humanidade: quen son? Podo coñecerme totalmente? Son responsable do que fago? Non son máis que variacións do clásico γνωθι σεαυτόν («coñécete a ti mesmo») do oráculo de Delfos. Tanto na literatura como na mitoloxía, estas preguntas desenvólvense dando lugar a varias figuras dominantes, como por exemplo o heroe, o dobre, o espello ou a sombra, protagonistas de relatos, contos e novelas.

Durante esta charla, o alumnado puido repasar varios exemplos desta variada produción literaria mediante algunhas claves interpretativas filosóficas e psicolóxicas coa finalidade de aprender a profundar no camiño do autocoñecemento e da aceptación de si mesmo.

ECOFEMINISMO ARREDOR DO 8 DE MARZO

15/03/2019

As alumnas de Antropoloxía de 1º de Bacharelato, no marco da Sostibilidade e o Día da Muller, investigaron sobre o ECOFEMINISMO. Souberon así das mulleres que cren que as transformacións necesarias non poden ser posibles sen ter en conta a visión feminina da problemática da Terra. No blog da biblioteca podedes ler a entrada. 

 

SONDOSON, O GRUPO DE TEATRO DO IES, NOS ENCONTROS CAIXAESCENA 2019

12/03/2019

 

O grupo de teatro do noso centro, dirixido pola profesora Ánxela Doval, foi seleccionado para participar nos Encontros Caixa Escena celebrados en Vigo, na Escola Superior de Artes Escénicas de Vigo. Dende o venres 8 ata o domingo ao mediodía, asistiron a unhas intensas xornadas de formación con alumnos e alumnas de grupos de teatro de centros de Panxón, Coruña, Lugo, Asturias e Madrid. Unhas xornadas ben interesantes que non esquecerán e que mellorarán as súas producións! 

Podedes ler máis sobre a actividade no blog da biblioteca.

 

SOSTIBILIDADE. MARÍA E RAQUEL

28/01/2019

María e Raquel Queiruga Romay, alumnas de 2º de ESO achégannos unha das primeiras producións audiovisuais do Espazo Maker. María cóntannos nun magnífico inglés o seu traballo de investigación sobre a sostibilidade para a materia de Valores Éticos. A súa irmá grávaa coa cámara. Unha lección sobre o desenvolvemento da competencia de aprender a aprender ao tempo que nos aportan información para construír un futuro respectuoso coa Terra. Parabéns! 

  

Sostibilidade. María e Raquel. from SonCine on Vimeo.

O CONSUMO RESPONSABLE DA AUGA

25/06/2018

Na mateira de Oratoria, o alumnado de 1º de ESO A traballou sobre a auga e a necesidade de facer un uso responsable deste recurso. Son accións que complementan o traballo sobre a Ruta da Auga que estes alumnos e alumnas veñen facendo dende distintas materias. Podedes escoitar as súas conclusións en Onda Perseveira, son ben interesantes!!!

 

XUSTIZA, MOTOR DE UTOPÍAS E REVOLUCIÓNS

12/06/2018

A xustiza é o motor das utopías? É a xustiza motor de revolucións? Nos tempos que vivimos sobran cuestionamentos para mirar á Filosofía, aos clásicos. Podemos atopar neles respostas? Ata que punto a nosa sociedade e o sistema educativo está deixando pasar a posta en valor do pensameto, necesaria para xerar espírito crítico?

No noso instituto estamos ben seguros da resposta. O alumnado de Filosofía de 4º de ESO tamén.

Este é o vídeo co que participaron na V Olimpíada Filosófica:

 

 

VIAXE A MADRID

15/04/2018

O alumnado de Valores Éticos e Artes Escénicas de 4º de ESO viaxou a Madrid do 12 ao 14 de abril. Asistiron ao teatro e visitaron os principais puntos de interese cultural da cidade. A actividade foi organizada polo departamento de Filosofía. Da vila á gran cidade!

 

LEVAMOS A NOSA PEZA DE RADIOTEATRO Á RADIO!

07/11/2017

 

Onte pola mañá o alumnado de Artes Escénicas foi entrevistado na radio municipal. Falaron do proceso de creación da súa peza A noite de Samaín, creada con Fanfarra de Soños no obradoiro de radioteatro que nos ofreceu o Concello. Estes mozos e mozas, e a súa profesora, Ánxela Doval, salientaron a importancia da dinámica creada, da estimulación... Aprenderon a importancia de comunicar nun medio no que a expresividade se basea principalmente na voz. A valoración da actividade foi moi positiva, tanto por parte do alumnado como do profesorado. Repetiremos!!!

Achegámosvos o podcast do programa:

Na prensa sacaron a nova: 

XORNADA DE ACOLLIDA AO ALUMNADO DE 1º de ESO

20/10/2017 19:44

Esta mañá a chuvia non foi quen de estropear a xornada de acollida para os rapaces e rapazas de 1º de ESO que organizou o alumnado de Artes Escénicas de 4º de ESO, coordinado por Ánxela Doval, profesora do departamento de Filosofía. Estes preparáronlles xogos en diferentes espazos do centro. Trátase dunha actividade que forma parte do Plan de Acción Titorial que ten como obxectivo darlles a benvida ao centro e crear un sentimento de grupo que favoreza a convivencia ao longo do curso. Esta complementarase coa "Ruta da auga" que realizarán o luns que vén na que asentarán os primeiros chanzos para o traballo por proxectos. Este ano: COMUNICACIÓN  (convivencia, diálogo, respecto...).

É un pracer velos felices!!! Un ano máis, o esforzo dos mozos e mozas de Artes Escénicas fíxoo posible!!! Moitas grazas!!!!!!!

 

cuestionario Descartes

                              

                                  CUESTIONARIO DE DSCARTES

  1.  
    1.  
      1. Que lle leva a Descartes a
        elaborar un método?

  1.  
    1.  
      1. En que se basa e por que?

         

                    3. Que é a dúbida metódica?

  1.  
    1.  
      1. Cañl é o proceso (os graos)
        da dúbida?

  1.  
    1.  
      1. Como descubre a 1ª verdade?

                  6. Qué
é o criterio de certeza?

  1.  
    1.  
      1. Na análise do seu pensamento
        descubre as ideas, que diferencias hai entre ellas?

                  8.
Como demostra a existencia de Deus?

  1.  
    1.  
      1. Por que se despexa a dúbida?

  1.  
    1.  
      1. Como explica que Deus é
        garantía de verdade?

Distribuir contido


by Dr. Radut